Artikels

Premium+ Lid Premium+ Lid
Deel hierdie werkstuk met jou Facebook vriende

WOES is ‘n platform vir gebruikers om hul skryftalent met andere te deel en opbouende kommentaar op mekaar se werke te lewer. Mense leer mekaar ken en maak vriende, deel hul mees intieme gevoelens en staan mekaar by deur moeilike tye. Daar word saam gelag, saam bespiegel oor vraagstukke en lekker geskryf en gelees.

Dis werklik jammer dat ‘n handjievol gebruikers genoop voel om bydraes en/of kommentare te plaas wat gebruikers met ander oortuigings as hul eie veroordeel en as minder ag. Talle onskuldige gebruikers loop deur en begin ongemaklik voel. Ons wil die webblad graag te alle tye gebruikersvriendelik vir al ons lede hou.

Die bestuur van WOES versoek hiermee dus alle gebruikers om nie bydraes of kommentaar te plaas wat teen enige ras, geslag, godsdienstige oortuiging, politieke siening of gebruiker diskrimineer nie. Hierby word ingesluit uittarting, aantasting van karakter en kwaadwillige opstokery.

Byvoorbaat dankie vir almal se vriendelike samewerking.


 



Spaar Geld op Versekering

Lucky Lottos

Kommentaar

My opinie


1 - dis heel ironies, dat die oorsprong (van hierdie skrywe) en die resultaat totaal anders ontsluit

2 - dis duidelik dat woesers meer aandag aan die letterkundige vereistes van gedig, artikel en rubriek moet skenk

3 - dis algemeen aanvaarbaar om grammatika-foute uit te wys

4 - woesers moet weer lees wat behels ‘n gedig:

'n Gedig is 'n letterkundige werk wat nie net gekenmerk word deur die fisieke beperkte vorm van die skryfsel nie, maar ook deur die beperkte aantal betekenis- en beeldryke woorde, asook die aanwesigheid van ritme en klank in die stuk.
Betekenis
beeldryke woorde
ritme
klank . . . . [bevat jou gedig hierdie elemente?]

En ‘n artikel en rubriek:

'n Artikel is verslaggewing geskoei op feite en navorsing. In teenstelling met 'n rubriek neem 'n artikelskrywer nie 'n persoonlike mening oor die onderwerp van die artikel in nie, maar gee wel verskillende sienings van 'n saak sodat die leser self besluite kan maak gegrond op die feite wat in die artikel genoem word. 'n Artikel is informatief van aard.
Verslaggewing
feite op navorsing
verskillende sienings
informatief . . . . [bevat jou artikel akademiese geloofwardigheid, ontleed, analiseer, evalueer en eerlik gevolgtrekkings gemaak?]

'n Rubriek is 'n meningstuk, 'n uitspreek van 'n persoonlike opinie, dikwels geskoei op ’n subjektiewe aannames. Die wese van 'n rubriek kan baie verskil. Party stukke lewer kommentaar op een of ander aktuele saak in die samelewing; ander is nostalgies van aard; ander inspirerend, en party kan selfs baie humoristies wees.
Meningstuk persoonlike opinie [skrywer se opinie, wat nie noodwendig algemeen aanvaarbaar hoef te wees nie]
Kommentaar op aktuele saak . . . . [bevat jou rubriek rasionele opinies en is die saak aktueel?]

5 - die ontstaan van Carol se skrywe is gegrond op persoonlike aanklagte op skrywers van rubrieke,
maar sommige wil die feite wetenskaplik versoenbaar eis, en dis buite die spektrum van die rubriek, en dis hier waar snedige op- en aanmerkings begin ontstaan het. . . . weens kommentators se irrasionele emosionele onstabiliteit (in my opinie) want dis algemeen hier onder ondersteun dat jy nie betrokke moet raak oor beskouiinge as jy nie regtig opgewasse daartoe is nie, jy gaan gelek word!

