Titel: Kolonialisme is nie dood nie

Kolonialisme is nie dood nie

Die aanbod deur British Sugar vir Ilovo is net nog ‘n teken van Nieu-Kolonialisme. Die tendens waardeur amper al die Suid Afrikaanse maatskappye wat iets werd was sedert 1994 verkoop is aan buitelanders.

Die langtermyn effek wat dit het op Suid Afrika kan duidelik by Mittal, die ex Yskor gesien word waar Indiers rye staan om Suid Afrikaanse bestuurders te vervang. Die gevolg is natuurlik dat daar ‘n enorme verlies is aan bestuursposte wat beskikbaar is vir Suid Afrikaners omdat die buitelanders hulle eie mense aanstel.. Billiton is ook ‘n goeie vooorbeeld waar Kanadese, Australiers ensovoorts die top poste beklee.

Buitelanders gaan ook natuurlik hulle winste uit die land neem op slim maniere soos om hul produk so goedkoop moontlik aan hulle takke in ander lande te verkoop en daar hulle winste te neem.

Ons burgers gaan daarom in die toekoms die slawe van buitelanders wees wat net soos die eertydse kolonialiste, net goedkoop rou materiale hier soek en weet hulle kry dit uit ‘n onopgeleide bevolking. Hulle gaan kleingeld op opheffing spandeer en ons gaan daaronder lei, insluitende Afrikaners wat reeds moet gebuk gaan onder regstellende aksie.