Artikels

Deel hierdie werkstuk met jou Facebook vriende

Die huitain gedig bestaan uit ‘n oktaaf van agt versreëls soos die Franse naam “huit” voorstel met agt lettergrepe per versreël in die suiwer vorm (Huit et huit) en dit het oorspronklik uit die Franse Ballade ontwikkel. Later was ’n tien lettergrepige vorm meer gewild met die Engelse digters wat in Jambiese Pentameter geskryf het, aangesien daardie ritme vir die Engelse groot betekenis begin dra het. Nogtans is die gebruik van agt lettergrepe per versreël ‘n meer suiwer vorm van hierdie gedig.

Ek was voorheen slegs van een van die rymskemas van die Franse huitain versvorm bewus naamlik ababbcbc. Die abbaacac rymskema word egter ook vir die Franse huitain versvorm gebruik.

In Spaans het die huitain ook met agt lettergrepe in die agt versreëls ontwikkel met rymskemas as: ababacac of as abbaacca.

Grafies lyk die rymskema’s van die verskillende huitain versvorms as volg:


Franse huitain (1):

x x x x x x x a
x x x x x x x b
x x x x x x x a
x x x x x x x b
x x x x x x x b
x x x x x x x c
x x x x x x x b
x x x x x x x c


Franse huitain (2):

x x x x x x x a
x x x x x x x b
x x x x x x x b
x x x x x x x a
x x x x x x x a
x x x x x x x c
x x x x x x x a
x x x x x x x c


Spaanse huitain (1):

x x x x x x x a
x x x x x x x b
x x x x x x x a
x x x x x x x b
x x x x x x x a
x x x x x x x c
x x x x x x x a
x x x x x x x c


Spaanse huitain (2):

x x x x x x x a
x x x x x x x b
x x x x x x x b
x x x x x x x a
x x x x x x x a
x x x x x x x c
x x x x x x x c
x x x x x x x a


Hier is voorbeelde van die huitain en ‘n huitain reeks wat ek geskryf het. Let dat in die huitain reeks elke stasa as ‘n afsonderlike gedig beskou word alhoewel die tema aaneenlopend is.


Jare skuil ek onder die vlerk (huitain)

a Jare skuil ek onder die vlerk
b van God, wat my daagliks beskut,
b voel soms veilig as ek indut,
a was selfs betrokke in Sy werk,
a besoek elke naweek sy kerk
c maar steeds kan ek nog nie vergeet
a dat die dood self sy gang bewerk,
c die lewe van elkeen uitmeet.



Die oud kerkraadslid (Huitain reeks)

I

Seker by elke gemeente
en in elke kerkgenootskap
is daar ‘n man, ‘n gebeente,
wat altyd soek na geselskap
en sommiges dink hy is knap
waar hy homself hoogheilig hou
en gedurig op en af stap
om die besoekers te beskou.

II

Die soort man wat eens op ‘n tyd
ouderling op die kerkraad was
maar nou rye banke oppas,
en soms die besoekers verwyt
en dreig om kinders uit te smyt;
‘n ou oom Barrie of oom Boet
wat jou soos ‘n geseënde groet;
in ouderdom sy dae slyt.

III

Dis asof hy reeds vir Ben, Babs
en die familie verloor het
by die kleuters lekkergoed gaps,
as die uitvoerder van die wet
nou nougeset op ander let
en hy nou op sy pensioen
vergeet van alle soorte pret,
nie veel het om nou nog te doen.

IV

Hy is soos ‘n lykbesorger
in sy swart manel pak geklee,
soos ‘n soort ou pleitbesorger,
of hy met Satan planne smee
gee hy altyd net klein kort tree
en lyk hy oud tot in die graf,
maak met tye mense verleë
as hy met sy nuus verby draf.


Soms wonder ek (Huitain)

Soms wonder ek waarom mense
twyfel in U Goddelikheid,
en sonder onbeskeidenheid
meen dat daar tipes van grense
aan U almag is, of lense
van hul teleskope kan kyk,
na hoe U in werklikheid lyk
en vind hulle niks na wense.


Oor prediking (Huitain)

Soms sukkel ek om in ‘n preek
vir Jesus Christus selfs te vind
is Hy iewers erg weggesteek
in woorde wat net bloot verblind,
wens ek dat die einde aanbreek,
en dogma na iewers verdwyn,
die dominee mense aanspreek
in woorde wat met liefde skyn.


Donderweer in die winter (Huitain)

Soms wonder ek oor die soort kans
dat in die winter vanaand hier
net voor die eerste daglumier
donder straal op donder straal dans
in hul verblindende wit glans
as reën skielik hard begin val,
uit ‘n wolklose hemeltrans
blouwit bliksems donderend knal.


Skets van ‘n winterdag (Huitain)

Miskien kan mens die winter skets
in houtskoolgrys, grou sonder lig,
of dalk kan mens half ouderwets
‘n groei uit pyn probeer toedig
of ‘n ysige soort gesig
aan die aard daarvan wil vasvang
of iets meer intiem en innig
waaraan blote oomblikke hang.



Spaar Geld op Versekering

Lucky Lottos

Oak Seed

deur Rachelle du Bois

Alicia Venter was a cool librarian with her life and her career mapped out. Until she looked into the compellingly familiar eyes of a stranger. She was shaken to the core. Why was she so powerfully drawn to the stunningly attractive Martin Blythe, yet they’ve never met? Martin Blythe was rich, he was a successful engineer doing research in the university library. And then he looked into the familiar green eyes of a strange young woman. The earth moved for him then as he recognised her somehow. In an instant he knew she was a part of him without which he could not live. Would these two people find the answer to the strange coincidence that kept pushing them into each other’s lives? Would they resist or choose love?



picture

Kompetisies

Kyk watse opwindende kompetisies tans beskikbaar is

picture

Nuusbriewe

Registreer nou om nuusbriewe van Woes te ontvang

picture

Winkel

Woes skrywers wat self publiseer se boeke is in die winkel beskikbaar