Elf nuwe gebooie deur Wessel Botes | Bydraes | Woes - Kreatiewe platform vir Afrikaans

Woes-Nuus

Tuis > Bydrae-Kategorieë > Artikels

Artikels

Bladsye: 1 2 3 4 5 6 > 640 641 Laaste › Temas ▼

Titel: Elf nuwe gebooie

Wessel Botes

Weergawe: 1

Aantal woorde: 358

Kere gelees: 1366

Datum gepubliseer: 18 Aug 2008

Net so bietjie gedagtekos.
Ek het die volgende stuk vry vertaal uit n blad van Richard Dawkins en so bietjie skrywersvryheid toegepas.
My opinie is dat die wereld n beter plek sal word, sou hierdie gebooie uit die suiwer sekulere hoek aan kinders bedien word op skool. Natuurlik is bg dit wat die meeste van ons vir ons kinders leer. Nogtans: indien hierdie "gebooie" by die mensdom ingeprent word, (soos die godsdiens wat in ons kele afgedruk word)dink ek die wereld sal oor twintig jaar n ander plek wees. Of is dit maar net wensdenkery? Natuurlik is daar heelwat wat bygevoeg kan word. Verder hoop ek dat ek niemand aanstoot gee met my vertaalpoging nie.
Ek het gaan soek op die net vir soortgelyke gebooie in Afrikaans, maar kon niks vind op die eerste paar bladsye van Google nie. Miskien kan iemand help.

1.Doen aan andere soos wat jy wil he hulle moet aan doen.
2.In alles, streef daarna om geen pyn of skade te veroorsaak nie.
3.Behandel jou medemens, en alle ander lewende dinge, en die wereld in die algemeen met liefde, eerlikheid en respek.
4.Moenie jouself blindhou vir slegte dade nie, en hou jouself en andere aanspreeklik deur die toepassing van reg en geregtigheid, maar wees altyd bereid om te vergewe, waneer verkeerde dade erken word en berou gewys word.
5.Leef met n gevoel van vreugde en bewondering.
6.Wees altyd gereed en begerig om iets nuut te leer.
7.Beproef alle dinge: vergelyk jou idees met die feite beskikbaar, en wees altyd bereid om selfs diepgesetelde en tradisionele idees te verwerp , sou dit nie strook met feite, logika en rede nie.
8.Moenie wegskram van tweespalt en twis nie, maar respekteer andere se reg om met jou te verskil.
9.Skram weg van tweespalt en twis maar nie bloot omdat jy ander wil tevrede stel nie.
10.Moenie enige-iemand of enige beweging blindweg volg nie, al word dit deur die menigte gevolg of aangehang: vorm jou eie berekende en onafhanklike opinies gegrond op die basis van jou rede en ervaring
11.Bevraagteken alles.

Ek dink bg. hanteer meeste morele kwessies soos eerlikheid, die waarheid, ens maar net onder ander hoofde.

E-pos Wessel Botes

Lees ander artikels deur Wessel Botes

Lewer kommentaar hieroor

E-pos my as kommentaar gelewer word

Rapporteer foute/ongewenste inligting rakende die artikel

Stuur e-pos aan vriende aangaande hierdie artikel

Druk hierdie artikel

Lees soortgelyke artikels

Kommentaar

Ya'acov

Goed deurdink

Wessel ek moet toegee dat jou punte goed deurdink is, en wys 'n goeie onderbou in filosofiese denke.

Ek moet ook toegee dat die "keelgat afdruk" nie uit 'n ouerhuis kom nie, maar dat die vorige skole-stelsel vir sommige mense hierdie verwysingspunt kan gee, aangesien daar nie ruimte vir eie filosofieë gegee is nie.

E-pos

3 jaar 1 week 5 ure 34 minute oud

Ya'acov

10 maklik of 11 moeilik?

Wessel

Goed deurdink. Ek stel grootliks saam dat ons gevestigde dinge moet bevraagteken, maar dan met eerste beginsels as vertrekpunt. So kan ons misleiding ontbloot.

Ek wil by jou 11e gebod begin en al jou punte bevraagteken, maar ek sien en is voorgespring met die "in die keelgat afgedwing" gedeelte. Dis jammer jy het in so 'n huis groot geword en jammer dat jy die woord "ons" gebruik, vele het die Skrif geniet as deel van grootword.

