Titel: Altyd aan my sy

uit jou diepkyk oë
duik dolfyne omhoog

oor die brug van jou neus
gly ‘n walvis langs sy maat

teen die walle van jou mond
swem kleurvisse ‘n akwarium

rustige deining van jou bors
wieg die see aan die slaap

uit rondings van jou naeltjie
wals ‘n pikkewyn delikaat

by die delta van jou bene
bars branders oor rotse

in lengtegraad oor jou lyf
lê strande strooisuiker

jy is die stille oseaan
jy spoel sag deur my
jy is waaroor alles gaan
jy is altyd aan my sy


© WERNER WEHMEYER 2011