Op Woes.co.za onder Resensies

"Tower Of Babble, how the United Nations has fueled global chaos" deur Dore Gold

Jammer oor ek Ingelse boeke hier aanbeveel maar mens kry eenvoudig nie sulke materiaal in ons Taal hier waar ek is nie.

Hierdie is 'n puik boek vir enigeen wat belangstel in die doen en late van die Verenigde Nasies sedert die se stigting. Die boek is geskryf deur Dore Gold wat eens die staat Israel se verteenwoordiger by die Verenigde Nasies was.

Behalwe die inligting oor die VN se rol in wêreldgebeure gee die boek ook baie inligting oor konflikte wêreldwyd oor die afgelope eeu en dan natuurlik ook vanuit die perspektief van 'n Israeli. Met die lees van hierdie boek kry mens beter insig oor die geskiedenis van ondermeer die staat Israel en die se pogings om selfbehoud te midde van Internasionale teenkanting en ook oor die VN se onvermoë om te doen wat dit veronderstel is om te doen.

Ek dink ons as Boere wat graag nie net Suid Afrikaners wil wees nie maar ook nog Boere wil wees kan iets van waarde vir onsself in die boek vind. Die geheelindruk wat ek hieruit kry is dat die VN basies net 'n baie duur platform vir geselsies is en nie regtig enige beheer het oor wat in die Internasionale politieke arena aan die gang is nie.


Bron: http://www.woes.co.za/bydrae/resensiestuk/tower-of-babble-how-the-united-nations-has-fueled-global-chaos-deur-dore-gold
AardigeAfrikaner

Ek wou al van ek leer lees het ook skryf.  Op skool het ek eerder gediggies as briewe geskryf want na aanleiding van hoe voorgeskrewe gedigte geinterpreteer was het dit voorgekom of mens enige tjol kan skryf en iemand iewers sal weldra n dieper betekenis tussen die lyne vind.  Ek kon eksamens makliker slaag met rympies as met briewe.  Tog het die gogga van dig sy kloue diep in my ingeslaan en ek kon nognie daarvan ontslae raak nie.  My beste gedigte, na aanleiding van die reaksies daarop, kom na my en ek voel gedwonge om dit te skryf.  As ek self probeer dig kom dit maar swak uit.

Wie en wat is ek?  

Gebore in Bloemfontein, baba in Oos-Londen, kleuter in Kaapstad, skoolgegaan in Port Elizabeth, man geword in Pietersburg, getrou in Port Elizabeth, my oudste twee gebore in Port Elizabeth, jongste verwek in Lower Hutt (Nuwe Seeland).  Het al gewerk in Port Elizabeth, Pretoria, Pietersburg, Engeland, Skotland, Duitsland en Nuwe Seeland waar ek myself tans bevind. 

Huidiik werkloos en gediagnoseer as skizo-affektief versteurd weens ek oortuig is die Heelal kommunikeer met my asof dit n persoon is en weens my emosies die skaal van huidiglik aanvaarbaar as normaal grense oorskry.  Ek het n N diploma in Telekommunikasie elektronika, n BA graad in Sielkunde en n BAHonn in Godsdienswetenskap.  Meanwhile lees ek al vandat ek kan alles en nog wat.  Ek is fanaties oor waarheid en strewe al lewenslank na wysheid. 

Die liefde van my lewe is my kinders en ek dra al my skrywes hier en op blogit op aan Armand, Danielle en Jeandre in die besonder en almal wat ek lief het oor die algemeen.  My muse was vir dekades lank die spookbeelde van n meisie op wie ek in my jong dae te verlief geraak het en net nie uit my gedagtes kon kry nie.

Ek hoop my skrywes inspireer iemand om outentiek te lewe en die grense van die alledaagse voortdurend te oorskry in n strewe na n meer en meer betekenisvolle bestaan. 



Totale stukke publiseer: 1,975
Totaal kere gelees: 0
Totaal kommentaar: 3,626