Gedigte

Titel: AS
Premium+ Lid Premium+ Lid
Deel hierdie werkstuk met jou Facebook vriende



hier sit ons nou

jy kyk vir my
ek kyk vir jou

deur skerms propvol woorde
hunker ons na oorde
na plekke
waar ons eens tesame was

wat gesê is, is gesê
dit wat gedaan is
het geen keer
en hoe klein is ons verweer
wanneer harte sommer net wil bloei

(oor elke wond sal rowe groei
met tyd sal letsels ook vervaag)

vir oulaas kom ons woorde tot 'n vuur
maar die uur voorspel die lot
van elke vlam wat is
en ooit hier was
die reeds bepaalde pad wat alles loop
en met hande, half onwillig
vee ons die laaste assies op 'n hoop

hier sit ons nou

jy kyk vir my
ek kyk vir jou.



© C. Shaw
12 Februarie 2016



Spaar Geld op Versekering

Lucky Lottos

Kommentaar

As
Seker die heel laaste bydrae wat ek hier op Woes sal lees. Iets wat ek altyd sal koester.
5 jaar 2 maande 3 weke 4 dae 19 ure oud


As
Jinnetjie tog, dis alweer so treffend! So eg! So...presies so!

Veral:
en met hande, half onwillig
vee ons die laaste assies op 'n hoop
5 jaar 2 maande 3 weke 4 dae 22 ure oud


In sak en as
Moet tog nie weg raak nie, hoop om jou weer raak te lees op ink.

Groetnis, maar nie vaarwel!!
5 jaar 2 maande 3 weke 5 dae 19 ure oud


ja
hier sit ons nou.


like it...
5 jaar 2 maande 3 weke 5 dae 21 ure oud


Groet.
So pragtig soos altyd. Jy skryf dat mens voel jy wil dit sing.

En ja, daar nies en stik en sluk ek ook weer.

Hierdie laaste week en veral vandag was een helse emosionele roller coaster vir ons almal.
5 jaar 2 maande 3 weke 5 dae 23 ure oud


groet
Ek verbeel my nog die heeltyd ons sit op die laaste dag almal saam om 'n vuur wat uitbrand en groet mekaar :-) Vandaar die gedig. Mooiloop julle almal.
5 jaar 2 maande 3 weke 6 dae 9 ure oud


As
Ons ure is besig vinnig uit te loop op Woes. Gedig mooi soos altyd. Xx
5 jaar 2 maande 3 weke 6 dae 9 ure oud


:)
Mooi!
5 jaar 2 maande 3 weke 6 dae 9 ure oud


as
ai tog hoe lastig is hierdie muggie nou hier in my oog
5 jaar 2 maande 3 weke 6 dae 12 ure oud


Ai tog.
Nou wil ek huil . . .
5 jaar 2 maande 3 weke 6 dae 13 ure oud


Isso, mos
Nee, nee, dis net dat ek wil nies.
Die stowwerige assies maak my öge so waterig.
Laat my los; dit gaan gou weer weg.
c]:o(
GvT
5 jaar 2 maande 3 weke 6 dae 15 ure oud



Nuutste werk ingestuur binne die afgelope 7 dae


Geborg deur :

Van ons ander lede

Gee my hoop - selfs toe daar geen hoop meer was nie

deur stefan s

Die boek se inhoud gaan hoofsaaklik oor die tema “hoop”. Hoop kan op verskillende maniere of geskep, versterk of vernietig word. Daar word gekyk na faktore wat ʼn direkte of selfs indirekte invloed uitoefen op die hoop wat daar in menseharte bestaan. Die boek is anders as ander deurdat daar aan die einde van elke hoofstuk ʼn gedig van hoop en bemoediging, deur stefan s, geskryf is wat by die tema van daardie hoofstuk aansluit. stefan s is ʼn predikant wat reeds 30 jaar in die bediening staan en in drie gemeentes gedien het. Ek is tans besig met twee afsonderlike kursusse in nood- en traumaberading. Ek is self deur diep waters wat as motivering gedien het vir die skryf van die boek met die spesifieke onderwerp “hoop”.



picture

Kompetisies

Kyk watse opwindende kompetisies tans beskikbaar is

picture

Nuusbriewe

Registreer nou om nuusbriewe van Woes te ontvang

picture

Winkel

Woes skrywers wat self publiseer se boeke is in die winkel beskikbaar