Artikels

Premium+ Lid Premium+ Lid
Deel hierdie werkstuk met jou Facebook vriende

      ‘n Interessante debat heers op Woes en dit handel spesifiek oor toelaatbare vs nie-toelaatbare taalgebruik op die blad.
     
Hoe werk dit tans?
     
      Klagtes aangaande "kru" of onwelvoeglke/aanstootlike taalgebruik in werkstukke word per e-pos by Woes bestuur aangemeld, waarna die betrokke werkstuk nagegaan en agter die taalfilter geplaas word, indien nodig. Waar die probleem egter inkom, is wanneer die titel ook gewraakte woorde bevat. Die werkstuk kan agter die filter geplaas word, maar die titel gil steeds teen hemele (of teen helle) op die blad en klagtes stroom steeds in. Vervolgens word die bydraer vriendelik per e-pos versoek om die verbode titel te wysig en die werkstuk word “inaktief” gestel, bedoelende dat dit nie meer sigbaar is nie. Die bydraer word ook weereens vriendelik versoek om die titel aan te pas en die bydrae weer te plaas.
     
      Die taalfilter en/of ouderdomsbeperkingsfilter is juis geskep met die doel om diegene wat meer gewaagde werke wil plaas, te akkomodeer ... so, nou is ons by die kruispad en moet onder mekaar praat oor wat toelaatbaar tov taalgebruik is al dan nie. Wanneer is taalgebruik “kru” en wanneer nie? Dit is seker merendeels ‘n subjektiewe besluit, maar dit sal goed wees as ons objektiewe maatstawwe kan stel.
     
      Die “prosedure” wat tans in plek is, is reeds hierbo verduidelik.
     
      Vervolgens moet die volgende kwessies ook in ag geneem word:
      1      Gebruik die bydraer “kru” taal in sy/haar titel bloot sodat sy/haar  werkstuk  meer male gelees word en om kommentaar uit te lok?
      2      Is die klaer nie onnodig puriteins in optrede nie?
      3      Hoeveel minderjarige (-18) gebruikers het toegang tot Woes en hoeveel van hulle vind sekere taalgebruik onaanvaarbaar? Hoeveel volwasse gebruikers vind sekere woorde aanstootlik?
      4      Woes word uitgegee as ‘n gesinsblad. Wat beteken hierdie begrip vir die algemene Woes-gebruiker?
      5      Pad vorentoe?
      6      Ander vrae/kwessies?
     
      Byvoorbaat baie dankie vir almal se insette. Ek hoop en vertrou dat hierdie artikel in die gemoed gelees sal word waarin dit oorgedra word en nie as aanvallend en diktatoriaal beskou word nie ...
     
      Liewe genade ... en ek het gedog Afrikaners is plesierig ... :)
       
 



Spaar Geld op Versekering

Lucky Lottos

Kommentaar

Sug!
En nog 'n Sug!
Wanneer, waar en wie is daar sulke visskriklike vieslikgeite kwyt geraak, dat daar so ge-karring moet word?
Hygend hert!
Seg ek bloot oorlat mens skuit- en sommer skytbang begin raak oor die Prof Van Rooyen gebroedsels wat oor die kreatiewe horison aan't kop uitsteek is.
Indien daar inderdaad siele is wat kop wil verloor oor so 'n beskrywende en onvervangbare woord soos 'jags' BINNE die kont se teks van Lentulus se heerlike vertelling...
Loop soek 'n lewe elders my tjaaina!!!
7 jaar 8 maande 3 weke 4 dae 17 ure oud


Vonnie se vraag
Alhoewel ek jou reeds per e-pos geantwoord het op jou vraag, is dit miskien goed dat ek dit sommer hier ook doen.
Elke lid het 'n eie "Onlangs deur jou gelees"-boksie. Niemand sal weet wat jy lees nie. :)
7 jaar 8 maande 3 weke 4 dae 19 ure oud


kb
Point taken!
7 jaar 8 maande 3 weke 4 dae 19 ure oud


Lentulus
Ai,ai, ai. Hierdie inligting (skole) het eers onlangs uitgekom tydens 'n vergadering en is in die pyplyn.
Kom ons raak asb net van ons bagasie ontslae agter die filter, daar waar jy jou bagasie, klere, skoene ens kan uitskop en ten hemele gil. Geniet dit en mooi dag verder :)
7 jaar 8 maande 3 weke 4 dae 19 ure oud


KB
Nou hoekom wag jy tot by die stertkant van die debat om die 'method in your madness' te verstrek? Skole en Borge. Dis immers jou beste verweer!
Goed: Prosedure - uitgeklop; Kru Taal Beginsel - uitgeklop.
Rondte 3: J*gs per se. Dis wel 'n 4 letter woord, maar mi nie kru nie. Die Verklarende Woordeboek omskryf dit assynde 'op hitte'. Soos voorheen gemeld, ons probeer juis om van calvinisties/nasionale bagasie ontslae te raak.
7 jaar 8 maande 3 weke 4 dae 19 ure oud


Lentulus
Ja, jy slaan die spyker op die kop. Werke agter die filter kan maar gewaagd wees, die titel ja, skarlakenwit, asb. Die rede hiervoor is ook dat Woes op 'n stadium meer skole wil betrek om die taal uit te bou. Verder, moet Woes ook kyk na borge en ons kant skoon hou. Baie dankie vir jou insette en ek hoop dat jy verstaan.
7 jaar 8 maande 3 weke 4 dae 20 ure oud


KB
As ek jou opsomming kan opsom: Elke stuk op eie meriete; maar titel skarlaken wit asb.
7 jaar 8 maande 3 weke 4 dae 20 ure oud


Kreatiewe bestuurder
Baie dankie vir hierdie ope debat wat ek vandag eers raakgelees het.

