Gedigte

Titel: aalwyn
Deel hierdie werkstuk met jou Facebook vriende

voor my venster brand ‘n vuur:
‘n geluidlose passiespel op sewe kandelare
brandend teen die siersteenmuur

aalwyne melk die son in somermaande
en stoor die songloed tussen dorings
tot die dik geswelde blare in die winter bloei
en geboorte gee aan kelkende vulkane

nou swymel die vlamme voor die vlerke
van ‘n fladderende klein daniël
en gee hul vurige trompette oor
aan die geboë soeke van ‘n suikerbekkiesnawel
as hy deur die tuite dring
na daar waar nektar dieper brand
en die son nog smeul in heuningondertone

hy teug die gloeiende bekers leeg
en in sy solovlug na ander vlamme
blus die vure in sy keel



Spaar Geld op Versekering

Lucky Lottos

Kommentaar

Nog een
Jy het amptelik nou nog een. 'n Bewonderaar!
F A N T A S T I E S !

Skies tog, pragtig gestel, Erna.
6 jaar 9 maande 3 weke 5 dae 16 ure oud


Jy sleur my mee
in hierdie warm-voel gedig. Waar aalwyn vir ons 'n belangrike lewensles toon.

Werklik van uitstaande gehalte.
8 jaar 9 maande 3 weke 3 dae 23 ure oud


Aalwyn
Ek lewer nie meer hierop kommentaar nie, behalwe op my eie(!)
skryfseltjies en dan net om (dalk) te help. Ek het al privaat

ook gereageer, maar ek wil, vir oulaas, hierop reageer. Ek lees, stadig, want dit is baie "dig" (jy weet waarskynlik wat dié term beteken) dus baie, baie ryk, nie soos spookasempies nie, maar soos vrugtekoek, al jou werk! Ek kan daar GEEN fout mee vind nie,inhoudelik so wel as die uiters, uiters belangrike TEGNIEK wat jy absoluut meesterlik beheer. Dit sou arrogant van my wees om jou te probeer leer, want jou werk is BAIE beter as my eie skryfseltjies. Ek geniet jou werk, soos 'n mens 'n mooi gebou, motor, perd of wildsbok geniet! Nie net oor die inhoud daarvan nie, maar veral oor HOE daardie mooi goed aanmekaargesit is! Boonop ken jy Afrikaans se groot en ryk woordeskat en hanteer dei Afrikaanse idioom ( ek bedoel segswyse) na my mening foutloos! Jy weet self al ek vlei nie verwaandes nie!
A thing of beauty is a joy forever!" (Keats) En ek dink ook by die lees van jou werk: "Many a flower is born to blush
unseen/ and spill its fragrance on the desert air." Dankie dat ek die voorreg het om jou werk te lees!
8 jaar 9 maande 3 weke 4 dae 3 ure oud


WOW...
Dalk sit ek die pot heel mis maar vir my spreek hierdie vers van 'n geestelike soektog wat meesterlik subtiel gesuggereer word. Indien ek 'n spesifieke deel van die vers moet aanhaal, sal dit die hele gedig moet wees.

%@$&# BRILJANT, een van die beste verse wat ek nog gelees het en beslis 'n gunsteling!
8 jaar 9 maande 4 weke 1 dag 23 ure oud


aalwyn
Stella het my aangeraai om jounte lees en ek is blydaaroor. Ek kan geen ander kommentaar gee nie, jy het my nie gevra om die gedig te ontleed nie, maar ek sal dit graag met 'n klas wou ontleed! Al die verse (ek bedoel daarmee "lyne") is uitstekend. Iemand wat kan skryf: "melk die son in somermaande // en stoor die songloed tussen dorings," KAN dig.
Jy dig met jou oor soos Krog geskryf het ( Jy sal weet: "Die digter dig met sy oor") daarom is die vrye vers so vas soos heffingsverse, die klankbinding en binneryme seker en sinvol,
die gedagtes digterlik dog helder verwoord.
Askies, ek kon nie die eerste sinne redigeer nie en nou kry ek dit nie teruggerol nie. Ek is 'n tegnologiese idioot.
8 jaar 10 maande 1 dag 12 ure oud


LL
Ongelooflik
Pragtig beskrywend - beter as 'n foto! Kelkende vulkane, die son wat smeul - wow, dis te lekker.
8 jaar 10 maande 2 dae 3 ure oud


Aalwyn
Ek is eenvoudig versot op jou gedigte! Stem saam met Rudi dat jy 'n baie fyn waarnemingsvermoë het, maar ek dink dat jy 'n nog groter vermoë het om gewone dinge baie fyn te beskryf. Hierdie gedig van jou het die prentjie van die aalwyne voor my laat realiseer. Baie, baie knap gedaan!
8 jaar 10 maande 2 dae 4 ure oud


aalwyn
Pragtig
8 jaar 10 maande 2 dae 6 ure oud


die weervoorspelling
van jou hoendervleismooi 1ste strofe tot die keelvuur se blis,n uitstaande kunswerk.
een ding wat jy ook het wat n digter moet he:
waarnemings-vermoe......
n siel met oe.
8 jaar 10 maande 2 dae 14 ure oud



Nuutste werk ingestuur binne die afgelope 7 dae


Geborg deur :

Van ons ander lede

Kroniek van die Suid-Afrikaanse Weermag (1912 - 1994)

deur Francis Gillieron

Geskiedenis van die Suid-Afrikanse Weermag vanaf 1912 tot sy ontbinding in 1994



picture

Kompetisies

Kyk watse opwindende kompetisies tans beskikbaar is

picture

Nuusbriewe

Registreer nou om nuusbriewe van Woes te ontvang

picture

Winkel

Woes skrywers wat self publiseer se boeke is in die winkel beskikbaar