Titel: As die waarsêerblom haar gesigvelle verloor...

Teen die klipspore
wat strand-op
in die aanslag
van brander
na
brander
jaar in en,
jaar
uit
stom staan en kyk,
het ek vanaand
die spreukwoordelike
boodskap
in 'n bottel
die see ingestuur:
'n een lyn briefie
'kom terug, ek verlang'
in die kotsende skuim
na jou gestuur.
Na watter eiland
die strome dit sal neem
laat ek in die hande
van Moeder-natuur,
met net een wens
moeder-god
as die waarsêer-blom
haar gesigvelle verloor
dat dit
'hy lief my'
eerder as
'hy lief my nie'
sal wees:-

(en)

mag jy
op die plekkie wees
waar die boodskapbottel
te lande kom.