Artikels

Premium+ Lid Premium+ Lid
Deel hierdie werkstuk met jou Facebook vriende

Baie dankie aan Zymrly wat goedgunstelik toestemming gegee het dat ek een van sy gedigte as voorbeeld kan gebruik vir hierdie ‘ pointers .
Dit word hoogs waardeer en op prys gestel.

* * * * *


Titel:Die Winter brand my oë
Deur: Zymrly

In die wonde en
die letsels van my siel
skrein die getuienis van die
bloedlose are van al
die droë-jare waardeur
my menswees moes stry -
En dit is daar waar ek die
ysreën binne in my jas kom kry.

In die soeke na die son,
het ek deur die sneeustorms
moes beur. Verlore oppad na my
bestemming het ek gestruikel
van kant tot kant.
En die winterwind het my oë gebrand.

Verblind het my oë na die
kim gestaar - Onbereikbaar vêr, wou
ek die hulpkreet van my hart laat vaar.

En my diepste hoop het vlak gelê in die
winter wat oor my wange loop.


© 2010 - Christo Younis du Plessis


* * * * *

Die eerste ding om in gedagte te hou wanneer jy ñ gedig skryf , is dat dit nie ñ Happie is nie en ook nie ñ paragraaf nie .
Dus wil jy sover as moontlik , dat dit wat bymekaar hoort , bymekaar gehou word . En sover as moontlik , nie dat een reël oorloop in ñ volgende reël nie .
( Dit is ñ algemene reel wat die kwaliteit van jou gedig en die standard van jou werk , behoort te verbeter . Natuurlik soos met enige iets , is daar soms ñ uitsondering op die reel…
Soos dalk gedwonge rym { waarvan ek geensins ñ voorstander is nie , wat selde werk , maar soms tog ñ plek het en soms tog wel werk…hiier sal jy maar jou eie diskressie moet gebruik en op jou eie gevoel moet gaan…} of indien dit werklik funksioneel is in konteks van jou
werk . )
EK sien al hoe meer , selfs by talentvolle en gevestigde digters , dat die oorloop van een reel in die volgende reël gebruik word .
Persoonlik dink ek doen afbreek aan ñ gedig en aan ñ digter se werk .



Kom ons kyk na praktiese voorbeelde uit Zym se gedig :


1A) Zym se eerste strofe :

In die wonde en
die letsels van my siel
skrein die getuienis van die
bloedlose are van al
die droë-jare waardeur
my menswees moes stry -
En dit is daar waar ek die
ysreën binne in my jas kom kry.

1B) Indien bymekaar gehou word wat bymekaar hoort en een reël nie oorloop in die volgende ene nie :

In die wonde
en die letsels van my siel
skrein die getuienis
van die bloedlose are
van al die droë-jare
waardeur my menswees moes stry -
En dit is daar waar ek
die ysreën binne in my jas kom kry.

>> Goed : nou is bymekaar wat bymekaar hoort . EK dink dit ietsie kleins , maar maak tog ñ reuse verskil ….en verbeter die standard en kwaliteit van die werk in geheel …

>>Laastens : ( al vermoed ek dit was slegs ñ Word-glips.)
- Die hoofletter E van En in die 2de laaste reël :

In die wonde
en die letsels van my siel
skrein die getuienis
van die bloedlose are
van al die droë-jare
waardeur my menswees moes stry -
en dit is daar waar ek
die ysreën binne in my jas kom kry.

>> Goed . Dit was ñ paar pointers in strofe 1 . EK glo dat deur die klein veranderinge , die strofe nou in geheel verbeter het , en dus ook die werk in geheel .


* * * * *


2A)Zym se 2de strofe :

In die soeke na die son,
het ek deur die sneeustorms
moes beur. Verlore oppad na my
bestemming het ek gestruikel
van kant tot kant.
En die winterwind het my oë gebrand.