Ek het dit met aandag deurgelees, so ook die verskillende sienswyses van Woesters en kom nou met 'n vraag uit 'n ander oord, maar heel relevant tot die onderwerp onder bespreking.

Maar net eers. . .

Ons het die lieflikste taal ter tale met die mees oorvloedigste woordsteentjies waarmee ons Afrikaanse monumente kan bou wat anderstaliges maar net van kan droom. Dus waarom kru taal gebruik? Dit is my persoonlike mening.

Nou. Daar is nou wel vir gewaagde skryfstukke 'n taalfilter wat reg en nodig is en dus daardie gedeelte van die probleem oplos, tesame met 'n titel wat nie kru taal mag bevat nie - want immers is dit nie agter die "gordyn" nie.

Wanneer ek egter op 'n sekere bydrae klik om te gaan lees en my vasloop teen die veelbesproke taalfilter en gewoon verby hou omdat ek nie verskuilde bydraes lees nie omdat ek nie weet wat om te verwag nie, is dit reeds te laat. Want op Woes word dit onder "onlangs deur jou gelees" weergegee of jy daardie spesifieke bydrae gelees het al dan nie.

My vraag is: Is daardie "onlangs deur jou gelees" net vir jou oe bedoel, of vir almal om te sien?

Wat is my probleem daarmee, sal iemand miskien vra. Net dit. Net soos die gesegde "die deler is net so goed soos die steler", is dit dan vergelykbaar net so waar dat die "leser net so goed is soos die skrywer van die bydrae". As julle snap wat ek bedoel.

Dus. . . Ek is geen engeltjie nie, maak ook maar my foute, maar as dit so is dat ander ook kan lees dat jy kwansuis onlangs 'n sekere bydrae gelees het (met kru taal) al het jy dit nie gelees nie, weerspieel dit tog 'n verkeerde beeld van die nie-leser daarvan. Immers is dit hoe ek as Woester oor die saak voel.

Carol, ek sal 'n antwoord op my veelbesproke vraag waardeer hoor.

Ek bly 'n Woester in murg en been, is baie baie lief vir my mede Woesters, vir ons Woes-tuiste en sal nooit eers daaraan dink om te verhuis nie, maar ek sal darm verseker wil wees van ons beskermingsalarmstelsel hoor.

Ek mag dalkies nou so 'n paar skrywerstene teen my kop kry, maar dit maak nie saak nie. Ek sal maar koets jong! Totdat ek 'n antwoord het?






7 jaar 8 maande 3 weke 5 dae 2 ure oud


Brandewyntert
In 'n neutedop, ja. Geen sensor word op bydraers toegepas nie en lesers word in ag geneem. Soms is die antwoord voordiehandliggend, maar stemme moet eers druis EN donder voordat konsensus bereik (mag) word. So, mag ons almal nou maar ontspan en bloot die ^%#@$I langnaweek geniet?

Baie dankie vir al die Woesters se insette en geniet die naweek!
7 jaar 8 maande 4 weke 12 ure oud


Dankie KB
Dus bly alles net soos dit was en skrywer en leser gebruik eie keuse.
7 jaar 8 maande 4 weke 15 ure oud


Skies Vic !
Ek het nie jou leestekens gesien nie. Ek het defnitief nie naby 20/20 Visie nie. Ek het klaar gesien hoe gaan ek die lys moet sit en uit check vir ure...
7 jaar 8 maande 4 weke 15 ure oud


Terugvoer
Samevattend:
WOES is ‘n publieke gesinsblad en kan derhalwe ook in dieselfde lig beskou word as koerante, gesinstydskrifte en selfs radiostasies. Sekere beheermaatreëls reguleer taalgebruik en volwasse materiaal in die media. Tydens nuusberigte op TV word
sensitiewe kykers vooraf gewaarsku indien sensitiewe beeldmateriaal vertoon gaan word. Rolprente toon aan of sterk
taal, naakte tonele, seks en sterk taal gebruik word. Die leser, luisteraar en kyker kan dus self besluit wat vir hom/haar aanvaarbaar is.

Die ouderdomsbeperkingsfilter op WOES dien nie as ‘n SENSOR-maatreël nie, want die werke kan steeds geplaas word. Werke word nie verbied of gedeeltes uitgevee/verwyder nie; die totale werk word geplaas en kreatiwiteit word nie belemmer nie.

Die WOES-leser word dus die keuse gebied om te besluit of hy/sy ‘n werk agter die filter wil lees, al dan nie. Sodoende word beide die leser en die bydraer in ag geneem.

