Titel: Boekrak van my lewe ...

Party boekrakke is groot
ander klein
party vol stof
ander blink gepoleer

Party boekrakke is vol
ander ...
soms is dit nodig om stil te word
en boeke te vat
'n voorraad opname van die indeks
van die boeke in jou hart

party boeke is oud en verwaarloos
ander splinter nuut
sommige het donkie ore
ander is net vir die oog verlore

daar is boeke oor jou geskiedenis
miskien een oor die voorspelling van die toekoms
'n boek oor jou huwelik
miskien een oor pogings in jou lewe wat misluk

'n rooiband boek wat jou eerste liefde weerspieël
en dan ...
die swartband boek,
die herinneringe aan die dag wat jy by 'n geliefde se graf moes kniel

die geel hardeband vriendskap boek
die een van die vriendin wat weier om te buig
die ligteblou ...
die een van al die onthou

tussen al die verskillende grootte boeke
is een met 'n buiteblad van glans
dit is die boek van jou
al die raad en vermaan
die woorde van jou wat my lewe help bou

een vir een stof ek die boekrak van my hart versigtig af
elkeen bevat 'n belangrike hoofstuk van my lewe
al is die boek oud of nuut
of selfs net vol bladmusiek
is elke een uniek
en het 'n bydra tot my lewe gebied ...