2B) Indien bymekaar gehou word wat bymekaar hoort en een reël nie oorloop in die volgende ene nie :

Nota : Die strofe is baie meer tough om ‘reg’ te shape , hoofsaaklik agv die lengte van die reëls , sou bymekaar gesit word wat bymekaar hoort . EK persoonlik het nie ñ problem daarmee indien reëls se lengte in ñ gedig heelwat verskil nie , solank dit funsioneel is .
Maar ek dink baie digters sal met my hieroor verskil en dat hulle voel dat die lengte van ñ gedig se reëls redelik na aan dieselfde moet wees . Seker neem ek aan vir ritme , struktuur en vorm .
Anyway…gebruik maar jou eie diskressie en volg jou eie instink in sulke gevalle .


In die soeke na die son,
het ek deur
die sneeustorms moes beur.
Verlore oppad
na my bestemming
het ek gestruikel
van kant tot kant.
En die winterwind
het my oë gebrand.



>>let op na reël 2 .
My eerste instink was :

In die soeke na die son,
het ek
deur die sneeustorms moes beur.
Verlore oppad
na my bestemming
het ek gestruikel
van kant tot kant.
En die winterwind
het my oë gebrand.

>>Maar : in die besonderse geval voel ek in die gedig werk dit beter soos ek dit toe gedoen en geplaas het : Met ‘deur’ na ek in reël 2 , want dit werk beter in die gedig
se struktuur .



* * * * *


3A)Zym se 3de strofe :

Verblind het my oë na die
kim gestaar - Onbereikbaar vêr, wou
ek die hulpkreet van my hart laat vaar.


3B) Indien bymekaar gehou word wat bymekaar hoort en een reël nie oorloop in die volgende ene nie :

Verblind het my oë
na die kim gestaar –
Onbereikbaar vêr,
wou ek die hulpkreet
van my hart laat vaar.

>>in die geval weer , dink ek behoort die O van Onbereikbaar eerder ñ klein lettertjie te wees :

Verblind het my oë
na die kim gestaar –
onbereikbaar vêr,
wou ek die hulpkreet
van my hart laat vaar.


* * * * *


4A)Zym se 4de strofe :


En my diepste hoop het vlak gelê in die
winter wat oor my wange loop.

4B) Indien bymekaar gehou word wat bymekaar hoort en een reël nie oorloop in die volgende ene nie :

En my diepste hoop
het vlak gelê
in die winter
wat oor my wange loop.

>>die sou my eerste keuse wees , alhoewel in die geval , my instink eerste was :

En my diepste hoop het vlak gelê
in die winter wat oor my wange loop.

>>wat defintief baie goed werk …MAAR : agv van die lengte van die ‘geskaafde’ strofe 3 ,sal ek in die geval gaan met soos ek dit toe gedoen het .
Weereens : Gaan volgens jou eie diskressie en instink/gevoel .

Goed , nou die ‘geskaafde’ gedig in geheel :

In die wonde
en die letsels van my siel
skrein die getuienis
van die bloedlose are
van al die droë-jare
waardeur my menswees moes stry -
En dit is daar waar ek
die ysreën binne in my jas kom kry.

In die soeke na die son,
het ek deur
die sneeustorms moes beur.
Verlore oppad
na my bestemming
het ek gestruikel
van kant tot kant.
En die winterwind
het my oë gebrand.

Verblind het my oë
na die kim gestaar –
onbereikbaar vêr,
wou ek die hulpkreet
van my hart laat vaar.

En my diepste hoop
het vlak gelê
in die winter
wat oor my wange loop.



Natuurlik , sou jy na jou gedig die eerste keer voltooi is en jy nie bymekaar gesit het wat bymekaar hoort nie , dit gaan doen , en jy het ñ rympatroon gehad ( gedwonge of nie ) , kan jou rympatroon nou in sy maai wees .
Dan het jy twee keuses :
1)Los dit so , maw , meer vrye vers .
2)Verander jou : gedig/woorde so , sonder om jou meaning/boodskap te vernader , sodat jou rympatroon daar is . Meeste van die tyd sal dit nie beteken dat jy die hele gedig moet oorskryf nie..maar net sekere dele .
Sterkte met julle kreatiewe werk …lekker dig .
Hoop die Artikel help bietjie om die kwaliteit/standard van jou digwerk te verbeter en jou as digter te laat groei .

Dankie Zym .
Waardeer .


