My ma is in die Onderwys en sy het nou die dag gekla dat met die stakings saam sy nie genoeg punte vir die kinders het om hulle punte te kan opstel nie. Dit is so jammer wanneer stakings so uitgevoer word dat dit ander se regte aantas en verder terselfdertyd ook die stakers se soms geldige standpunte benadeel. Dan strek dit tot geen voordeel vir enige iemand nie.

Goed geskryf.

Hier is nog een groot gaping in ons prosesse: Heelwat griewe tydens stakings deesdae gaan oor die 'fat-cats' of mense op die soustrein - stakers raak ernstig omdat sekere mense super-inflasionêre verhogings en voordele ontvang het en hulle self nie. Die gedagte kom by mens op dat een verkeerde ding nie 'n ander regmaak nie ensv - baie geldig. Maas as mens verder dink besef 'n mens dat stakings hierdie uiters gereguleerde en bemagtigde proses is, maar dat daar geen sulke proses is vir griewe oor die (groeiende) dispariteit in die mark nie.

In 'n regwerkende demokrasie bied die wetgewende proses 'n bietjie verligting deurdat kiesers kan reageer op gierigheid en die gebrek aan aksie daaroor, deur hul verteenwoordigers wesenlik te straf by die stembus. Ons demokrasie werk amper glad nie - volgens my Meestersgraad skripsie benodig demokrasie besluitnemings inligting en rekenpligtigheidsinligting. Nie net het ons land min van beide (ons het wel baie data maar min inligting), ons kiesers is meesal nie by magte om dit te verwerk nie en ons kiesers reageer selfs in ideale omstandighede steeds nie daarop nie.

Ter afsluiting: Heelwat ontsteltenis oor dispariteit word tans gekanaliseer na 'n proses wat heeltemal oneffektief is om iets daaraan te doen, net omdat dit die enigste proses is. Die slagoffers is ons kinders en ons toekoms. (Sien "Toekomsmoord".)

Die meeste skole in die Moot is volgende week semi-gesluit ten spyte van voltallige personeel, weens dreigemente ontvang teen die kinders en omdat dit teen-produktief is om met baie leerder-afwesighede aan te gaan met werk. Gelukkig is daar geweldig baie voorbereidings e.a. werk wat gedoen kan word in die kinders se belang.

Nota: Ek stem nie saam dat 'normale' ouers tuis met onderrig kan aangaan nie. Waar onderwys eens juis nie "rocket-science" was nie, is dit vandag wel, en baie ouers rig na my ondervinding wesenlike skade aan. Baie ander dinge kan natuurlik gedoen word, soos fisiese vaardighede (ook maar ingewikkeld sodra die standaard hoog word) en maniere en waardes wat kan bydra tot effektiewe leer in die klas. Die ontwikkeling van die voorste breinlob, 'n groot probleem, vind ook noodgedwonge tuis plaas, maar weer eens vereis dit ongelukkig 'n bietjie kundigheid en word groot skade aangerig.

Kinders hoef nie skool toe te gaan om te presteer nie, want daarvoor het hulle ouers. Ouers wat ook 'n deel kan bydrae tot hulle opvoeding.

Laat die wat wil staak staak. Die ANC het hulle al jare terug mooi geleer hoe om dit te doen - nou is dit weer die tyd om 'n oplossing daarvoor probeer vind.