Jacques is in die kol! . . . ek haal aan: “Waar anders kry ons die geleentheid om soveel uiteenlopende uitkyke van ons mede Afrikaners nie net te lees nie, maar ook mee te kan argumenteer? Stimulasie kweek ontwikkeling, en elke mens moet leer om tussen ander te groei.”

te lank is ons deur owerhede in alle sfere met die vinger uitgewys met: “Bly stil, ons het nie jou opinie nodig nie!” . . en so is skade aangerig aan ons intellektuele ontwikkeling.

Ek wil iets illustreer:

Beide Jacques en myself was opgelei as argitek in die argitekskool, waar ontwerp, baie naby aan kunskreatiwiteit ontwikkel en dikwels met emosionele konnotasies, en dikwels word rasionele logiese evaluasie van die geldigheid van die skema genegeer of ignoreer of oorwaardeer.

Ons was net 17 in die klas, en die skemas was alfabeties op die bord gesteek;

elke student kry ‘n beoordelingslys, byv: aanbieding, tegniek, oplossing, terrein, sirkulasie, beplanning, ontwerp, ekonomie, struktuur, ego-vriendelikheid, en nog baie ander aspekte.

Elke student gee sy eie skema vol punte vir elke kategorie;
dan evalueer hy elke ander skema onder die aspekte en werk die gemiddeld uit en word ingehandig, gesorteer in hoogste tot laagste en weer herrangskik op die bord.

Elke student verdedig sy skema onder die aspekte en bied sy redes aan hoekom sy lys se student die hoogste syfer behaal het (sy eie natuurlik uitgesluit) en hoekom hy die laagste laaste geplaas het, en hy kan sien waar sy evaluasie relatief tot die gemiddelde van die klas is.

Hierdie manier van nasien, leer studente om kritiek te lewer, en om kritiek te ontvang! [NO HARD FEELINGS!]

6 - dit lyk vir my of baie lesers nie kritiek kan lewer of ontvang, sonder om emosioneel betrokke te raak nie, en daarom het ek die woes aspekte vir artikels, rubrieke en gedigte weer hier geplaas sodat jy my kan kritiseer en ek kan respondeer, ek jou mag kritiseer en jy op my kan respondeer, onder die aspekte en nie op die persoon nie!

7 - ek sien woes as ‘n kultuurontwikkelingsplatform.

Kultuur bestaan uit Nasionaliteit, Etnisiteit, Taal en Volk (wat geloof insluit) en dit is die hoof onderwerpe waarop ons hier op woes kan kommunikeer

Uit die aard van die saak, is ons almal gebore (meesal) Suid Afrikaners en met verskeidenheid van ander burgers, al is dit die burgers van die berge. . . en natuurlik sal saamleef, spanning, ervaring, dankbaarheid en selfs woede kweek, want kulture sal altyd eie kulture voorkeer gee.

Uit die aard van die saak, is ons van verskillende etniese afkoms, en ons weet waar ons vandaan kom, maar weet almal waar hulle vandan kom? Natuurlik nie, en dit is een van die redes hoekom ek inligting deel.

Uit die aard van die saak is ons Taal, ons kommunikasie-klank en skrif en kan ons gesêls sonder om mekaar te sien, en is dit nie wonderlik dat lettertjies beelde vorm en mense verlief kan maak, kwaad kan maak, slimmer kan maak, beledig en selfs belaster, en dis hier waar karakter ons elkeen moet lei na redelikheid.

Uit die aard van die saak is ons almal in ‘n mindere of meerdere mate gekoppel aan geloof in of verwerping van bonatuurlike geeswesens, en die feit dat dat die sewe hoof godsdienste meer as 90% van die wêreld se bevolking behels in die sewe meer belangrikste godsdienste: Spiritisme, Islam, Hinduïsme, Buddhisme, Judaïsme, Romanisme en Christianisme, is dit logies dat die een die ander wil oortuig dat sy of haar godsdiens beter is as die ander ou se godsdiens. Ons geskiedenis beweer dat ons meesal ons Christianisme uit Europa ter plaatse gevestig het, en vanaf Martin Luther, was godsdiens onder druk in Europa en was dit een van die hoof redes hoekom ons voorouers na Suid Afrika gekom het.

