Artikels

Deel hierdie werkstuk met jou Facebook vriende

Volgens Lewis Turco se boek “Book of Forms” is die Decastich ‘n hele gedig wat uit tien versreëls bestaan en hierdie tipe gedig is suiwer vrye vers (vers libre) sonder enige verpligting tot metrum, versreël lengte of rympatroon.

Carly Svamvour se “The Latest in Ooh La La”, Divena Collins se “Dreams of Love,” “Love Hurts,” “My Faerie Name,” “Eyes Of A Wolf ,” “Waltz of the Flowers”
en Nia Wynne se “Five Minutes,” en “Good Feelings Found,” is goeie voorbeelde van hierdie versvorm.

Hier is van my eie pogings tot die decastich in Afrikaans:


Hoop (Decastich)

Ons lewe in ‘n wêreld waar rampe, oorlog en vernietiging
ons gedurig teister asof die noodlot ons agtervolg,
asof alles in hierdie wêreld buite beheer is
asof die poorte van die hel wawyd oop staan
en ons word soms siek sonder ‘n kans op genesing
en verloor somtyds geliefdes aan die dood
en dit voel soms of ons op die rand van die afgrond leef
maar nog bly die hoop dat dinge beter sal gaan,
dat daar uitkomste met die nuwe môre kom,
asof ‘n gelukkiger toekoms net wag.



Ek het al baie gewonder oor die manne wat die wêreld lei (Decastich)

Ek het al baie gewonder oor die manne wat die wêreld lei,
ek het al baie gewonder oor inhalige manne,
en het gewonder oor hoe die wêreld gaan
onder die mense wat gekies is om op die weg te baan
en oor hulle begeerte vir roem, aansien en eie welvaart,
oor presidente wat nie weifel om ‘n leuen te vertel nie,
oor leiers wat soldate in oorloë instuur
en het gewonder of hulle die nagevolge ooit oorweeg
of is daar iets boos wat ‘n houvas kry op elke groot goeie man,
‘n soort verdorwenheid wat mag gedurig bring?


Jy het gisteraand reguit in my droom ingeloop (Decastich)

Jy het gisteraand reguit in my droom ingeloop
en saam met jou ‘n miriade herinnerings gebring
oor gelukkige tye en oor tye wat hartseer was,
oor gebeure wat ons saam ondervind het
en soms was ons in saligheid
en dit het net soos gister gevoel
wat ons mekaar die eerste keer gesoen het
en saam met jou het die lewe ‘n spesiale soort belofte
asof iets groots net wag om te gebeur
in elke nuwe more.


Dis herfs (Decastich)

Dis herfs en waar die blare af sweef
van die groot ou peper boom
sit jy op die bankie in ons tuin
met ‘n veraf blik op jou gesig
waar jy vêr verby lieflik is
geklee is in ‘n los wit rok,
omhul is deur die brons lig van die son wat sak,
as ‘n swerm mossies en vinke
pik aan die krummels wat jy uitgestrooi het
uit ‘n stuk wit brood.



Spaar Geld op Versekering

Lucky Lottos

Van ons ander lede

Lelani

deur Rachelle du Bois

Lelani Botha bestuur die eksklusiewe boetiek op die dorp. Sy is beeldskoon, stylvol en kunstig. Maar sy dra swaar aan ‘n geheim waarvan niemand weet nie. Tot hul botanis buurman Leon Postma haar eendag betrap in ‘n situasie wat sy nie langer kan wegsteek nie. Hy weet nou baie meer as wat enige ander mens van haar weet en sy verkwalik hom daarvoor. Hy het geen reg om te weet nie. Sy is pragtig, vurig en wantrouig. En sy is in Leon Postma se lyf, in sy kop en sy bloed. Hy sal vir haar ʼn brug oor die water bou wat haar na hom toe sal bring. Of so hoop hy. Maar Lelani bied hewig weerstand teen haar groeiende aangetrokkenheid tot Leon. Sal sy toegee aan die man wat soos ʼn koors in haar binneste kom intrek het? Sal sy uiteindelik die brug na hom toe oorsteek?



picture

Kompetisies

Kyk watse opwindende kompetisies tans beskikbaar is

picture

Nuusbriewe

Registreer nou om nuusbriewe van Woes te ontvang

picture

Winkel

Woes skrywers wat self publiseer se boeke is in die winkel beskikbaar