WOES sal dus steeds mediavoorskrifte nakom en dieselfde beleid as openbare publikasies soos nuusblaaie, koerante en gesinstydskrifte volg.

7 jaar 8 maande 4 weke 19 ure oud


KB
OK, huiswerk vir jou: som die algemene konsensus vir ons op asb.
7 jaar 8 maande 4 weke 1 dag oud


Vic
Die hoop beskaam toe nie!
7 jaar 8 maande 4 weke 1 dag oud


Lekker uitgevang...
Hou maar die leestekens [ ;-)] mooi dop -- natuurlik is dit tong in die kies -- stel jou voor dat 'n lys van al die 'lelike' woorde gepubliseer word...

Eintlik het ek geen probleem met die huidige status nie -- mens lees tog wat jý wil en en hoekom dan daaroor kla? -- dis jou keuse wié jy lees en wát jy lees.
7 jaar 8 maande 4 weke 1 dag oud


Vuurvrou
Nee, eerder "Live & let live."
7 jaar 8 maande 4 weke 1 dag 1 uur oud


-
Uhm, KB, jou kommentaar/voorstel in jou laaste paragraaf laat my nou dink aan wyle Henry Ford se woorde: "You can have any color as long as it's black."
7 jaar 8 maande 4 weke 1 dag 1 uur oud


Kalaharikind ... plus nog 'n klippie
Kalaharikind, baie dankie vir jou werklik insiggewende kommentaar. Jy het talle waardevolle aangeraak en bespreek.

Nog'n klippie:Gaan hierdie debat werklik net oor taalgebruik per se in bydraes op 'n publieke webwerf?
Dit lyk asof dit meer oor "regte" begin gaan, bv: "Ek het die reg om te skryf wat ek wil" vs "Jy het die reg om te lees wat jy wil." Wie tas wie se regte aan?

Wanneer iemand 'n waaghalsige boek koop, is dit sy eie keuse en eie besluit.Ek moet toegee, die boek waaraan ek tans werk krui hier-en-daar self brandrissie, maar dis ook darem in konteks.

Voorstel: Gooi kruie as jy wil, maar plaas dit agter die filter en dink iets kreatiefs uit vir jou titel. Sodoende behoort niemand tenagekom te voel nie.
7 jaar 8 maande 4 weke 1 dag 3 ure oud


Sensor van kommentare ?
Vuurvrou, het jy "stuur" gedruk nadat jy jou kommentaar geskryf het? Ek weet eerlik van geen kommentare wat verwyder is nie. Carol
7 jaar 8 maande 4 weke 1 dag 4 ure oud


Woordelys ?
Staan daardie woorde wat party mense met afsku vervul nie in die Woordeboeke opgeskrywe nie? Woorde is in Woordeboeke om gebruik te word en hulle bestaan omdat hulle gebruik word. Is daar n ouderdoms beperking op Woorde boeke.?
7 jaar 8 maande 4 weke 1 dag 4 ure oud


Vic
Jou voorstel herhinder sterk aan die destydse Sensuur Raad onder Prof van Rooyen. Reken ons het intussen aanbeweeg. (Hoop die voorstel is tong inni lies?)
7 jaar 8 maande 4 weke 1 dag 6 ure oud


Nou verstaan ekke
Lentulus....is die klem dalk oppie 'lus'? Sorry, sorry, net 'n stoute oomblik hier aan my kant!

Oom Vic

Nee, so maklik gaan die Woesters nie wegkom nie!!! 'n Lys is eenvoudig te maklik...die 'Challenge' moet, volgens my mening, bly staan! Laat ons die lood in ons potlood bewys!!!!
7 jaar 8 maande 4 weke 1 dag 15 ure oud


Of nie...
Hier's my voorstel:

WOES publiseer 'n lys van al die woorde wat nie aanvaarbaar is nie -- dan weet almal wat gaan vir wat ;-)

Die lys kan uitgebrei word soos wat nuwe klagtes ontvang word...
7 jaar 8 maande 4 weke 1 dag 16 ure oud


Kalahari
10 uit 10 my kind.
naskrif: dis Lentulus, soos in manlik.
7 jaar 8 maande 4 weke 1 dag 17 ure oud


Menings
Eerstens wil ek Kreatiewe Bestuur bedank vir hierdie geleëntheid wat gebied word om ons menings openlik te lug.

Hier gaan dit vir my nie net oor waarvan ek 'hou' of waarvan jy 'hou' nie. Dis veel meer;
1. Die ontwikkeling en groei van ons liewelingstaal – Afrikaans!
2. Die rolmodel en nalatingskap vir ons jeug, en
3. Respek vir self en medemens as basiese morele waarde – en nee, ek praat nie nou geloof nie. Alhoewel geloof my fondament is, neem ek in ag dat dit nie so is vir almal. Ek is egter VAS OORTUIG daarvan dat selfs ongelowiges glo in die konsep van respek vir self en medemens. Die wat nie doen nie, daar’s nie veel te sê nie, hul sal aangaan soos hul goeddink.