Na 1994 het alles drasties verander, en hierdie verandering (polities en godsdienstig) is profeties voorspel en dit gee ons geleentheid om [die Tyd van die Einde] hier op woes te bespreek, want dit word nie in kerke gedoen nie en as dit gedoen word, is dit die kerk se interpretasie en mag dit nie deur die lidmate gekritiseer word nie, en dis die wonderwerk van woes, waar die kritiek gegee en ontvang kan word, sonder intimidasie.

Kom neem deel of bly weg, maar bly by die reëls van woes. [ek word alreeds deur woes gestraf oor ander mense se onredelike inmenging, want effektief is ek gesensor, maar ek bly maar stil, anders word ek dalk verban, en ek geniet dit hier op www.woes.co.za] . . . ja daar is ander platforms, maar is hulle beter of slegter? Dit weet ek nie! Groetnis en dankie aan Willem en Carol en al die woesers.
7 jaar 7 maande 3 weke 15 ure oud


Kommentare
Baie dankie dat almal die tyd geneem het om te lees en ook veral dankie dat julle genoeg omgee wat op die blad gebeur om opinies te lig.

Ek wil asb net duidelik stel dat geen onderwerpe nou skielik taboe is nie. Die hele besigheid gaan oor die manier HOE sekere gebruikers hul skrywersvryheid hanteer. Wat ons vra: Skryf asb oor jou gekose onderwerp sonder om opruiend en antagonisties teen ander gebruikers op te tree...

Baie dankie.
7 jaar 7 maande 3 weke 1 dag 17 ure oud


So bietjie afstand tussen die twee soorte van kommentaar...
Ek wil inlas dat ek hier praat van rubrieke, gorrel en artikels.

Ek self sryf kommentaar wat gebruikers met ander oortuigings as myself toespreek en hulle probeer kry om verantwoording te doen vir wat hulle skryf.

Hoe kan jy anders as hulle te doen het met misonformasie, afkrakende idees en partykeer net blootweg irrasionele stellings soos rassehaat, kindermoord, wanvoorspellings en medies gevaarlike raad wat 'n definitiewe negatiewe impak op ander mense kan hê.

Maar artikels en rubrieke wat die bogenoemde bollie versprei... Nee wat. Iemand moet iets sê voor mense dit vir soetkoek vreet.

Ek kan net nie verstaan hoe mense iets soos 'n gedig kan slegsê nie. Dit is tog iemand anders wat skryf vir vreugde.
7 jaar 7 maande 3 weke 2 dae 7 ure oud


Aanvallende Bydraes en Kommentaar
Oom Pieta het kleintyd my geleer dat as die skoot klap en die jakkals tjank, weet dan dit was nie mis nie. En nou oortuig die uiteenlopende kommentare dat jy meer jakkalse raak geskiet het as wat jy beplan het... Welgedaan!
7 jaar 7 maande 3 weke 2 dae 8 ure oud


Aanvallende Bydraees en Kommentaar
Ek verbaas my morsdood! Ek is die vreemdeling in Jerusalem! Het nie geweet van al die dinge wat gebeur nie. Maar Woes is mos soos die Parlement! Of hoe?
Parlementêre beskerming? As jy bereid is om in die parlement te gaan sit, moet jy weet jy stel jou bloot aan kritiek; ook kan en mag jy vry voel om te kommentaar en jou siening op die tafel te lê! So ook sien ek woes! Kommentaar is kommentaar! As jy nie daarvan hou nie, vat dit van wie dit kom....
Solank ons net nie mekaar se ore met die sabel of swaard of tong afkap nie!!!
Groete van huis tot huis!!!
Shame.......
7 jaar 7 maande 3 weke 2 dae 12 ure oud


