Op Woes.co.za onder Gedigte

VROUE MISHANDELAAR

jy meneer ...met jou kanonloop mond meneer
ja jy... met jou verbale mishandelings mond is geen heer
jy skiet skel verbale kanon koeëls wat siele beseer

jy meneer ...wat teen vroue jou vuiste stuur
ja jy... gaan staan, slaan vir ‘n uur teen ‘n muur
jou vuiste kan pyn brand soos ‘n vrou pyn verduur

jy meneer ... met jou verkragtings instink
ja jy... wat vrou en kinders verkrag en vermink
mens beskou jou siel as verrot en stink

nie ek of vrou verstaan jou onmenslike instink
maar God sal eendag daaroor moet bedink
omdat jy vroue en kinders se siele vermink

jy meneer... jy mag dalk sê jy is ‘n ongelowige
ja jy... ek is jammer vir jou... jy ongelowige
jy het ten minste menslikheids liefde nodiger


jy jou mishandelaar van kind en vrou
as ek my sin kon kry nou
neem ek ‘n terugwerkende tydreis
ek ‘n gladiator wees op my reis


jou as opponent wou hê
jy op die grond bly lê
my swaard oor jou hoof hang
Ceasar sy duim afwaarts hang


met een Zeus swaard hou jou onthoof
dat die leeus jou liggaam verorber en roof
jou kop op die ashoop vereer
waar maaiers jou brein kan verteer
Bron: http://www.woes.co.za/bydrae/gedig/vroue-mishandelaar
schatz

Ek is 'n 1948 model, getroud (jonk van gees) wat hoofsaaklik vir plesier, my vrou , kinders en vriende skryf.  Ek was in Paarl  ( HJS - Galpil) op skool en daarna vir 2 jaar Hermanus Hoërskool. Ek het op 50 jarige ouderdom, om gesondheidsredes, besluit om 'n beroep in die munisipale wese te verruil vir 'n landbou gedrewe beroep en bedryf 'n vrugte droog maatskappy in die Klein Karoo.  Op 60 jarige ouderdom is ek na vele  verkeerde diagnoses positief gediagnoseer as een van omtrent 156 mense in die land met MG (myasthenia Gravis)  Dit het my beweging aansienlik ingekort en ek het begin skryf en skilder as tydverdryf.  Ek kon nie meer voortgaan met die vrugte droog nie en ons bestuur tans 'n fabriek wat vrugtelekkers vervaardig. Ek skryf hoofsaaklik oor persoonlike lewenservarings en ondervindings.  Baie van die skryfwerkies het 'n Christelike boodskap en verskeie mense het reeds versoek om dit te lees.  Ek skryf hoofsaaklik  in gewone "plat"  praat Afrikaans maar het ook 'n paar Engelse stukkies geskryf.  My styl is ondervang in "Digresep".
Ek verwelkom eerlike kommentaar en  kopiereg  voorbehou.
Wat is schatz  ?  Kom ek stel dit so "It takes two to tango" en schatz beteken liefling of skattebol in Duits.  Ek is schatz vir my vrou en my vrou is schats vir my ! Sy is duitsmagtig.  Ek skryf en lewer kommentaar. Sy doen die "e-posse" en checking.  Ek is afrikaans en sy is engels, maar ons huistaal is Afrikaans.  Dus is dit boertjie en rooinek wat hier saamwerk.  Goeie genugtig nê ! Kan jy dit glo ?  Ons kom nogal goed oor die weg.  Waarom skryf ek ? En waarom soek ek kommentaar ?  Kom ek verduidelik dit so : 
Skryf is soos my koffie en tee.
Die suiker en melk is wat julle gee.
Koffie en tee sonder suiker is bitter.
Melk maak die tee skoner en witter.
Die lewe is klaar swart en bitter.
Kommentaar maak harte skoner en witter.
Suiker neem weg lewens bitter.
Lekker man, dis lekker, ek dink.
Om soet, wit koffie en tee te drink.
So hou aan met skink
Dit hou die lewe lekker blink.
Aitsa ! - Hoe klink dit ?
 



Totale stukke publiseer: 213
Totaal kere gelees: 0
Totaal kommentaar: 638