Die algehele prosedure wat hier op Woes gevolg word om tevredenheid te waarborg en gehalte werke te verseker, is volgens my baie redelik. Daar is dan die 'Volwasse' –filter waar die meer gewaagde skrywes geplaas kan word. Al wat daar verwag word, is dat die titel, wat vir almal beskikbaar is, nie 'n kru-woord sal bevat nie.

Wat is krutaal? Enige mens wat aan sy/haar gees en siel ook aandag gee sal onmiddelik 'voel' wanneer 'n woord afbreek doen aan enige van die twee. Ek wil my nie hier 'hoog-heilig' hou nie, want dit is ek beslis nie. Ek het ook al kragwoorde laat uitglip wanneer 'n 'situasie dit vereis het'. Die skade wat dit aan my innerlike berokken het, is egter nie die 'vergunning' werd nie. Daar is verseker emosies en konsepte wat mens DUIDELIK wil weergee en dit is waar die uitdaging dan lê – om dit op 'n KREATIEWE wyse uit te beeld. Hier is mense op Woes wat dit uiters goed regkry.

Ek moet erken dat ek ook al gewonder het of die gebruik van krutaal nie net 'n foefie is om lesers te lok nie. Ek hoor wat Rudi en Oom Wolf sê en moet dan glo dat my aanname dalk verkeerd was.

Oor die vraag of klaers nie onnodig puriteins is nie, wil ek net uitlig dat ons hier in die openbaar skryf en daardeur 'n aanduiding gee van ons eie beskawingspeil, ons agting vir onsself, medemens en taal. Nouja, almal is nie ewe 'verfynd' nie, maar moet tog ander in ag neem. Andersins kom dit oor as 'moedswillige' intimidasie, passiewe-aggressie en miskenning van ander se waardigheid. Of hoe? Dieselfde geld vir ons onderwerpe; geloof, politiek, seks, liefde, oorlog, wat ookal in jou gedagtes woel en stoei.

In verband met die minderjariges. Ons weet almal verseker dat ons uiters talentvolle minderjarige bydraers het, bv ons alte geliefde Vulletjie en dan ook Ammie se dogter. Die onskuld in hul skrywes toon duidelik dat hul nog nie blootgestel is aan kruheid nie en indien wel, dat dit nie hul norm geword het nie. Ek glo vas hul vriende kom loer ook hier in. Dit sal vir my 'n uiters hartseer dag wees as ek moet weet dat iets wat hier op Woes geplaas is, hul genoop het om 'verdere ondersoek' te gaan instel en hul lewenskwaliteit verlaag het. Ja, dan is dit so dat hul selfs die 'Volwasse' dele kan lees, maar laat ons nou nie die apie van verantwoordelikheid met soveel haas van ons eie skouers afskuif nie! Ons het, en sal altyd, solank as wat ons kies om in die openbaar te kommunikeer, 'n sekere verantwoordelikheid teenoor ons mede-mensdom (en hul kinders ook)hê!
Ek juig Nataniël toe vir sy vraag verlede jaar: “Wat is fout? Identiteitskrisis? Het ons nou eers besef hoe lank was ons as kultuur op duisende vlakke onderdruk? Is ons te lui of te onnosel om snaaks of gewild te wees sonder walglikheid?“
Natuurlik is Woes 'n gesinsblad! Anders sal daar mos 'n 'password' wees voor jy hierdie blad kon oopmaak! Ek deel gereeld met my twee kinders die skrywes hier en geniet dit vreeslik om hul waardering vir talent te sien ontwikkel. Nee, ek laat nie toe dat my 9 jarige dogter die 'Volwasse' dele lees nie. Ek dink in elk geval nie sy sal 'n derde daarvan verstaan nie, want dis nie in haar verwysingsraamwerk nie. My seun, wat oud genoeg is, het al vir my 'n paar 'common' skrywes uitgewys. Let wel, nie ‘common’ skryWERS nie, maar skryWES. Hy het, dank Vader, die onderskeidingsvermoë.

Ek stem beslis met Lynie saam en het dit dan ook op Lentelus se bydrae genoem: As hierdie huis met hierdie reëls en 'tugmaatreëls' jou nie pas nie, gaan kuier dan gerus by 'n ander huis. Of nog beter, wat van jy skraap al jou kreatiwiteit en slim/kru gedagtes bymekaar en gaan bou jou eie huis! Dan nooi jy al die wat van jou reëls en regulasies hou uit vir 'n braai daar by jou. Dan’s daar mos niemand wat jou gaan herinner aan basiese beginsels van menswees nie.

Die pad vorentoe. Ek sien dat ons mekaar moet uitdaag tot meer en meer kreatiwiteit en nie aai en paai tot in die verval van ons taal nie! In ons skrywes wil ons tog mekaar betrek by verskillende fasette van menswees en blootstel aan verskillende sienswyses en ook mekaar effens druk om anders te kyk na die lewe as wat as 'normaal' beskou word. Hieruit kan ons almal net groei! Dit kan ons egter nie doen as ons dan nou redeneer soos ek hierbo gedoen het; 'Gaan bou jou eie huisie' nie. Ook nie as ons mense wegdryf van ons skrywes met krutaal nie.

