Titel: Demokrasie kom na Suid Afrika - Requiem

O, Seun van Afrika, ons salueer jou moed
soveel lange jare in ‘n tronk gesit en tog doen jy goed
Jy bring versoening binne en buite ons grense, my bra
bring demokrasie na die RSA

Swart en wit staan in toue om saam te stem
maar die onrus die bly, die harte beklem
‘n Nuwe konstitusie, almal se regte beskerm
almal is welkom, die regering klink ferm

Waarheid en versoenings kommissie swoeg voort
Tutu lyk tuis voor die kamera, so asof hy hoort
Ontbloot net jou hart, ons sal jou vergeef
maar weet gewis, vergeet sal ons nie, so lank ons leef.

Veertien jaar later, die alliansie trek swaar
Cosatu, die Kommies en ANC veg aanmekaar
Die skelms loop veilig op die strate
die onskuldiges skuil agter talies en mure en elektriese heinings, verlate

Die taxi’s neem oor, inflasie die styg
die dapperes kla, die meerderheid swyg
Die ministers bedrieg en besteel
die meerderheid sug, elke nuwe skok een skok te veel

Thabo vlieg rond en Manto ontken dat sy weet
Dat VIGS nie genees word deur knoffel en beet
Die goeie ou dae, die verlange is fel
verlang Nelson dalk terug na sy rustige sel

Was wetteloosheid en korrupsie waarna hy solank moes smag
of het hy gedroom van geluk, van kinders wat lag
En ek wonder wat hy sou antwoord as ek hom sou kon vra
wat hy nou dink van die wankelende demokrasie in Sud Afrika