Titel: Die Japannese aardbewing en die doemprofete

Ek ontvang ‘n epos van ‘n vriend wat ‘n boodskap ontvang het van een van sy gesigboek vriende.

“The end of the world is prophesised in 2011. It is starting with the huge earthquake in Japan!“

Hy was ‘n bietjie kopskuddend want die persoon wat dit vir hom gestuur het klink na ‘n redelike agtermekaar mens. Inteligent en voete plat op die aarde. Maar hy is amper ekstaties bly omdat die “tekens” begin het met die “moeder van alle aardbewings”. Maar is dit werklik so snaaks dat daar ‘n groot aardbewings in Japan is?

Japan is geleë op die sogenaamde “vuurring” waar daar groot tektoniese plate is wat aktief besig is om teen mekaar te skuur. Hierdie plekke waar die plate aan mekaar skraap is ook waar die meeste van die aktiewe vulkane in die wêreld is omdat die kors dunner is en daar plek is vir magma om te ontsnap. Dink maar aan waar ‘n eierdop kraak en dit lek uit. Basies net met ‘n baie groter eierdop!

Skakel - http://af.wikipedia.org/wiki/Aardbewing

Japan het ‘n lang harde verhouding met aardbewings. Hulle is ook die beste toegepas deurdat alle geboue gebou word om graad 9 aardbewing teen te staan. Dit is ongelooflik om wolkekrabbers te sien swaai! Kopieer gerus die skakel hieronder. Soos bome in die wind.

Skakel - http://www.youtube.com/watch?v=-xlUnl5jnIk

Al die groot aardbewings gebeur in die sogenaamde “vuurring”. En snaaks genoeg, die aardbewing het nie die groot dodetal veroorsaak nie. Dit was die ongelooflike krag van die tsunami. Dit was nederig om te sien hoe die watermassas vuurhoutjies maak met dorpe en hawens. Die krag van die water was enorm. En die aarbewing was nie eens die grootste een wat gemeet was nie. Die grootste was 9.3 op die Richterskaal. So hierdie een was die dogter van die moeder van alle aardbewings.

Aardbewings is al vir derduisende jare deur ons spesie ervaar. Maar met vandag se tegnologie en moderne boukonstruksie metodes is ons baie veiliger.

Maar die natuur kan nogsteeds ons swak verklaar soos gesien word met die tsunami. Maar met beter waarskuwing sisteme kan die dodetal verminder word, en baie mense is gered deur die Japannese sisteem, waar as daar ‘n aardbewing gevoel word, outomatiese waarskuwings op die tv’s geplaas word.

Ek het regtig ongelooflike respek vir die Japannese. Daar word al klaar gepraat van herbouing en die toekoms. My hart is regtig seer vir al die mense wat familie en vriende verloor het in die ramp. En sommige sal nooit regtig weet of hulle geliefdes weer vind nie. Innige meegevoel as u as leser iemand in die ramp afgestaan het.

So moet nie bekommer wees oor die einde van die wêreld nie. Daar is baie dinge in die natuur wat die wraak van ons mitiese gode klein laat lyk.

Maar die mense wat sê dat die wereld gaan eindig in 57 dae... ek skat ‘n verskoning sal seker in orde wees op 12 Mei 2011. Of beter, hier is ‘n mening. Skenk al julle bates aan die Rooi Kruis. Sommer vandag.

Ek bedoel, as dit alles wanhopig gaan eindig op 11 Mei maak dit mos nie saak vir jou wat daarna gaan gebeur nie of hoe?