( 24/05/2010 23h27 )










Spaar Geld op Versekering

Lucky Lottos

Kommentaar

Gedigte : Struktuur en konstruksie ( vorm ? )
Waardevolle bydrae hierdie!
7 jaar 5 maande 6 dae 5 ure oud


***
Hi Rudi -- hierdie was voor my tyd hier op Woes en ek het dit nou eers raakgelees.

Ek dink dis 'n baie goeie praktiese oefening, baie interessant, baie dankie!
7 jaar 7 maande 2 weke 5 dae 2 ure oud


Behulpsaam
Baie dankie vir hierdie brokkie inligting Rudi, ek gaan beslis dit probeer op my gedigte toepas. Ek sien hoe die gedig verander, betekenis bly dieselfde, maar die eindproduk is baie goed. Standaard, kwaliteit. Baie dankie vir die pointers!
:)
9 jaar 10 maande 1 week 2 dae 6 ure oud


Nou is my dêm drukker mos stukkend en ek WIL dan nou hierdie uitdruk!!! Dankie vir hierdie.
10 jaar 6 maande 1 week 4 dae 9 ure oud


My stuiwer in die armbeurs PUNT
BRAVO Woesters!

Die uwe is nou seker aan die woord sonder spreekbeurt, maar sjoe, ek leer, leer leer! op my kniegies.

Laas toe ek graad (o.a. nogal in Tale,) verwerf het, was dit in die tyd van Gerhard Beukes, Babs Laker, DALRO-PRYSE, en so, en intussen het ek nog nooit verder bygehou nie...ook nie weer geskryf nie...tot ..wel, uhum...nou die dag. Watter heerlikheid om almal se opinies en opbouende kritiek hier raak te loop, mense met soveel talent te ontmoet...

Aan die einde van die dag, glo ek as naald-in-'n-hooimied-waar-hoort-ek?-skrywer/digter :

Natuurlike aanvoeling vir die taal, aangebore talent, aangeleerde en wetenskaplike-benaderde aanwending, en eerlike gevoels weergawe en aanknoping met die leser, ( en nog n klomp ander goed, soos navorsing hehe), rol elke klein balletjie tot by die ...WOW !!

Ouens, geniet dit. Skryf dat die biesies bewe, en algaande MOET ons net verbeter, met al ons vriende hier op Woes se hulp, bystand, aanmoediging en welkome (vir my) insette !! DANKIE !
10 jaar 6 maande 2 weke 1 dag 1 uur oud


Goeie raad
Hoe dit ookal sy, Rudi het 'n poging aangewend om te HELP. Alhoewel ek nie altyd met die raad wat hy vir my gegee het saamgestem het nie, het Rudi my baie gehelp en baie tyd en aandag aan my afgestaan deur my goed te lees en sy eerlike mening daaromtrent uit te spreek.

Elke digter het sy eie styl, tog kan ons almal by almal leer. 'n Goeie idee sal wees as ons hierdie gedig van Zym op die forum plaas, en elke persoon wat hier 'n bydrae gelewer het, staan tyd daaraan af om te sê hoe hy/sy dit sou verander het nie?
Dan kan ons almal leer. Zym kan dan aan die einde van die bespreking self kyk (soos Rudi sê) of hy wel iets wil verander.
Op die forum is 'n hele afdeling vir digkuns opsy gesit. Daar kan ons gedigte bespreek en ek het al baie daar geleer. Meraai van die baai het haar hart daarin gesit en dit is so jammer dat die Woesters nie daadwerklik daar deelneem nie. Volgens my hoort hierdie besprekings ook op die forum. Net my beskeie mening.
(Ek wens opreg dat julle daar wil kom deelneem.)