Wat en Hoe
Ek interpreteer KB se brief soos volg: Dis nie altyd WAT jy sê nie, maar HOE jy dit sê. Ek voel vry om op WOES oor enige onderwerp te skryf, maar ek eien my nie die 'vryheid' (lees 'vermetelheid', 'onbeskoftheid') toe om iemand van wie ek verskil, te beledig nie. Ek verskil net doodgewoon van sy standpunt.
7 jaar 7 maande 3 weke 2 dae 13 ure oud


:-)
Vir my geld is Kiekies se kommentaar binne inniekol in. Ek herhaal dit vir maklike verwysing:
"Wanneer gaan ons dan leer? As jy jouself soos 'n toffie gedra, gaan jy op een of ander stadium gekou word! En soms ingesluk word en andersins uitgespoeg word. En as jy mieliepitte plant, gaan jy nie druiwe trosse kan pluk en wyn maak nie. Hoe moeilik is dit dan om te verstaan?"

Sal byvoeg - maak vrede met die feit dat jy jouself aan allerlei bedreigings blootstel wanneer jy 'n skryfsel op 'n openbare platform kom plak. Bêre jou ego of moenie bodder om jou poging aan die wye wêreld te openbaar nie. Miljoene skrywers en digters, ge-publiseerdes of andersins, kan hiervan getuig.

Bly uit die kombuis uit indien jy nie die hitte kan vat nie...
7 jaar 7 maande 3 weke 2 dae 14 ure oud


en so verder
van die nie te goed sien om terug te gaan en te korrigeer, praat ek nie eers nie. Soos nou-net met my gebeur het. Hehehe!
7 jaar 7 maande 3 weke 2 dae 15 ure oud


stuiwer in die armbeurs
Soms is geen kommentaar erger as effe negatiewe kritiek. Dit sê duidelik ook iets. Ek is teen hefige teregwysing, wonder soms of die sosiale parallel nie die oorhand oor die letterkundige een het nie. Maar as dit die grootste behoefte is, is dit seker reg so. Ek het nou vrede gemaak met die swak spelling oor die algemeen. Ek is seker maar uit die oude doos om te dink respek vir jou werk en korrekte spelling gaan noodwendig saam. Dis baie keer te wyte aan die tegnologie en ons onvermoë (veral ons ouer garde s'n), om te vinnig en dan verkeerd te tik.
7 jaar 7 maande 3 weke 2 dae 15 ure oud


Ita'tjie
Ek lees alles op Woes en ek se baie keer "Mooi geskryf" op n gedig omdat dit met my gepraat het. Van die dig kuns weet ek bitter min maar ek wil net wys dat selfs as n leek ek dit goed gevind het :-)
7 jaar 7 maande 3 weke 2 dae 16 ure oud


Probleem is nou
Ek verwys na die laaste paragraaf. Wat my pla is dat almal wat Christelike gedigte of rubrieke, bv skryf, kan dit nie meer plaas omdat dit Godsdienstig is en dus nie strook met ander gelowe se sienings nie. Tweede probleem is Skrywers skryf oor hulle sienings, opinies, waarnemings omtrent alles van die bogenoemde 'sensor'lys en omdat ons juis verskillende sienings oor al die verskillende dinge het wat n Samelewing opmaak,gaan daar op iemand se gevoelens getrap word, maar dit is Vryheid van spraak (en skryf). Ek dink hou maar net by, Kommentaar ten opsigte van n skryf werk, en nie sensorskap ten opsigte van waaroor geskryf kan word nie.
7 jaar 7 maande 3 weke 2 dae 16 ure oud


