Artikels

Premium+ Lid Premium+ Lid
Deel hierdie werkstuk met jou Facebook vriende

Dis toe ons by Panorama Park (6 km vanaf Lambertsbaai) se afrit kom, wat ek besluit het om die laaste ruskans te neem voordat ek dan die laaste stuk aanpak.

Kop onderstebo om my spiere te strek met my resiesperd kombers oor my, hoor ek ‘n voetuig stilhou. Dit was Elred en Maryna Ferreira wat besluit het om te kom moed inpraat.
Die ander wat my moed kom inpraat het, was Jack en Dalene Mellet, Aletta Wagener, Sharon van Zyl en klein Ruby van Zyl.

Dankie julle almal. Dit laat ‘n mens goed voel as jy sien dit wat jy doen, word waardeer.
Elred, Dalene en Jack het elkeen ‘n beurt geneem om ‘n ent saam met my te stap.

Jack stap 'n entjie saam
Sharon het die fotos kom neem. Dankie Sharon jy het my poging verewig.

Aletta en klein Ruby van Zyl het my met handeklap aangemoedig.

Ek het gevoel ek is tussen my eie mense.

Toe ek om die hoek kom om die pylvak te vat tot by Somerkoelte, wag daar ‘n heerlike verrassing vir my. Tussen Esna Bester, Dalene Mellet en die Inwoners het hulle vir my ‘n helde-ontvangs gereël. Met vonkelwyn, konfetti en die wonderlikste blink oë en glimlagte.

Dalene en Esna
En my voete het vleuels gekry die laaste 100 tree tot by die voordeur waar die Inwoners, Esna en haar twee kinders (Janie en Abrie) en al die ander wat my langs die pad kom ondersteun het, my ingewag het.

Ek het soos ‘n wafferse BBP gevoel met so ‘n hartlike ontvangs.
Blink konfetti het oor my gereën! Daar is vir my ‘n glas vonkelwyn in die een hand en ‘n bottel in die ander hand gedruk.
“For his a jolly good fellow….” het vir my soos die wonderlikste musiekuitvoering geklink.



Vir ‘n oomblik het daar ‘n knop in my keel kom sit. Die waardering vir my poging was duidelik sigbaar. Almal wou ‘n drukkie of handdruk gee en was bekommerd oor my welstand. Ek het daar besef dit oorskadu al die negatiewe dinge wat my ore vooraf bereik het.

Gaan besoek gerus Somerkoelte Tehuis vir Bejaarde Persone se Facebook blad en volg al die aktiwiteite wat daar aan die gang is.

Die gemiddelde ouderdom in die Huis is 81 jaar. Alhoewel die Inwoners grootmense is in jare, is hulle nog glad nie oud nie.
Die oudste inwoner verjaar in Junie en sal dan 99 wees ... en glo dit of nie, sy draf nog elke dag soos 'n vars seebries deur die Tehuis.
As julle in Lambertsbaai kom kuier, kom maak ‘n draai by Somerkoelte –kom beleef self die warm hartlikheid.

Voor ek die borge bedank, wil ek eers my dank aan die Skepper opdra wat my stil gebede verhoor het en die pad sag gemaak het sodat geen pynlike voet of been of heup my gedwing het om op te hou loop nie.

Ek weet dat as Sy wil nie in die saak was nie, dit glad nie sou realiseer nie.



Spaar Geld op Versekering

Lucky Lottos

Kommentaar

5
En nadese is niks meer dieselle by Somerkoelte nie! Dat daar vele warm harte is, is duidelik. Hierdie skrywes het ons deel van alles gemaak. Duime op vir jou en al jou ondersteuners.
4 jaar 5 maande 2 weke 10 ure oud


Staptog
Welgedaan, jy het die ontvangs verdien!!
4 jaar 5 maande 2 weke 22 ure oud


Stap
Baie geluk, jy was 'n ou Doring!
Lekker as mens deur Sy genade 'n grootse ding voltooi het.
En ek het die skrywe vreeslik geniet!
4 jaar 5 maande 2 weke 1 dag 5 ure oud


Stap 5
het heerlik saam jou gestap en se ook saam dankie dat die Genade genoeg was om die staptog te kon voltooi.. dankie vir die deel daarvan en ook die mooi fotos
4 jaar 5 maande 2 weke 1 dag 5 ure oud


Aankom ...
Baie geluk met die voltooide staptog
4 jaar 5 maande 2 weke 1 dag 8 ure oud


somerkoelte
Zym dit was n grootse poging en van my kant af haal ek my hoed af vir jou pragtige poging en sukses het jy verdien
4 jaar 5 maande 2 weke 1 dag 14 ure oud


Somerkoelte
Waauw!

Dis wonderlik dat so baie mense so ondersteunend was/is. En jy is voorwaar baie dapper!
4 jaar 5 maande 2 weke 1 dag 15 ure oud



Nuutste werk ingestuur binne die afgelope 7 dae


Geborg deur :

Van ons ander lede

Waarheen met die nuwe wyn

deur Christo Nel

Dr Christo Nel skryf hier oor die nuwe wyn-waarhede in die Bybel wat sy en ander se lewens verander het.



picture

Kompetisies

Kyk watse opwindende kompetisies tans beskikbaar is

picture

Nuusbriewe

Registreer nou om nuusbriewe van Woes te ontvang

picture

Winkel

Woes skrywers wat self publiseer se boeke is in die winkel beskikbaar