Titel: 2de Januarie

My sel se alarm gaan genadeloos af -
Wat, waar, hoekom is jy so laf?
Watter dag is dit nou weer?
’n Moedelose sug kan ek nie keer!

Nou eers vyfuur, ek wil nog slaap -
Strompel uit die bed so gaap-gaap.
Voel-voel vind ek krane van die stort -
’n Koue straal water, dis wat ek kort!

Toutjies hare en ’n bleek gesig,
Weerkaats vanuit my spieël terug.
Dankie vir poeier, ‘paint’ en ‘styling mousse’,
Daarsonder lyk die ou ‘lady’ alte kroes!

Sowaar al die 2de Januarie vandag!
Gee my tog die nodige krag,
Om die nuwe jaar weer aan te pak,
Met moed en ywer en sonder k..!