Op Woes.co.za onder Gedigte

Tommerdag

In elke bottel
is ‘n siel
hoe dit daar binnekom
is ‘n vraag
maar dat daar ‘n siel in is,
is waar.

Dit is ‘n soldaat se siel.
Wanneer die koeël tref
is dit onverwags en onvoorbereid.

Geen soldaat sien
dat hy getref gaan word nie
no ways
ek is die een wat gaan tref.

Op hierdie onverwagse manier
klim sy siel in ‘n bottel in –
soekend na geselskap
en ‘n kaartjie vir sy reis.

Dis dan wanneer die manne kring,
die leeg bottel toe prop
en dit oor die kole hou.

Na sowat ‘n minuut
word die bottel skuins hemel toe gerig
die prop afgedraai
en met ‘n vlammetjie by die bek
gaan die siel op reis met ‘n
woeeeeeeiiiii . . .!

Ons glo
Jip
ons glo
straight reguit
pyl reguit
high speed
hemel toe.

Nog ‘n soldaat gered
Sy “ jy mag nie doodslaan nie”
afgewas
in onse kele in.

En Tom draai
die bok se tjoppies
vir die laaste keer om.

Die geur is oorverdowend.

Willie F
2014/06/19

Bron: http://www.woes.co.za/bydrae/gedig/tommerdag-foto-2
sneeuwolf

My naam is Willie van Tonder. Haar naam is Anita en ons is al 48 jaar saam. Sy het drie kinders in die wêreld gebring en is al 'n ouma grootjie.
Ek het geen akademiese opleiding of  nering nie, maar het wel aan Moederskoot die Bybel leer lees en ek kan ook optel en aftrek.
Ek swerf my lewe lank deur 'n idilliese droom wêreld en vir brood en melk, gebruik ek my hande.
Ek woon in Potchefstroom
Mense en hul dinge is my lewe - ook die grond en alles wat daaruit spruit.
Ek skryf gewoonlik in die eerste persoon omdat dit vir my maklik is.
My stories beeld slegs my drome uit en het geen betrekking op my werklike lewe nie.
Opdat alles wat op die Internet geplaas word, Universeel is en daarna aan die wêreld behoort, mag jy dus dit wat jy van waarde ag, aftrek en bewaar.
Indien jy dit in beter formaat op CD verlang vir beter druk en bind, kontak my net.

My E pos adres is: willievantonder@gmail.com
My telefoon nommer is: 082 536 5423 - ek reageer beter op 'n duidelike SMS.
Skype: snowwolf 9281.
YouTube bydraes URL : http://www.youtube.com/willievantonder

Of, makliker:
Gaan in op YouTube en tik net in:
willie van tonder

En geniet dit.
Verder, my skrywes  ;
Geniet dit wat ek opdis en blaai gerus weg indien dit jou nie pas nie.
 
Dit is my as skrywer se taak en strewe - om emosies op te wek.
Die leser moet emosioneel geraak word deur wat ek geskrywe het:
Jy mag maar lag, huil, kwaad word . . .
Jy mag maar woedend ook word.

Dan het ek geslaag as skrywer.



Totale stukke publiseer: 2,393
Totaal kere gelees: 0
Totaal kommentaar: 8,998