Op Woes.co.za onder Woes-Nuus
Woes Gala-aand
Die datum vir die Woes gala-aand is nou vasgemaak waarby ons die wenners van die Woes dig kompetisie gaan aanwys en sommer ook net lekker Woes bymekaar gaan kom. Alhoewel dit ‘n gala-aand gaan wees sal ‘n ligte vinger ete verskaf word alhoewel sjampanje om die aand gesellig te maak.
ALMAL IS WELKOM by hierdie geleentheid en nie net finaliste van die dig kompetisie nie. Ek sal dit waardeer as daar soveel moontlik Woesters die aand kan bywoon, ons is ‘n gemeenskap van skeppers wat mekaar ondersteun en hoe beter as in lewende lywe.
Ek is regtig opgewonde om almal weer bymekaar te sien, hierdie geleenthede is so spesiaal en ook die beste manier om hierdie opwindende jaar mee af te skop.
Die details is soos volg:
20 Maart
18:00 vir 19:00
Toegang: R60 per persoon. Betaalbaar by aankoms of deur elektroniese oorplasing.
Drag: deftig informeel
hAp
Venterstraat 116
Capital Park
Pretoria
Suid-Afrika
0084
Parkering is redelik skaars by hAp so probeer soveel moontlik saamry.
Betalings vir die gala-aand kan na die volgende rekening gemaak word:
Kahuna Mobility Solutions
Standardbank
Potchefstroom
Takkode: 052838
Rekening no: 030543088
Verwysing: Skrywersnaam
Epos bewys van betaling na digters@woes.co.za of faks na 011 507 5042.
Bron:
http://www.woes.co.za/bydrae/woes-nuusstuk/woes-gala-aand
|
Willem Woes Ek is die skepper van Woes.co.za en ek het nie gedink dit gaan so groot word nie. Omdat ek ‘n kreatiewe mens is weet ek hoe moeilik is dit om ‘n plek te kry waar jy jouself kan uitleef. Wat help kreatiwiteit as dit nie in aksie oorgeskakel kan word nie. Dit is wat Woes vir duisende skrywers tans doen.
Ek het ook nie gedink dit is iets wat ek gaan doen vir ‘n lewe nie. Ek lag altyd vir mense as hulle vra wat ek doen en dan antwoord ek: “Ek doen alles wat my hart wil doen en my hoof bron van inkomste kom uit Afrikaans op die Internet”.
Ek het ‘n unieke manier om die lewe aan te pak en dit om elke jaar iets te doen wat my bang maak. Dit forseer jou om uit jou gemaksone te beweeg en so bewerkstellig dit persoonlikegroei.
Dinge wat ek al gedoen het is soos volg:
Ek het al twee Pendoring toekennings vir webwerf ontwerp gewen.
Fotoverhale in die Beeld koerant laat herleef.
'n Verhoogstuk vir my dertigste verjaardag geskryf en self opgevoer
Vryskut skryfwerk vir die Taalgenoot gedoen.
'n Musiekblyspel geskryf vir my 33'ste verjaardag en self opgevoer. Self liedjies geskryf en dit laat toonset.
Die Comrades maraton.
Ek en my broer het die Cape-Epic bergfietsren gedoen. Jy ry met ‘n bergfiets van Knysna, deur die Klein-Karoo tot in Stellenbosch. Dit is oor 8 dae.
Dankie dat jy Woes besoek en geniet jou tyd hier.
Totale stukke publiseer: 350
Totaal kere gelees: 830,891
Totaal kommentaar: 959
|