Waar is die eiesoortige taalgebruik soos wat ons voorsate aan ons nagelaat het? Dink net aan Karmenaadjie, Klopdisselboom, Lunsriem, Sjoebroekie, Lyflastig en al daai ander. Gaan kyk gerus so 'n bietjie by: http://www.mieliestronk.com/aprinsloo.html , as een voorbeeld, om jou kreatiewe 'juices' weer te laat vloei! Ja, ons dink miskien hierdie woorde is nou uit die oudedoos, maar kom ons met meer eietydse woorde op? Hoekom haak ons vas by f@k en j@gs? Eersgenoemde is nie eens ons eie en laasgenoemde beteken ook 'verspot' of ‘mal’. Ek sal dus die woord maar van nou af die 'mental' konnetasie gee.

Kom ons werk aan eiesoortige, taaleie skeppings. Hul sê (ek weetie wie is 'hul', maar nogtans): 'Soos ons is, so doen ons. Soos ons doen, so praat ons.’ En ek wil bylas: ‘Soos ons praat, so skryf ons.' So kom ons skep hier op Woes skrywes/poësie wat onvervangbaar is in enige ander taal!!!!!! Hierdie uitdaging stel ek dan van vandag af aan myself ook!

Afrikaners is beslis plesierig, maar hul vind maar net hul plesiertjies in verskillende dinge en so moet ons mekaar respekteer!

Sjoe, nou’s ek skoon uitasem gepraat!!! Hoop net dat my boodskap van hoe belangrik mense en die Afrikaanse taal is, duidelik genoeg gestel is.
7 jaar 8 maande 4 weke 1 dag 17 ure oud


J & O
Jacques en Ockert: Wat 'n vars bries in die woestyn van middel eeuse denke!
7 jaar 8 maande 4 weke 1 dag 18 ure oud


Vuurvrou
Lees ek jou reg? Gods, ek wil nie:sensor van komtare? Is ons terug by die ou Veiligheids Polisie, BOSS, KGB, MI5, en CIA???
7 jaar 8 maande 4 weke 1 dag 18 ure oud


Aanstoot
Ek neem aanstoot teen aanstoot nemers. Sulke kleinlikheid getuig van kleinlikheid. My reg om te skryf wat ek wil begin met jou reg om te lees wat jy wil, of nie wil nie. Indien die filter gebruik word dan het die klaers geen verweer nie, maar selfs daarsonder is 'n dosis realiteit goed vir laertrekkers wat almal buite hul vesting as gevaarlik en minderwaardig beskou. Ons kom in alle kleure en geure, en die feit bly 'n feit of jou brein nou jou oë daarteen blok of te nie. Die wat sensuur wil toepas moet van woes af verban word.
7 jaar 8 maande 4 weke 1 dag 19 ure oud


titel
OK, ek dink ek is verkeerd verstaan :) Ek wil ook nie vyande hier maak nie want ek geniet hierdie plek baie. Dit laat my dinge aanpak wat ek nooit sou nie, so dankie woes, en dankie aan al julle wat al my 'stupid' goed al gelees het.

Die probleem wat ek met 'n titel het is dat dit orals verskyn. Almal kan dit lees, en dis juis dit waar die grootste probleem moontlik in kom. Die storie self mag wel gesensor wees, maar die titel wat almal kan lees, is nie.
Miskien moet daar 'n heel ander area geskep word hier op woes waarin ons kru taal ( natuurlik in konteks ) kan gebruik. As jy nou kyk op Litnet, sal jy dinge sien wat jou oe uit hul kaste sal laats spring - en daar is geen identifikasie vir dit nie. Dis openlik. Wat hulle wel gedoen het, was om 'n area te skep genaamd Hyg-Literatuur, en genade - ek is hopeloos te skaam om daarin te gaan! hahaha.

Die vraag is: Gaan dit help om 'n spesifieke area te skep waar sulke titels aanvaarbaar kan wees?
7 jaar 8 maande 4 weke 1 dag 19 ure oud


Ek verskil van jou Ockert
n Titel moet die konteks van die Verhaal, Gedig of wat ookal vas vat, soos die skielike nuutse titel van Lentulus se skryfsel Wulps, M'Lord ? is glad nie dielselfde as die oorspronklike Titel nie. As dit nie vir my vaagweg bekend geklink het nie, het ek dit nie gelees nie... en toe tot my verbystering agtergekom het dit is n nuwe titel.. Moenie aan mense se skryf werk peuter nie.
7 jaar 8 maande 4 weke 1 dag 20 ure oud


Taal
Alhoewel ek in die geselskap van meesters rondom my, het ek ook iets op die hart.

Ek dink as jy kjru taal wil gebruik net vir sommer, dan hoort dit nie hier nie. Elke vloekwoord moet in konteks wees. So ver ek weet is hier 'n filter op WOES, maar ek dink die skryfstukke moet nog steeds gemodereer word op 'n manier. Dit sal verseker dat elke ding in konteks geplaas kan word.

