Op Woes.co.za onder Musiek & Lirieke

Nuwe Jaar - Kreatiewe bestuurder








 dis stil
lank lank na middernag
en die oujaar se skelet
lê bleek, gedweë eenkant gestoot
in die skadu van gister en vandag se donker nag

ek staan op
steek nog ‘n kers aan
maak ‘n stok wierook brand
luister na die reëndruppels op my dak
en staar stil na die dowwe lig van ‘n halwe maan

ek staan alleen
in die middel van die nag
blaai deur boeke vol gister-se-gedagtes
staar blindelings na niks en soveel
en ek vra vir leiding, vir moed en vir krag

ek haal asem
diep, diep asem en teug die nag
ek adem lewe en ek sluk lewegewende krag
vir die dag van nou en die dae daarop
ek vra om krag vir elke volgende dag

‘n voël se na-nag fluit
versplinter my gedagtes, versnipper my seer
laat my glimlag, gee my hoop
en laat my staan, regop staan
in afwagting van wat ek as mens nie kan keer …


Bron: http://www.woes.co.za/bydrae/liriek/nuwe-jaar-kreatiewe-bestuurder
sneeuwolf

My naam is Willie van Tonder. Haar naam is Anita en ons is al 48 jaar saam. Sy het drie kinders in die wêreld gebring en is al 'n ouma grootjie.
Ek het geen akademiese opleiding of  nering nie, maar het wel aan Moederskoot die Bybel leer lees en ek kan ook optel en aftrek.
Ek swerf my lewe lank deur 'n idilliese droom wêreld en vir brood en melk, gebruik ek my hande.
Ek woon in Potchefstroom
Mense en hul dinge is my lewe - ook die grond en alles wat daaruit spruit.
Ek skryf gewoonlik in die eerste persoon omdat dit vir my maklik is.
My stories beeld slegs my drome uit en het geen betrekking op my werklike lewe nie.
Opdat alles wat op die Internet geplaas word, Universeel is en daarna aan die wêreld behoort, mag jy dus dit wat jy van waarde ag, aftrek en bewaar.
Indien jy dit in beter formaat op CD verlang vir beter druk en bind, kontak my net.

My E pos adres is: willievantonder@gmail.com
My telefoon nommer is: 082 536 5423 - ek reageer beter op 'n duidelike SMS.
Skype: snowwolf 9281.
YouTube bydraes URL : http://www.youtube.com/willievantonder

Of, makliker:
Gaan in op YouTube en tik net in:
willie van tonder

En geniet dit.
Verder, my skrywes  ;
Geniet dit wat ek opdis en blaai gerus weg indien dit jou nie pas nie.
 
Dit is my as skrywer se taak en strewe - om emosies op te wek.
Die leser moet emosioneel geraak word deur wat ek geskrywe het:
Jy mag maar lag, huil, kwaad word . . .
Jy mag maar woedend ook word.

Dan het ek geslaag as skrywer.



Totale stukke publiseer: 2,393
Totaal kere gelees: 0
Totaal kommentaar: 8,998