Hoekom sal 'n mens 11 nuwe gebooie wil hê as die volgende in die Skrif verwoord word?

"1Jn 5:3 Want dit is die liefde tot Elohiem, dat ons sy gebooie bewaar; en sy gebooie is nie moeilik nie."

"Jes 40:8 Die gras verdor, die blom verwelk; maar die woord van onse Elohiem hou stand in ewigheid."

"Deu 12:32 Alles wat ek julle beveel, dit moet julle sorgvuldig hou; jy mag daar niks byvoeg en daar niks van weglaat nie."

"Joh 10:35 . . . , en die Skrif nie gebreek kan word nie,"

E-pos

3 jaar 1 week 19 ure 32 minute oud

rex

Elf nuwe ...

Ek het 'n probleem met die feit dat jy sê godsdiens is in ons kele afgedruk, Boet. Waarom sê jy dit? Godsdiens word nie eens meer op skool aangebied nie, en ek persoonlik het GROOT bedenkinge daaroor! En afgedruk? Dit klink vreeslik. Jou elf gebooie is seker idealisties en goed, maar soos vorige korrespondente ook vir jou sê, die oorspronklike tien - waarby ons ou mensies so sukkel om te hou - bly maar die beste. Dalk moet ons ons eerder eers toelê om dit na te volg as om nuwes te wil skep.

Met godsdiens wat nie meer algemeen op skool aangebied word nie, is dit juis ons as ouers se taak om ons kinders in die geloof op te voed. En as dit beteken mens druk dit in hulle kele af, 'too bad'! Want dit is waar die waardes begin, en wie kan 'n beter basis vir die opvoeding van 'n kind voorstel, veral in vandag se lewe?

Maar moenie jou aan my steur nie. Ek is oud.

E-pos

3 jaar 4 maande 1 dag 23 ure 17 minute oud

Elmarie Westerink

Ditto

Ditto Piet Magriet!

My werk is gefokus op die ontwikkeling van denke. Ouers moet hulle kinders denkvaardighede leer. Ons moet 'n openheid ontwikkel om bestaande idees en norme te bevraagteken - dit is die kern van vooruitgang.

E-pos

3 jaar 9 maande 1 dag 22 ure 49 minute oud

Piet Magriet

Morele kwessies.

Ek het al die kommetaar gelees en sien Wessel spreek die morele kwessies aan en nie Godsdiens nie.
Ek kan regtig met hierdie bydrae vereenselwig in die opsig dat ons kinders, waaroor die bydrae gaan, te maklik die massa wat verkeerdelik optree navolg sonder om vir hulleself te dink.
Ek het baie met kinders te doen en ek kan sien dat hulle nie geleer word om 'n saak te ondersoek en uit te pluis nie. Hulle sal iets lees en dit aanvaar vir die waarheid net omdat dit in druk is.
Kinders word onder groepsdruk geplaas en is bang om verwerp te word as hulle nie maak soos almal in die groep nie. Dus is ek van mening dat ouers hulle kinders moet leer om 'n saak te ondersoek en as hulle vind dat dit teen hulle morele waardes is, dit nie na te volg nie.
Dink vir jouself, moenie dat 'n ander dit vir jou doen nie, want jy gaan self die nagevolge van jou dade dra.
Hartlike groete aan julle,
PM

E-pos

3 jaar 9 maande 2 dae 3 ure 1 minuut oud

Quiza

Is 10 te min?

Nee wat, ek skaar my by Eva se dogter. Ons kon nie eens die 10 nakom nie, nou word daar allerhande ander uitgedink om dit te omseil. Wessel dis nogal jammer dat jy praat van Godsdiens wat in ons kele afgedruk is so asof ons forseer was. Op 'n stadium kom 'n mens agter dit was net uit liefde dat ouers/leiersfigure jou wou blootstel aan die REGTE RAAD. Daar was geen moeite daaraan; ons moes net kou en sluk!!!
Kom ons kom die eerste 10 na en dink nog 10 uit wat nie hierin omsluit is nie en kyk hoe lank dit neem voordat ons nog 10 ander kan byvoeg. Ek belowe jou, as jy die eerste 10 nakom, sal jy agterkom daar is niks meer as dit nodig nie.
Vrede

