Ek moes eintlik reeds oor omarmde rym gepraat het toe ek sonnette en om spesifiek te wees die Italiaanse sonnet behandel het. Die rym skema abba, waar die eerste en vierde lyne en die tweede en derde lyne met mekaar rym word omarmde rym genoem.

John Milton se "On His Being Arrived to the Age of Twenty-Three") is ‘n goeie voorbeeld van hierdie tipe rymskema.

Verskeie Afrikaanse Italiaanse sonnette maak in hulle eerste agt versreëls van hierdie rymskema gebruik soos “Slaap” van D. F. Malherbe, “Lente” van S.J. Pretorius en“Die doringboom” van C.L. Leipoldt


Hier is my gedig “Veels te vinnig vlieg tyd verby” met die rymskema abba / cddc waar beide kwatryne van omarmde rym gebruik maak

Veels te vinnig vlieg tyd verby

a Veels te vinnig vlieg tyd verby,
b verander vandag in môre, terwyl tyd aantik
b verander oomblik op oomblik
a word netnou van hierdie oomblik afgesny

c Skielik is mens se jeug weg
d as rimpels, grys hare en pyn verskyn,
d terwyl jou liggaam stelselmatig wegkwyn
c jou gesondheid met tyd versleg.

In sy gedig “In Memriam A.H.H. maak Alfred, Lord Tennyson gebruik van omarmde rym in verskeie kwatryne soos in my bogenoemde gedig.

Omarmde rym word gebruik as abba / abba rym in die eerste twee kwatryne van ‘n Italiaanse sonnet waarvan my gedig “Toe my ganske wêreld inmekaar val” ‘n voorbeeld is:

Toe my ganske wêreld inmekaar val

a Toe my ganske wêreld inmekaar val,
b kon ek nêrens enige antwoorde vind,
b was ek te veel deur ontnugtering verblind,
a met donder wat van orals ongenadiglik knal

a en toe praat ek met die God van die heelal
b herinner Hom ek’s nog steeds Sy kind
b en in die sagte aandwind
a sien ek Sy beeld vir oomblikke uitgestal.

Dat die lewe soms ongenaakbaar is,
mens maar keer op keer moet probeer
al voel dit asof jy geen hoop het,
moet vertrou verby betekenis en kennis,
kon niemand my leer
maar nog het ek op my God bly let.