Ek sal ook se indien mense nie na julle waarskuwings oor onnodige kru taal luister nie, moet hulle geskors word vir 'n ruk. Ek is betrokke by baie forums op die internet ( nou nie skryf forums nie ), maar ek sien sulke gedrag daagliks. Dis ongelukkig deel van die samelewing.

Kyk, as een van my romans eendag op die rakke gaan wees, dan gaan daar wel kru taal in wees ens. Maar ek probeer bes moontlik om dit in konteks te gebruik.

Hoekom gaan ek nou praat van 'n %^&(*& hond, wanneer ek net van hond kan praat? In dieselfde luim, indien ek van 'n %^&(*& hond praat moet dit geregverdig wees.

Vloekwoorde ens. hoort nie in titels nie.

Ek weet nie of ek sin maak nie maar dis maar al wat ek wou se.
Dankie
7 jaar 8 maande 4 weke 1 dag 20 ure oud


So by my kool ...
As dit dan nou ook gaan gebeur dat KOMMENTARE gesensor word (let wel: kommentaar wat nie gekruide taal bevat het nie), gaan ek sterk die integriteit van hierdie werf moet betwyfel. Dit kan meebring dat mense se kommentare totaal verkeerd deur ander lesers vertolk kan word en selfs moontlik 'n verkeerde indruk skep van die kommentator se opinie. Dis soos om iemand verkeerd aan te haal in die koerant!
7 jaar 8 maande 4 weke 1 dag 21 ure oud


O my hoed!
Nou wie het my kommentaar gesensor? Die gedeelte oor Antjie Krog het dan net verdwyn, of het ek vanoggend die verkeede Bob Martin pilletjies gedrink?????????
7 jaar 8 maande 4 weke 1 dag 21 ure oud


Vuurvrou
Jip, ons almal dra swaar aan calvinisties/nasionale bagasie. Sommige ontgroei dit nooit.
Tussen Breytenbach, Letoit en Krog kan mens 'n vloek kompetise loods. Dog als funksioneel.
7 jaar 8 maande 4 weke 1 dag 22 ure oud


-
Ek volg hierdie debat met groot belangstelling. Die gevaar is natuurlik dat sou mens begin sensor, waar trek mens die streep en kortwiek dit kreatiwiteit? Ek bedoel: as ons nou mense moet begin sensor oor hul kru/vloekwoorde, gaan ons diegene ook sensor wie so dweep met hul "godsdiens" en Bybelversies? (Onthou: nie ALMAL is noodwendig van die Christelike gelook nie en mag dalk sterk beswaar maak teen sulke skrywes.)

Ek is net dankbaar ek is nie die een wie sulke besluite gaan moet maak oor wie se werk bly en wie se werk gly nie.
7 jaar 8 maande 4 weke 1 dag 23 ure oud


Lentulus
Applous vir jou laaste kommentaar! (Glimlag) hehehe
7 jaar 9 maande oud


die weervoorspelling
en HALLELUJA vir Kiekies...
7 jaar 9 maande oud


die weervoorspelling
dankie vir die groot smile Lentelus.
(en dan pluk hy n waterpistool uit en skiet die ou in die bors....giggel..)
7 jaar 9 maande oud


Cur Adv Vult
KB, bly om te sien jou Latyn vorder goed. Buiten Afrikaans vloek geen taal so lekker dan Latyn nie. So die 'probleem' kom 'n lang pad.
Stem in die bree met jou, Sneeuwolf en Rudi saam. Kern probleem is dat die begrip 'kru' hoogs subjektief is. Wat vir dominie Potgieter kru is, is vir panelbeater Sarel (en sy kinders) daaglikse spreektaal. Ons werk met 'n pendulum wat(ongelukkig) altyd of te ver regs of te ver links swaai. Balans is haas onbekombaar. Die onderstane komtare bewys dit.
Sprekend vir myself, sal ek eerder na links fouteer dan na regs.

Vertrek punt: is die kru woord(e) in konteks funksioneel.
Voorbeeld: Die stuk beskryf hoe Pietie sy vrou by 'n ander man in die kooi betrap. As Pietie sou uitroep: "Gedorie, julle kafoefel dan! Skaam jou pimpel en pers, jou maaifoedie!" sal dit mi nie baie realisties oorkom nie...
7 jaar 9 maande oud


Debat.
As iemand kla beteken dit dat hy/sy genoeg gelees het om klagtes bymekaar te maak. Dit is soos iemand wat by 'n 'Adults Only' winkel instap, alles bekyk en betas, en dan uitstap en besluit die winkel moet summier gesluit word, want as dit oop bly gaan hy/sy nie die versoeking kan weerstaan om weer daar in te gaan nie.
Ek het al geleer dat daar sekere Woesters se werk is wat my nie aanstaan nie. Nou maak ek dit nie in elk geval oop, lees die hele bydrae en stuur dan 'n kla-pos aan bestuur nie. Nee, ek ignoreer dit en raak nie daaraan nie. Laat hom maar skryf soos hy wil en laat die mense wat daarvan hou, dit lees. Different horses for different courses.
Wat is dit tog met ons mense wat altyd wil fout vind en sy stem/opinie wil laat hoor? Dis 'n mors van kosbare tyd. Ag nou ja, dog ek se maar net.
7 jaar 9 maande 1 uur oud