E-pos

3 jaar 9 maande 2 dae 5 ure 2 minute oud

Elmarie Westerink

Die vrae wat jy vra

Ek haal graag vir Voltaire aan:
"Oordeel 'n man aan die vrae wat hy vra en nie deur die antwoorde wat hy gee nie".
Asook Bertrand Russel:
"Mense vrees gedagtes en denke meer as enige iets anders op aarde - meer as vernietiging of die dood. Gedagtes is ondergrawend, revolusioner, vernietigend en vreeslik! Gedagtes is meedoonloos teenoor voorreg, gevestigde institusies, asook gemaklike gewoontes. Die gedagte kan kyk in die diepte van die hel sonder vrees. Die gedagte is groot en vinnig en vry. Dit is die lig van die wereld en verteenwoordig die glorie van menswees."

'n Mens moet bevraagteken. As jy vrae vra en na antwoorde soek en daarna steeds glo wat jy op so 'n deurdringende wyse ondersoek het, dan gaan jou geloof soveel sterker wees. Die vrae wat die mensdom vra het gely tot vooruitgang en ontwikkeling. 'n Mens moenie wegskram van vrae nie.

Skuus vir die lang relaas en die aanhaling van ander se woorde, maar soms stel iemand 'n gedagte op 'n manier wat jy dit nie beter kan uitdruk nie. Ek gaan die een in Engels aanhaal:
"No man really becomes a fool until he stops asking questions."
Charles Steinmetz

E-pos

3 jaar 9 maande 2 dae 13 ure 21 minute oud

Eva se dogter

Dalk moet ons by die tien oues gehou het, dan was die probleme van vandag soveel minder.
Daar is 'n paar punte in die wat jy genoem het, waaroor mens dalk kan debatteer....
bv. as alles bevraagteken moet word, sal daar van geloof niks oorbly nie, want geloof is die dinge wat ons NIE SIEN nie, die vertroue in die dinge waarop ons hoop.
wat gaan van tradisie en kultuur oorbly as daar nie tog na die gebaande weë gekyk word nie..?

Dit hang seker af van die basis waaruit mens redeneer, want as die Bybel jou basis is, stem ek nie vir hierdie 11 nie. As dit moderne humanisme is, dan kan dit seker deurgaan..?

E-pos

3 jaar 9 maande 2 dae 13 ure 41 minute oud

annie

ek gaan gereeld terugkom na hierdie stukkies lyne jy oulik met ons kom deel het. dankie.

E-pos

3 jaar 9 maande 2 dae 16 ure 36 minute oud

Lentulus

LOL

Hierdie is universeel: was, is, sal wees. Ons herondek dit net altyd.

E-pos

3 jaar 9 maande 2 dae 17 ure 4 minute oud

Volgende artikel

Artikels
Nuwe bydraes
Temas

Nuutste Artikels

Artikel Argief

Nuutste werk ingestuur binne die afgelope 7 dae

Geborg deur :

Die lewe Godsdiens

Meeste gelees
Meeste kommentaar

Meeste gelees in die laaste 24uur

So Bietjie winter-warmte (27)
Vertaler gezocht... (5)

Meeste kommentaar ontvang in die laaste 24uur

So Bietjie winter-warmte (4)

In die boekwinkel

BEGRAFNIS OF VERASSING - Wat se die Skrif daarvan?

deur Spannie

Hierdie baie kontroversiele vraag van ons tyd rakende die hantering van die menslike liggaam na afsterwe word onomwonde en baie duidelik aan hand van die Skrif en geskiedkundige bronne uiteengesit in hierdie volledige studiestuk. Liggaamsverbranding is baie duidelik 'n suiwer heidense gebruik en streng verbied in die Woord. Vloeiend geskryf, met baie interessante gegewens uit die geskiedenis van ons tyd is hierdie 'n boek wat mens moeilik neersit na jy begin lees het. 'n Moet vir elke ernstige gelowige van ons tyd.

Lees meer

Sien jou boek hier. Word 'n Premium+ lid