Op Woes.co.za onder Gedigte

Kanker vreet aan my vrouwees



Verbitterd staar ek
na die een bors beeld
in die spieël (2006)

en my trane stroom
soos geen stroom ooit kom vloei
want hier vloei groot hartseer

twee jaar later
treur ek nog
en nou sê dokter kanker weer terug

Nee, Here dit kan nie wees
my bors opbouing sou nou begin
maar dokter reken ek moet wag

weke later, ’n histerektomie
weer word ’n gedeelte van my vrouwees
verwyder om te oorleef

stom staar ek verbitterd na die spieël
is hier dan nog iewers vrou in my oor
om ’n begeerlike vrou vir my man te wees

maar Jesus het my raakgesien
my aangeraak, my getroos
die bitter in my weggeneem (al het dit lank geneem)
en my gesond gemaak.

Bron: http://www.woes.co.za/bydrae/gedig/kanker-vreet-aan-my-vrouwees-kansa-projek
Bets Bronkhorst

Meeste van my gedigte dra 'n unieke waarheid. 'n Storie wat vertroulik aan my vertel was oor 'n koppie tee. Ek noem hierdie gedigte "Spieelbeelde" want die verlede staar ons soms vol in die gesig.

Ek dank die Here vir hierdie gawe wat ek ontvang het. Om dit wat ek soms nie hardop kan se nie, wel op papier vas te le. Vir my gedagtes wat ver paaie met my stap, om dit wat kosbaar is te gaan haal. Ander se stories het my so geinspireer en my woorde gelei sodat ek hulle hartseer of blydskap in vorm van 'n gedig kan skryf, sonder dat hul bewus is daarvan. Ek deel dit graag met jou.

Ek behou natuurlik ook kopiereg om al my bydraes



Totale stukke publiseer: 286
Totaal kere gelees: 0
Totaal kommentaar: 1,183