Aanvallende bydraes
Jy is heeltemal reg.Daar is iets soos vryheid van spraak en hierdie is 'n gebruikersvriendelike blad waar ALMAL kan se en skryf hoe en soos hulle wil binne die riglyne van hierdie pragtige platvorm. Arrogansie en hoogmoed word nie net op hierdie tipe platvorm gevind nie, maar ook in die musiekgenre..daarmee het ek 'n probleem. My leuse is: "As jy nie iets goeds kan se nie, hou jou mond". Niemand dwing jou om ander se werk te lees nie. Ons taal is so lekker in die mond en soms word van anglisismes of selfs taalvermening gebruik om iets nog lekkerder te beskryf..wie is die leser om die maker van die stuk te beoordeel. Net soos ons die ons Maker kan bevraagteken nie...stel ek voor - kyk wat probeer die digter/skrywer se en leer iets daaruit. Leer om dieper te lees as net die perfekte skryfstyl of simantiese samestelling...ghmf..dit is tog so uit die oudedoos! Lekker skryf almal, en geniet dit!!! Liefde Rooikop
7 jaar 7 maande 3 weke 2 dae 16 ure oud


Aanvallende Bydraes
Ek stem een honderd persent saam. Hierdie is ook toepaslik by mense wat al jare skryf en dink hulle kan sumier vir 'n jong digter se: 'Daar is te veel woorde in hierdie lyn." Nee, daar is nie. Dis so geskryf met 'n doel. As jy nie daarvan hou nie, gaan na die volgende blad en bly van myne af.
7 jaar 7 maande 3 weke 2 dae 16 ure oud


Ita
volwasse optrede
Baie dankie Carol vir jou volwasse en regverdige oordeel hier!Dit bly 'n taai toffie soos Kiekies tereg opmerk!Ek wil 100% vir Kobus ondersteun! Kan ons nie maar baie diplomaties liefs skrywers "reghelp" en persoonlik e pos om hul skryfvermoë taalkundig korrek aan te help nie?Ons maak almal foute maar ek voel nie om "mooi" te wil skryf as gedig wemel van taal/spelfoute nie.Ek dink opbouende kritiek is so onontbeerlik,dit laat mens met ander oë na jou eie werk kyk,soos ek al so mooi reg gehelp is.Ek sal so daarvan hou as iemand iets sinvols wil sê oor : woordkeuse,stylfigure,uitheffingstegniek ,temas,tipografie ens ens in plaas daarvan om net te skryf "mooi gedig",wat vir my baie vlei maar nie eintlik ietsie leer nie.
Oor godsdiens kwessies of politiek,gaan ek eenvoudig geen oordeel uitspreek nie,elk het seker die reg op vrye denke.Maar dit GRIEF my as sekeres my wil tereg wys met aaklikge verwysings na seksuele konsepsies en dies meer,en die hele saak uit verband ruk.Kom ons hou woes die forum vir skrywes geniet en volwasse kritiseer en nie aanvallende kommentare bloot om eie geloofsoortuiginge te bewys nie !Sê maar net...
7 jaar 7 maande 3 weke 2 dae 16 ure oud


Aanvallende bydraes....
Dis maar een van die redes hoekom ek nie regtig meer hier skryf nie, dis n probleem wat alreeds lank n woes verwoester is en mens is bly as dit aangespreek word. Ons hoop die verwoesters slaan ag daarop.
7 jaar 7 maande 3 weke 2 dae 16 ure oud


Aanvallende bydraes
Ek wil net eerstens vir KB sê dankie vir haar uitstekende bestuur van die Woes Kreatiewe Platform. Dis lekker hier! Kritiek - goed of sleg - ons het dit nodig. Ons het egter nie aanvalle op ons menings of sienings nodig nie. Ek dink die hele idee van kommentaar lewer is om te kan sê jou gedig/verhaal ens. is goed, of dit kort skaafwerk, of dis vol spelfoute of wat ookal as opbouende negatiewe kritiek kan deurgaan. Maar om my by te loop omdat ek een of ander siening huldig wat van die volgende persoon sin verskil, is onvanpas en onnodig. Dis 'n lekker kuierplek hier by Woes. Kom ons hou dit so! As jy 'n bakleier is, gaan soek vir jou 'n blad wat jou kan bevredig, maar los ons WOES uit sodat ons rustig kan saamkuier en ontspan...
7 jaar 7 maande 3 weke 2 dae 17 ure oud


