Ian Loslip Wessels FOK

Voor jy my stenig, hierdie is deur 'n taalkunde professor geskryf.
My vraag is hoe het dit gebeur dat 'n verbode woord (vir baie) Afrikaans se veelsydigste woord geword het?

Dit laat my dink aan kinders en papegaaie wat spontaan leer vloek sonder dat hulle ooit iemand in die huis

hoor lelik praat...

DIE UNIEKE AFRIKAANSE "FOK"

Een van die interessantste, kleurvolste woorde in Afrikaans, is die leenwoord fok en sy familie. Dis 'n

towerwoord wat, bloot deur sy klank, vreugde of pyn, liefde of haat, ontdekking of frustrasie kan weergee.

Fok is een van die min woorde wat die funksie van byna alle woordsoorte kan vervul.

Dit word as oorganklike werkwoord gebruik (Fok die hele spul),
en as onoorganklike werkwoord (Ag fok),
as bevel (Fok dit!),
in die bedrywende vorm (Dit het my gefok),
sowel as die lydende vorm (Nou is jy heeltemal gefok),
as die hoofelement in 'n hele reeks skeibare werkwoorde (aanfok,opfok, uitfok, toefok, voortfok, byfok,

agteroorfok, agternafok), ens of as stam van 'n werkwoord (Nou het jy die hele ding befok).

As abstrakte selfstandige naamwoord (Ek gee nie 'n fok om nie),
of as persoonsnaam (Het jy gesien wat die fokker probeer doen?),
as nabepaling by 'n vraagwoord (Hoe de fok, wie de fok, hoekom de fok, wanneer de fok,ens.),
as byvoeglike naamwoord (Waar moet ek die fokken tyd vandaankry?), as bywoord (Dis nou 'n fokken mooi

grap),
en as uitroep (O fok!).

Selfs ook as invoegsel (Onge-fokken-looflik).
Dit kan ook in homself ingevoeg word (Nou is jy be-fokken-fok).

Hierdie Afrikaanse woord kan gebruik word om wyd uiteenlopende situasies te beskryf:

Aggressie: Fok jou!
Argwaan: Watdifokinhel kan jy nie fokin kyk wa jy fokin loop nie!
Bedrog: Die motorhawe het my befok.
Berymingswoord: Ag fok, jy jok, ek's geblok!
Beswyming: Absofokinlutely!
Bordeel: Fo-Kings
Gesag: Wat de fok dink jy doen jy?
Identiteit: Jan Fokkens Kontrakteur!
Inkompetensie: Hy fok alles op.
Meer Aggressie: Ek gaan jou opfok!
Moedeloosheid: Hoe de fok moet ek dit regkry?
Moeilikheid: Nou is ek in my moer in gefok.
Noodlot: Dan fok hy ons!
Onheil: Pandora se fokin doos
Ontsteltenis: Ag fokkit!
Oortuiging: Onge-fokken-twyfeld.
Plesier: Fok my nog!
Stelling: Zuma aan die roer, Suid Afrika in sy fokken moer!
Stoetplaas: Bees Fokkery!
Swets: Moenie fokken kom fok met jou gefok nie!
Verdwaal: Nou weet ek not 'n fok waar ek is nie.
Verrassing: Hoe de fok gaan dit met jou?
Vervloeking: Fok u tot die fokken einde!
Waardering: Fokkit, dit is goed geskryf!
Walging: Fok my!
Wanbegrip: Ek fokken verstaan nie.

Dit kan horlosietyd beskryf (Presies half-fokken-vyf),
of omstandighede (Hoe het ek in hierdie fokken job beland?),
of persone (Jan Fokken Smuts),
of dinge (Kyk hoe lyk jou fokken skoene!),
of plekke (Tot in fokken Durban ),
of dit kan die siel van 'n uitnodiging wees wat van hartlikheid drup
(Fok u!).
of oorgee aan die noodlot: Fokvoort op jou manier!

Fok is in Afrikaans onge-fokken-ewenaard!

(dit is die pennevrug van prof. Johan Combrinck,
voormalige Voorsitter van die Taalkommissie van die S.A. Akademie vir Wetenskap en Kuns)