Liefies,

PM
10 jaar 6 maande 2 weke 1 dag 8 ure oud


dankie Tertius,
waardeer.
die artikel was geensins kritiek op Zym se werk nie.
net n poging om digters te help.
en ek dink deur die artikel,en die kommentare en opinies,kan albei kante duidelik gesien word....
1)alles bymekaar
2)enjambement.
so ek dink dit sal digters help.
steeds hang dit van die digter se eie gevoel en diskressie/smaak af hoe hy n gedig aanbied.
die doel was ook nie om enige reels te gee nie/vas te stel nie.
die doel was om n positiewe bydrae te lewer tot die digkuns.
ek persoonlik voel egter dat enjambement nie in elke gedig werk nie..
en dalk werk 'alles bymekaar' ook nie in elke gedig nie...
en soms werk albei 'maniere' saam in een gedig......
ek voel ook dat enjambement nie 'steurend' in n gedig moet wees nie.

****
ook baie dankie aan MCE en al die ander se kommentare en opinies.
ek vertrou ons almal leer bymekaar en dit is positief vir ons skryfwerk.

10 jaar 6 maande 2 weke 1 dag 10 ure oud


baie dankie vir so 'n insiggewende artiekel en ook al die beredeneering en insig van al die ander skrywers. ek kan net hieruit leer en vind ook baie baat daarby.
10 jaar 6 maande 2 weke 1 dag 12 ure oud


Ek hou hiervan
Baie dankie vir die waardevolle inligting. Lekker om ander se insae ook te lees(behalwe een stupid een)
10 jaar 6 maande 2 weke 1 dag 19 ure oud


insiggewende raad vir iemand soos ek wat meer kwalitet gedigte kan skryf , maar as dit reen kan jy die druppels nie kies nie , dit is goed om jou so te sien skryf , jy lewer posetiewe inset , Groete..Attie van den BERGH
10 jaar 6 maande 2 weke 1 dag 20 ure oud


Om gedigtestandaard te kan evaluaeer moet daar standaarde wees, dit waaruit gedigte oorsprong het. Dus stem ek saam met Rudi. Met evauasie moet na al die fasette van dig gekyk word. Sou mens 'n bepaalde digvorm gebruik dan moet jy voldoen aan die vereistes van daardie digvorm en nie die vryheid van vorm aan die skrywer gee en dit begin meng nie. Mens begin leer by basiese beginsels en tak van daaraf verder voort - vryheid van dig is nie sommer net vryheid van woord.
10 jaar 6 maande 2 weke 2 dae 9 ure oud


dankie Z en R
ek sien hierdie as 'n voorbeeld vir wanneer ons iets probeer met ons eie werk en nie die ondervinding en sekerheid het wat Z het nie. ek moes twee jaar gelede baie vinnig baie leer om self te begin dink ek kan skryf, want ek WIL skryf. en een waarheid is dat nie twee mense dieselfde dink oor enige werk nie. baie min van ons dig volgens standaarde met rym en ritme en sonette en kwatryne ens ens maar baie min werk op woes kan as swak beskou word. elkeen gee iets op sy eie manier deur en hier groei ons elke dag.

ek vind wel dat hier baie min [goeie /slegte] kritiek gegee word, meeste kommentaar gaan net oor die emosie wat 'n stuk werk aan ons gee. so sou ek ook wens dat ek regtig hulp en raad vir my werk kan kry en waardeer ek raad soos hierdie baie.
10 jaar 6 maande 2 weke 2 dae 10 ure oud


Ek stem saam met MCE.
10 jaar 6 maande 2 weke 2 dae 12 ure oud


Dankie Rudi, beteken baie.
10 jaar 6 maande 2 weke 2 dae 17 ure oud


!Beslis! 'n baie waardevolle artikel hierdie RUDI.. dankie daarvoor.
10 jaar 6 maande 2 weke 2 dae 18 ure oud



Nuutste werk ingestuur binne die afgelope 7 dae


Geborg deur :

Van ons ander lede

Treë na Innerlike Genesing

deur Leonard John Holmes

Hoe werk mens deur die verlies van ’n geliefde? Hoe hanteer jy die depressie, haat en selfverwyte op ’n jong ouderdom? Hoe vind jy God as jy Hom nog nooit persoonlik geken het nie?



picture

Kompetisies

Kyk watse opwindende kompetisies tans beskikbaar is

picture

Nuusbriewe

Registreer nou om nuusbriewe van Woes te ontvang

picture

Winkel

Woes skrywers wat self publiseer se boeke is in die winkel beskikbaar