Negatiewe kommentaar
Amper elkeen wat die moeite gedoen het om hier te reageer, het iets kwytgeraak waarmee ek ook saamstem. Vir my lyk dit of almal die ware kwessie "verstaan". Ek dink soms mense reageer negatief wanneer hulle onseker/bygelowig/naief is oor sekere kwessies. In so 'n geval bly ek dan liewer stil of reageer met 'n direkte e-pos aan die bydraer indien ek dink dit is nodig. Ons moet egter onthou dat wat vir iemand anders 'n mooi gedig is, vir my miskien eenvoudige rymelary mag wees - maar dan bly ek stil en gun ander hul vreugde! Beauty is in the eye of the beholder!
7 jaar 7 maande 3 weke 2 dae 17 ure oud


Aanvallende bydraes
Sjoe, ek is nuut hier en voel ook dat daar nie sulke voorvalle hoort plaas te vind nie. Dit is jammer dat dit wel gebeur. Respekteer mekaar en as jy kritiek lewer doen dit opbouend.
7 jaar 7 maande 3 weke 2 dae 17 ure oud


Aanval...
Ek stem saam met KB.

Om aan te val klink vir my te veel na oorlog en ek het nou die dag een so 'n aanval teengekom wat my baie omgekrap het.

Wat ek wel opmerk -- en ek sien daar is ander hieronder wat ook daaroor praat -- is dat die heuningkwas [of is dit gouestroop?] te maklik gebruik word. Ek sien dikwels spel- en ander foute wat nie uitgewys word nie. Terwyl dit moeilik is om oor meriete/inhoud kommentaar te lewer, is dit seker nie so met slordige werk of vingerfoute nie -- ek glo die bydraer sal dit waardeer.
7 jaar 7 maande 3 weke 2 dae 17 ure oud


Bydraes
Spreuke 17 vers 14 : Om rusie te begin is om 'n damwal te breek. Staak liewer die getwis voor die vloed jou tref. (sms van D@nie) Gaan voort met skrywe, ek geniet almal se siening asook elkeen se kommentaar. Dankie vir WOES!! Kobus ek stem met jou saam, ek is ook 'n leek wat baie moet leer.
7 jaar 7 maande 3 weke 2 dae 18 ure oud


Kommentaar
Ek is dit eens met Kobus. Ek is nie 'n digter van formaat nie en soos elke skrywer seker maar 'n muse of "trigger" het pen op papier te sit, is dit in my geval 'n kwessie van persoonlik van aard. Ek skryf waneer omstandighede om my van so aard is dat ek genoop voel om uiting te gee aan my emosies. Ek sou dus as sulks enige vorm van afbrekende kritiek op 'n erger skaal ondervind aangesien nie net my pogings om uiting te gee aan my gevoelens bevraagteken word nie maar ook die faktore wat daartoe aanleiding gegee het. dis jammer dat dit gebeur, laat die son tog oor amal skyn mense!

Hengel groete
Tigernut
7 jaar 7 maande 3 weke 2 dae 18 ure oud


God's Gawe
Nes enige ander talent is dit 'n God Gegewe Gawe. 'n Mens leef mos jou talente uit en geniet dit! As jy dit nie meer geniet om dit te doen nie... is dit dalk tyd om jou gawes op 'n ander manier uit te leef of met jou Skepper te gesels en te kyk of jy jou gawes kan vernuwe en van voor af jou passie daarvoor te ontdek.
Liefde groete uit die Baai..... met 'n warm hart vir Al God se Mense
7 jaar 7 maande 3 weke 2 dae 18 ure oud


