Op Woes.co.za onder Woes-Nuus

Viva Michelle

Michelle van Zyl, oftewel miesjel, was dié jaar se wenner by die Volksblad skryfwedtryd. Lees gerus hierdie artikel wat oor die wedstryf geskryf is.

Ek wil net baie dankie sê aan die Woes skrywers wat so uitblink. Ek dink julle dien as ‘n inspirasie vir ander skrywers op die blad.

Groete,

Willem Woes

VOLKSBLAD
Woensdag 11 Julie 2007
Deur: Danila Liebenberg

“Poesïe bestaan nie net in boekvorm nie. Dit moet ook by die geleentheid voorgedra kan word. Soos vanaand. Want om digter te wees, verg om ambagsman te wees.” So het Louis Esterhuizen, digter van Stellenbosch, Dinsdagaand op die Gala-aand met poesïe op die op Volksblad-kunstefees gesê. Esterhuizen het die opmerking gemaak na wat hy beskryf het as skitterende voordrag gelewer op die geleentheid deur aspirant-digters wat as finaliste gekies is in die jaarlikse skryfwedstryd wat aangebied word deur die departement Afrikaans en Nederlands, Duits en Frans aan die universiteit van die Vrystaat. Die wedstryd word in samewerking met die Volksblad aangebied. Uit hierdie skryfwedstryd is tien gedigte as finaliste aangewys. Die digters hiervan is na ‘n twee dae lange slypskool genooi wat deur Esterhuizen aangebied is. Dinsdag aand is die drie wenners op die geleentheid aangekondig nadat finaliste hul gedigte voorgelees het. Die tema vanjaar se kompetisie was die Vrystaat en sy landskappe. Michelle van Zyl is as wenner aangewys met, Dis hier, net hier. Professore Hennie van Coller en Bernard Odendaal wat as beoordelaars opdetree het, het uitgewys hoe sterk intertekstueel haar gedig spreek en dat die Afrikaanse letterkunde daarin resoneer. Versrëels soos: “sodat ek altyd nederig die land sal nodig hê” dra skugter aanmanings van Eugene N. Marais se Winternag. Prof Dave Lubbe se gedig “sleepdam” met konkrete beelde het die tweede het die tweede prys verower en die derde prys is aan Rita van Dalsen vir “gouepoort” toegeken. Twee ander digters wie se werk ook verdien om vermeld te word is die van Stephanie Muller met “anderkant arlington” en Daleen Krige met “om ‘n boek te verf”.

Op hierdie geleentheid het Herman van den Berg ook sy toonsetting van ‘n gedig oor Bloemfontein, wat deur Odendaal geskryf is, gesing. Van Coller het enkele gedigte voorgelees van Luuk Gruwez wat hy in Afrikaans vetaal het. Eers is die Vlaamse gedig in Gruwez se draende stem voorgespeel. Daarna het Van Coller sy vertaling daarvan voorgelees. Ook het Esterhuizen geur tot die aand verleen deur van sy gedigteaan die gehoor voor te lees.
Bron: http://www.woes.co.za/bydrae/woes-nuusstuk/viva-michelle
Willem Woes

Ek is die skepper van Woes.co.za en ek het nie gedink dit gaan so groot word nie. Omdat ek ‘n kreatiewe mens is weet ek hoe moeilik is dit om ‘n plek te kry waar jy jouself kan uitleef. Wat help kreatiwiteit as dit nie in aksie oorgeskakel kan word nie. Dit is wat Woes vir duisende skrywers tans doen.

Ek het ook nie gedink dit is iets wat ek gaan doen vir ‘n lewe nie.  Ek lag altyd vir mense as hulle vra wat ek doen en dan antwoord ek: “Ek doen alles wat my hart wil doen en my hoof bron van inkomste kom uit Afrikaans op die Internet”.

Ek het ‘n unieke manier om die lewe aan te pak en dit om elke jaar iets te doen wat my bang maak. Dit forseer jou om uit jou gemaksone te beweeg en so bewerkstellig dit persoonlikegroei.

Dinge wat ek al gedoen het is soos volg:

Ek het al twee Pendoring toekennings vir webwerf ontwerp gewen.

Fotoverhale in die Beeld koerant laat herleef.

'n Verhoogstuk vir my dertigste verjaardag geskryf en self opgevoer

Vryskut skryfwerk vir die Taalgenoot gedoen.

'n Musiekblyspel geskryf vir my 33'ste verjaardag en self opgevoer. Self liedjies geskryf en dit laat toonset.

Die Comrades maraton.

Ek en my broer het die Cape-Epic bergfietsren gedoen. Jy ry met ‘n bergfiets van Knysna, deur die Klein-Karoo tot in Stellenbosch. Dit is oor 8 dae.

Dankie dat jy Woes besoek en geniet jou tyd hier.



Totale stukke publiseer: 350
Totaal kere gelees: 830,891
Totaal kommentaar: 959