eenvoud is beter
Aangesien woes 'n portaal is vir lede en nie-lede om te lees en te geniet, is die filter-sisteem nodig. Net soos die leser kan kies tussen gedigte, rubrieke ens. netso, moet hy/sy kan kies tussen sogenaamde "volwasse"-leesstof wat vir die meer avontuurlike en minder liggeraakte leser geskik is, en dan die gemaklike leesstof. Die vraag is wel wat is die "norm" en wie bepaal dit?
Die antwoord:Seker maar Woes se bestuur na gelang van die terugvoering van die lede - soos tans die geval is.
In kort, die huidige oogmerk, norme en struktuur werk goed.
7 jaar 9 maande 4 ure oud


die weervoorspelling
dinge is nie so eenvoudig nie.
Die konteks van die woord moet ook in ag geneem word.....jags het nie noodwendig as voorbeeld met seks te doen nie....en dis darem verregaande in so geval,waar jags dan in n titel voorkom....n stuk te verwyder of te sensor...sekerlik kan ons nie jonger lesers probeer verhoed om sekere woorde te lees nie.
nou mag hulle nie die woord lees nie,maar by die skool praat hulle met mekaar en gebruik die woord...ens....
EN wie besluit of die digter die woord net gebruik het om meer lesers en kommentare te lok?Sekerlik kan net die digter self weet waarom hy die woord gebruik het...soos my gedig:Die f&k weet...
dit is in die titel gebruik want dit is die emosie waaroor die werk gaan.ek het nie nodig om onder die belt titels of vloekwoorde te gebruik om lesers te lok nie.my werk spreek vanself.en die wat my werk lees,lees my werk..en weet wat om te verwag van my.
ons moet ook glo dat hier eintlik min regtig jong lesers op woes is..kom ons se 10 jaar oud en jonger.of 12 en jonger.en dan moet die ouers mos toesig hou oor hulle kinders en verantwoordelikheid neem vir wat hulle lees,en wie se werk hulle lees.
anyway:sonder ouer toesig kan daai kindertjies wat nog nooit die woord jags gehoor het nie,of hulle pa of ma of oom hoor"FOK' se het nie,werke met n ouderdomsbeperking lees.....wie blameer ons dan?DIe digter wat durf waag het om so werk te skryf en te plaas?WOes wat toelaat dat werke geplaas word met n ouderdomsbeperking?NEE! Natuurlik nie..dis flippen belaglik!Die ouers is vetantwoordelik.niemand ander nie.
PUNT>!
EN Liwe Lynie: kom nou , niemand druk dit in jou keel af nie..en niemand dwing jou om dit te lees nie.
Jy het n keuse.
Gebruik dit.
Moenie skrywers se goed lees wat jou walg nie..of met wie se opinies jy nie saamstem nie..ens..ens../.
Net soos wat elkeen hier n keuse het wat hy lees en wat hy vermy.
Of dit Godsdiens is..politiek is...ens ens...
Pass net wat jy nie van hou nie..of wie jy nie van hou nie.
Maklik.
Dan moet ons ook weet wie kla!en dis die probleem hier...
Ouens soos Kakie(en ander)het soveel profiele..party as vrouens..party as mans..ens.
SO as so persoon kla,tel dit nie.Veral nie as kakie bv as sy vroue profiel kla nie..ens.
EN as 70 mense n werk lees....daar is 6 positiewe kommentare en een negatiewe kommentaar(wat kla oor wat ever..)....dan behoort die meerderheid te rule.....
en as daar 1 klagte uit 70 lese is,behoort dit meestal ignoreer te word....(maar hanteer maar die klaer met respek en sag..)....
Daar moet ook onthou word dat in 4,5 jaar plaas wat ek op woes is,oor al die verskillende dinge waaroor ek skryf en mees spot en funny oor is ens...behoort almal te weet wie ek is en wat om te verwag....skryf gaan ook oor entertainment ens...oor n lag wat op jou gesig gesit word..oor verbasing..ens...
en die wat nie hou van my of my way of my humorsin of my gewaagheid of my opinie ens nie,moet net nie my werk lees nie.en moenie daaroor kla as jy dit wel lees nie.
Buitendien:ek sensor myself en oorweeg elke stuk voor ek dit plaas.
EN ek het nie skoktaktiek nodig om te se wat ek wil se nie.ek se dit net soos ek dit se.
Punt.
en wat vir een dalk kryu mag wees is dalk net kragtig of gepas vir n ander.(in of uit konteks).
ens.
Mens kan nie almal se giere en geite en pretensies ens tevrede stel nie..
dis n openbare platform.
mense gaan verskil.
Maar jy hoef nie jou 'verskil' in my keel af te druk nie.(al is jy welkom aan jou opinie).en jy hoef my ook nie te verhinder om dinge op my way in my way te doen nie...deur te kla oor alle krap nie.
Of oor iets jou nie aanstaan nie.
daar is wel mense wat dit geneit.
og wie dit aanstaan.
of wie n giggel of n smile daaruit kry.
en selfs mense wat verstaan.
en so voel.
en so dink.
ens.

