Op Woes.co.za onder Gorrel

KERSFEES : BEWAAK EN BEWAAR

Die foon lui. Nog ‘n foon lui en die ander foon lui ook. Ons spring albei tegelyk. Die ding van selfoonkontrakte maak dat fone die hele huis , in elke laai, op elke kas rondlê en almal lui tegelyker-tyd.
Dit is SMS’e. Die SMS’e reën:
“Só en só het van die perd afgeval en sy is buite haarself en praat onsamehagend en ons jaag nou die 100 kilometer na die naaste Hospitaal. Asseblief bid vir die kind dit is ERNSTIG!”

Kort termyn versekering; dit is nou die versekering teen gebeure op, aan, met jou aardse goedere. Jou huis, kar, meubels, selfs toevallighede soos as jou hond my byt terwyl ek op jou versoek by jou kuier.
Wel hierdie mense sal jou eiendom verseker – in terme van vervang, regmaak, uitbetaal teen buite gebeurlikhede.
Alles, op voorwaarde:
Jy moet jou deel ter beskerming, bewaring, voorbehoed en beveilig doen>
Daar is gewoonlik streng voorskrifte op die kontrakte in baie fyn skrif.
Indien jy dáárdie voorgekrewe voorskrifte nie nakom nie, is die waarde en doel van die Polis in gedrang.

Bo en behalwe die Geloofs waarde van hierdie grootste van alle vakansie dae, is hierdie ook die dae waarin ek weer my Koerant koop.
Hierdie is die dae van absolute verspot, waaghals, roekeloos, onverantwoordelik en totaal absurde dinge aanvang. Alles in die “Gees van Kersfees!”

Ek koop die koerant om te sien hoeveel mense gaan op die damme en op die Riviere deur motorboot propellers mincemeat gemaak word.

Eersgenoemde geval is waar en juis.
Maar:
Die perd is semi wild en word net af en toe gery want die plasie is ‘n speel plasie en die meisiekind het sommer die perd gaan staan en bloots ry en die perd skrik vir iets en briek en die ruitertjie ry verder – sweef verder deur die lug.
My Common sence blameer die ouers dat hulle nooit die kind geleer sweef het ook nie. Hulle het nooit die kind geleer om net die armpies wyd te strek, voetjies te bymekaar en dan soos ‘n voëltjie te sweef en saggies te land nie!

Nee. Nou word eenduisend een honderd SMS’e uitgestuur: “Bid vir die kind!”

Ek wil nie God wees nie. Ek wil nie die – even God’s onmoontlike taak - opgelê word om te waak, beskerm, beveilig teen sulke onmoontlikhede nie!

Die Regstelsel is wonderbaarlik gebasseer op dit wat eeue gelede al in die Tien Gebooie vasgevang is.
Die Reg erken nie die term, woord, begrip : “Ongeluk” nie.
Iemand; ‘n mens van vlees en bloed is verantwoordelik!
Klaar.

Dit is waar. Ek wag in hierdie dae voor die kafee vir die koerant. Vele mooie stories is daarin opgesluit!

Wees veilig en kuier verantwoordelik.

Willie F van Tonder
2012/12/24

Bron: http://www.woes.co.za/bydrae/gorrelstuk/kersfees-bewaak-en-bewaar-kersfees
sneeuwolf

My naam is Willie van Tonder. Haar naam is Anita en ons is al 48 jaar saam. Sy het drie kinders in die wêreld gebring en is al 'n ouma grootjie.
Ek het geen akademiese opleiding of  nering nie, maar het wel aan Moederskoot die Bybel leer lees en ek kan ook optel en aftrek.
Ek swerf my lewe lank deur 'n idilliese droom wêreld en vir brood en melk, gebruik ek my hande.
Ek woon in Potchefstroom
Mense en hul dinge is my lewe - ook die grond en alles wat daaruit spruit.
Ek skryf gewoonlik in die eerste persoon omdat dit vir my maklik is.
My stories beeld slegs my drome uit en het geen betrekking op my werklike lewe nie.
Opdat alles wat op die Internet geplaas word, Universeel is en daarna aan die wêreld behoort, mag jy dus dit wat jy van waarde ag, aftrek en bewaar.
Indien jy dit in beter formaat op CD verlang vir beter druk en bind, kontak my net.

My E pos adres is: willievantonder@gmail.com
My telefoon nommer is: 082 536 5423 - ek reageer beter op 'n duidelike SMS.
Skype: snowwolf 9281.
YouTube bydraes URL : http://www.youtube.com/willievantonder

Of, makliker:
Gaan in op YouTube en tik net in:
willie van tonder

En geniet dit.
Verder, my skrywes  ;
Geniet dit wat ek opdis en blaai gerus weg indien dit jou nie pas nie.
 
Dit is my as skrywer se taak en strewe - om emosies op te wek.
Die leser moet emosioneel geraak word deur wat ek geskrywe het:
Jy mag maar lag, huil, kwaad word . . .
Jy mag maar woedend ook word.

Dan het ek geslaag as skrywer.



Totale stukke publiseer: 2,393
Totaal kere gelees: 0
Totaal kommentaar: 8,998