Gedigte

Premium+ Lid Premium+ Lid
Deel hierdie werkstuk met jou Facebook vriende

In my bolwerkbestaan
is my woorde maar platvloersdom
tog, as, (oor jou)
my hart bestek opneem
is dit of my bloed
uit al sy aarvernouings kom
word die liefde oseane se aandryf
wat my siel skuimend ontstom
as ek gesigseinders blinkvryf
tot prismas van reën en son

Ja, in my hart se kom en gaan
is my liefde maar hakkelmank
maar al agter my vulpen aan
word dit leane
wat groot bosreuse omrank
dra ek (oor jou malse naaktheid)
as plengoffer voor 'n minnevers
onder die skewebeksmile van die afloermaan
se wasdrupkers

In my bolwerkbestaan
breek daar deur ou dennenaalde,
 paddastoelwoorde
wat net blinkvlerk-nimfe
alleen, kan verstaan

Kan jy?
.....................................

©Elizabeth Greef - 15/01/2016



Spaar Geld op Versekering

Lucky Lottos

Kommentaar

die weervoorspelling
seker grens dit aan digkuns.
Maar eks mos nie vir die oormatige gebruik van ongewone/vreemde woorde in een vers nie...(pasop vir overdone/overcooked)
(so dit pla my bq..).....
maar dalk vir n fynproewer,is dit digkuns.

ek dink normaalweg in so tipe vers,sou die 'Kan jy?' aan die einde pas.
Maar in die een dink ek jy moet dit uitlos.

JOu beelde is beautiful(ten spite van die 'te veel' ongewone woorde.
4 jaar 2 dae 12 ure oud


Vulpen
Daar is net een woord - UITSTEKEND!
4 jaar 3 dae 18 ure oud


Al agter my vulpen aan

Karmanaadjie, hier spog jy mos skaamteloos met oordadigheid van gawe mens! Doodeenvoudig net te pragtig en 'n aanhoudende heerlikheid om te lees en te lees! Puik!
4 jaar 3 dae 23 ure oud


JIP!
Ek dink ek verstaan . . . al is die woorde nie vir mý geskryf nie.

Waauw! 3x My kniebuiging vir jou . . .

*leane = lane?
4 jaar 5 dae 5 ure oud


pen
WOW! Dis sommer puik very. Welgedaan!
4 jaar 5 dae 6 ure oud


vulpen
Elizabeth ek is mal hieroor
4 jaar 5 dae 8 ure oud



Nuutste werk ingestuur binne die afgelope 7 dae


Geborg deur :

Van ons ander lede

Agter Geslote Deure

deur Johan Botha

Hoe sê ‘n vyfjarige kind vir iemand groter as hy om hom nie te verkrag nie? Hoe reageer hy as hy sien hoe sy ma mishandel word deur ‘n dominerende vark van ‘n pa wat op drugs is? Wat gebeur met hom wanneer hy ouer word en probeer om by die samelewing in te pas, ‘n samelewing waar hy sukkel om met ouer mans te kommunikeer? Hoe probeer hy om sy eie identiteit te skep en ‘n beter mens van homself te maak? Dan word hy aangesê om sy pa te vergewe? Hoe? Waar sal alles eindig? Hierdie is sy lewensverklaring.



picture

Kompetisies

Kyk watse opwindende kompetisies tans beskikbaar is

picture

Nuusbriewe

Registreer nou om nuusbriewe van Woes te ontvang

picture

Winkel

Woes skrywers wat self publiseer se boeke is in die winkel beskikbaar