Live and let live.
Binne redelike perke.

ons almal weet woes is nie n rubriek in Loslyf nie.....of dat woes 'Lenet' is nie.
EN dat daar wel iets soos ' welvoeglikheid' hier moet wees.
Maar eerder as om oor alles te kla...gebruik jou tyd produktief vir iets wat n verskil in iemand se lewe maak.
Amen.
7 jaar 9 maande 4 ure oud


Afrikaans
Ek is nog 'n beginner in die "skryfwereld" tog ek wil ek graag net ook my inset lewer as 'n Woester.
Ek stem saam met sneeuwolf, Woes is nie daar vir werklike vieslikhede nie.
bv: Indien iemand 'n storie skryf oor 'n gevangene in 'n tronk, sal die gesprekke deur die persoon nie soos 'n dominee/pastoor s'n klink nie. Daar is volgens my tog ruimte om dit wat jy wil weergee, so lewensgetrou te doen as moontlik.
Elke skrywer het 'n tipe skryfstyl, en voorkeure waaroor hy/sy graag wil skryf.

Eet maar die vissie en spoeg die grate uit!



7 jaar 9 maande 4 ure oud


Afrikaans
Die verwysingsblad is nie juis mooi geformuleer nie.Vir effektieweteit sou ek sê die punte vir bespreking moet meer duidelik uitgestip word.
Ek praat dus in breë' Die betrokke stuk asook myne met presies dieselfde woord, naamlik 'jags" Die woord is nie vieslik nie. Die woord kan deurgaan as gekruide Afrikaans.
Die balans van Len se skrywe is die mooiste diskrete Afrikaans en dit geld vir my skrywe ook.
Die skeidslyn moet wees bare, vieslikheid. dit is duidelik genoeg gestel
Punt 1. of kommentaar gesoek word ? Negatief. enige ervare skrywer is nie juig soekend nie. hy skryf om sy storie te vertel

Punt 2. Is die klaer 'n blikbroek draer?
Dit moet beslis fyn bekyk word. Die kunste het nie plek vir kleinserigheid nie.

3. Minderjariges?
Vergeet. Hier is geen "minderjarige" op woes nie. Hier is wat onder die ouderdom van 18 is wat 'n absurde skeidslyn is. e TV is oop vir almal en daar is nie een kind wat nie kyk wat daarop en ook op "gesins kanale en tye " op TV VERTOON (!) word nie. In elk geval, as hy of sy kan skryf, weet hulle deeglik wat seks in al sy formate is!
Statutêre "common" vloekwoorde is huistaal vandag. Ek slaan agteroor toe ek die woorde hoor wat my 6 jarige klein kind van die skool af bring en dit 'n stywe lip gemeenskap skool

Woes as gesinsblad? Relatiewe begrip. Woes is woes en met die begrip gesinsblad is daar 'n kerklike en of Godsdienstige konnetasie. Dit is uit. Die kunste het nie grense nie!

5 + 6
Woes is nie daar vir werklike vieslikhede nie . Net die benaming is beskrywend genoeg.
My ouma is oorlede aan geheime. Indien daar "strome" klagtes is, wil ek weet wie is die klaers en watter bydrae hulle lewer tot die uitbou van Woes. Geen loseerder het 'n seggenskap nie.
Daar moet voorstelle kom oor die hantering van 'n klagte en die meriete daarvan
Dankie vir die begin van gesprekvoering. laat almal asseblief deelneem. Geen draadsitters nie.
7 jaar 9 maande 11 ure oud


Die arend vlieg ... :)
Sic, aquila volare ad esse
7 jaar 9 maande 13 ure oud


Gekruide taal op woes
Ek wil nie sulke taal in my keel afgedruk he nie. Ek stem saam met Brannewyntert. Daar is 'n wye wereld daarbuite. Laat hulle wat so wil skryf, op 'n ander webblad hulle "gawe" gaan uitleef.
7 jaar 9 maande 15 ure oud


Ek wat Brannewyntert is
Wat nie Brandewyn nuttig nie en ook geensins n tert is nie, skryf soos ek praat, voor my kinders, venote, kleinkinders en die Dominee. Mens kan nie alles 'toe smeer' omdat dit "kru" is nie. Dit is n groot wye wereld waarin on leef. "Live and let live" As dit duidelik aandui dat dit "iemand'" mag aanstoot gee, hou verby. Moenie lees nie !!!
7 jaar 9 maande 15 ure oud



Waarheen met die Nuwe Wyn

deur Christo Nel

Die boek, WAARHEEN MET DIE NUWE WYN, wat in 2004 vir die tweede keer nuut gepubliseer is, is bedoel om ‘n bydrae te maak as deel van die gesprek rondom Bybelse vernuwing wat tans onder veral Afrikaanssprekende gelowiges aan die gang is oor wat Christen-wees en kerk-van-Christus-wees beteken.



picture

Kompetisies

Kyk watse opwindende kompetisies tans beskikbaar is

picture

Nuusbriewe

Registreer nou om nuusbriewe van Woes te ontvang

picture

Winkel

Woes skrywers wat self publiseer se boeke is in die winkel beskikbaar