Is Afrikaans werklik eers in 1919 deur die Nederduitse Gereformeerde Kerk in gebruik geneem? Of het Afrikaans in 1652 nog Nederduijtsch geheet en was dit die spreektaal van die eerste blankes aan die Kaap? Nederduijtsch is ook die naam wat deur die VOC (Vereenigde Oost-Indische Compagnie) aan die taalvorm gegee is. Die eerste gemeente wat aan die Kaap gestig is, het dan ook die Nederduijtsche Gemeente van die Gereformeerde Kerk geheet.
Die Nederduitse Gereformeerde Kerk het in 1571 in die stad Emden ontstaan. Emden wat tans in die Duitse deelstaat Nedersakse geleë is, was destyds deel van Oos-Friesland. In 1579 was dit die staatskerk van die Republiek van die Sewe Verenigde Nederlande. In 1795 het dit onder die Franse oorheersing opgehou om as offisiële staatskerk te bestaan, maar dit kry in 1816 van koning Willem I ʼn nuwe reglement en die naam Nederlandse Hervormde Kerk. Die term Nederduits in die naam dien as ʼn voertaal onderskeiding van ander gereformeerde kerke, soos die Nederlandse, die Waalse, die Skotse, die Hoogduitse en die Engelse gereformeerde kerke. Deesdae word die taalkundige term "Niederdeutsch" i.p.v. Nedersaksies in Duitsland gebruik.
Waarom het Goewerneur lord Charles Somerset, dr. Thom in 1820 afgevaardig om in Skotland na predikante vir die NG Kerk te gaan soek ten einde te voorsien in die groot behoefte aan predikante vir nuwe of vakante gemeentes? Was dit om die koloniale regering se verengelsingsbeleid stukrag te gee, of was dit omdat die Anglo-Sakers se taal netsoos Afrikaans hoofsaaklik van Oudsaksies, afgestam het?
Die enigste ander oudsaksies dialek wat tans nog bestaan en baie soos Afrikaans klink, heet Bilts en word in die weste van Friesland aangetref en gepraat.