Op Woes.co.za onder Musiek & Lirieke

V E N U S


Venus, daar blink planete in jou oe
Dit ontspring uit die fonteine van jou hart
Venus, ek was ontredderd en verlore
Maar jy vertroos my seerkry smart

Venus, my teleskoop wil op jou fokus
Jou geloof staan vas en is getrou
Venus, soos Jupiter en mars, Saturnus
Verlig jy die wereld rondom jou


Refrein 1:

Straal, straal, straal my Venus, as instrument in God se hand
Straal, straal, straal my Venus, laat jou liggie helder brand
Straal, straal, straal my Venus, laat jou liefde in die wereld skyn
Straal, straal, straal my Venus, laat die duisternis verdwyn



Venus, in jou oe weerkaats die Suiderkruis
Planete roteer in hul eie baan
Venus, 'n verdwaalde siel kom weer tuis
Jou liefde rig my kom en gaan

Venus, in jou blydskap wink die melkweg
Neem my op tot bo die donker nag
Venus, jou pad van hoop is smal en reg
En jou liefde gee my nuwe krag


Refrein 2:

Straal, straal, straal my Venus. straal die Heer se reddingslig
Straal, straal, straal my Venus, laat jou kompas my hart rig (2)


Bron: http://www.woes.co.za/bydrae/liriek/v-e-n-u-s
Karmenaadjie

My grootste liefde is Bybelstudieprojekte.  Verder skryf ek graag,  Lirieke en toonsettings, gedigte rubrieke en Musiekspele.  Ander liefdes: Skets en skilder.

My naam, Elizabeth, beteken "Dogter van God"  Dit is my elke dag strewe, om juis dit te wees.  Op my oudag het ek teologie studeer en 2011 graad gekry.  Bedien tans by Aretha, 'n huis vir pensioenarisse en gestremdes.

Taal en musiek het geen einde nie! 

Taal en klank was van die begin af daar.  Toe God in die begin gepraat het, het woorde en klank die stilte deurklief.  Van toe af sweef woorde en klank in die ruimte rond tot in ewigheid.

Om te dink, net 26 letters gee vir ons 'n Afrikaanse woordeskat van meer as 30,000 woorde.  Net 8 solfatone gee vir ons 'n musiekskat van duisende melodiee.  Elke dag word nuwe woorde en komposisies geskep waarin ek deel.  Dit maak my opgewonde.  God is Almagtig-kreatief en Hy het my ook kreatief gemaak. Hoe kan ek stilbly as die hele skepping juig.  Soos die klippe sal ek uitroep!

Al my werk, hetsy lirieke, komposisies of musiekspele is oorspronklik en behou ek die kopiereg daarop.



Totale stukke publiseer: 488
Totaal kere gelees: 0
Totaal kommentaar: 2,842