KOMMENTAAR
Ek is 'n leek as dit by dig kom. Maar ek wil bitter graag leer. Daarom lees ek baie gedigte op Woes. So sien ek soms gedigte wat my laat wonder of dit werklik 'n gedig is. Dit lyk soos 'n lang sin wat net in 'n paar woorde per sin opgebreek is. Dan lees ek die kommentaar en dikwels is dit "baie mooi gestel" of "pragtige gedig" en so meer. Dan is ek heeltemasl in die war. Ek waardeer eerlike kommentaar baie meer, en kan leer daaruit. Maar die kwistige gebruik van die heuningkwas lyk soms vir my oneerlik. Daardeer leer ek niks.
7 jaar 7 maande 3 weke 2 dae 18 ure oud


komentaar
Ek moet sê dat ek al van die bydraes gelees het wat my hare laat rys het. Tog is elke ou geregtig op sy opinie, maar ek dink ons weet almal as ons oor die lyne treë.
Wat kommentaar op werk wat geplaas word betref, dink ek dat gesonde kritiek nog nooit skade gedoen het nie. Mens se werk kan tog nie verbeter as iemand nie vir jou sê jy maak nou droog nie. En in elkgeval, wat die vriendskap aangaan is jou eerlikste vriend, die beste een waarvoor jy kan vra.
As iemand wat nog maar nuut is in die lewer van bydraes, voel vry om te sê waar ek bietjie kan skaaf en skuur. Dis een van die redes waaroor ek aangesluit het.
7 jaar 7 maande 3 weke 2 dae 18 ure oud


Eerder as stilswye...
...oor opinies en idees wat aanstoot gee, moet mens dit wat aanstootlik is uitwys en verduidelik wat aanstootlik is daaraan. Een goeie ding van 'n ope forum is dat alle idees en opinies getoets kan word in die publieke sfeer. Die verwronge bring gewoonlik die korrigerende na vore, so opinies gewoonlik slegs gemurmur kan hier uitgepak en ondersoek word in die lig van ander idees. So kry almal die geleentheid om iets wys te raak in die proses aangaande belangerike vrae wat, agv hul sensitiwiteit, gewoonlik nooit gevra word nie. Waar anders kry ons die geleentheid om soveel uiteenlopende uitkyke van ons mede afrikaners nie net te lees nie, maar ook mee te kan argumenteer? Stimulasie kweek ontwikkeling, en elke mens moet leer om tussen ander te groei.

Dit gesê, ek stem saam dat haatspraak veroordeel moet word, maar kom ons veroordeel dit in ons kommentaar eerder as deur sensuur. Indien 'n persoon se bydraes jou ontstel, probeer dit dan vermy as jy nie wil leer om dit te hanteer nie. Dit is my voorstel: kom ons wees volwasse hieroor.
7 jaar 7 maande 3 weke 2 dae 19 ure oud


*********************
Ek stem saam kritiek is nodig, of dit nou goed of sleg is ek wil dit sien andersins hoe sal jy werklik weet of jou werk die moeite werd is of gaan wees om te publiseer?

Groete D
7 jaar 7 maande 3 weke 2 dae 19 ure oud


Kritiek
Wanneer gaan ons dan leer? As jy jouself soos 'n toffie gedra, gaan jy op een of ander stadium gekou word! En soms ingesluk word en andersins uitgespoeg word. En as jy mieliepitte plant, gaan jy nie druiwe trosse kan pluk en wyn maak nie. Hoe moeilik is dit dan om te verstaan?
7 jaar 7 maande 3 weke 2 dae 20 ure oud


verstaanbaar
Ek sien die ding so, kritiek moet opbouend wees, te alle tye. Voorstelle ook.

Ek hou daarvan om oor vraagstukke te dig. Ek publiseer gewoonlik nie sulke werke nie, juis oor die kritiek, ons as meestal blanke persoonlikhede het soveel heilige koeie dat ons binnekort niks sal kan skryf nie, daardeur se ek nie ons moet almal hier toegelaat word om afbrekend of vernederhend te skryf nie, maar om n vraagstuk te hanteer deur n gedig is dikwels n verwerking van ons eie pyn, ervaring en probleme, een van my gedigte wat n jaar of twee terug geskryf is het ek we'll geplaas, dit handel oor die rasse en geleikheids vraagstuk in SA. In geen deel was ek afbrekend of krities teenoor n ander party nie, bllot n ope vraag gelaat, ek het dit geskryf na n persoonlike ervaring waarin ek aan die kortste ent getrek het, hoewel ek geen kommentaar daarop ontvang het nie weet ek daar is hordes mede skrywers wat stilswyend deel in die ervaring.
Ek voel dus as n skrywer posetief krities n onderwerp hanteer moet hy toegelaat word tot sy opinie in welke vorm.
Ek stem saam dat geen vorm van haatspraak teenoor enige ras taal of kleur toegelaat of geduld mag word nie, maar te dikwels is die SA waarin ons onself bevind, word n mening of opinie as haatspraak of rasisties gesien.
Sterkte in die stryd om Afrkaans.
7 jaar 7 maande 3 weke 3 dae 1 uur oud


Die ding is ...
Stilbly ... het sy meriete tot op 'n punt. Dankie vir die herinnering, Corina.

7 jaar 7 maande 3 weke 3 dae 1 uur oud


...
Ouma het altyd gesê: "Stilbly is ook 'n antwoord!"
7 jaar 7 maande 3 weke 3 dae 1 uur oud


...
Baie dankie vir hierdie een, Carol.

Blessings!
7 jaar 7 maande 3 weke 3 dae 1 uur oud


Barend
En ... ek begin nou al vir die Sharks skree ... hehe.
7 jaar 7 maande 3 weke 3 dae 4 ure oud


Barend
Baie dankie vir jou kommentaar. Jou sienswyse maak sin en solank gebruikers met mekaar verskil op 'n goeie voet is alles reg, maar wanneer mense doelbewus geviktimiseer word, is dit 'n perd van 'n ander kleur.
Ek se hiermee geensins dat mens die heuningkwas heeltyd links en regs moet rondswaai nie, maar daar is 'n verskil tussen afbrekende en opbouende kommentaar. So ook is daar mense wat wel in hul bydraes en/of kommentare doelbewus teen ander diskrimineer. DIS wat ons wil verhoed.
So ook is daar sekere mense wat doelbewus deur klagtes wil onmin skep ... Interessante tye, is dit nie?
7 jaar 7 maande 3 weke 3 dae 4 ure oud


Sê wie?
Jammer vir my negatiewe kommentaar op jou skrywe wat ek nou gaan lewer. Ek verstaan wat jy bedoel, maar ek is redelik gatvol vir al die tipes regte waarop mense aanspraak maak. Indien jy 'n standpunt, oortuiging het, aanhang of volg dan moet jy jou skoene volstaan daarvoor - sorry BlouBulondersteuners dat julle sulke swak verloorders is. Die lewe is maak pas van skuur en skaaf.

Ek haal werklik my hoed vir jou af -en dit het ek ook al vir jou gesê - om altyd sulke positiewe en opbouende kommentaar te lewer. Deur net positiewe en opbouende kommentaar te lewer, gaan mens nie veel verder vorder nie, al laat dit jou goed voel. Sê eerder my werk is swak, dan weet ek ten minste daar moet iets daadwerklik daaraan gedoen word.

Die ander sy van die saak is dat Woes 'n meer sosiale werf is as streng prosa of poësie. Daarom sal ek kritiek weerhou of versag. Om te verskil, standpunte oor en weer te gooi, selfs tone te trap sal beslis nie dood maak nie, net 'n ego krenk.

Anyway, jy is 'n goeie kreatiewe bestuurder!
7 jaar 7 maande 3 weke 3 dae 4 ure oud



Gebroke Harts Gebede

deur Anze Bezuidenhout

Gebroke Harts Gebede is ‘n digbundel oor die einas van die lewe. ‘n Soeke na liefde op ‘n stormagtige pad. Mag hierdie bundel vir die leser ‘n pad na herstel aanwys. Die diepe besef dat jou krag van Bo kom. Ja jy is tot alles in staat deur Christus wat jou krag gee.



picture

Kompetisies

Kyk watse opwindende kompetisies tans beskikbaar is

picture

Nuusbriewe

Registreer nou om nuusbriewe van Woes te ontvang

picture

Winkel

Woes skrywers wat self publiseer se boeke is in die winkel beskikbaar