Gedigte

Premium+ Lid Premium+ Lid
Deel hierdie werkstuk met jou Facebook vriende

Die aarde het koors en dit mergel hom uit,
net soos 'n legkaart is die kors uitgemerk
in allerhande vorms, sonder groenigheid,
en geen wortels om dit aanmekaar te heg.

Genadeloos is die tugtiging in sy teistering,
die natuur rebelleer gebind in tyd se gang
en son se swaard sny deur die stille angs
wat spartelende lewe genadeloos omhul.

Met onafwendbare asemnood stry julle
hulpeloos teen die mantel stof en sand
wat swetende hulpelose wesens smoor
en die vlaktes verberg onder 'n kombers.

Droogte is 'n plaag wat geloof kom toets,
die teenpool is opregte verootmoediging
wat die hemelse vensters weer sal open
om reën uit te giet, meer as benodig word.

God, U is die bestuurder van die skepping
en U het mag oor die droogtes en die reën.
Luister uit die Hemel en vergeef U dienaars,
gee asseblief reën en seën die dorre aarde.

14/11/2015 © C. du Plessis

Lees:
Maleagi 3:10
2 Kronieke 6:26,27
Habakuk 3:17,18



Spaar Geld op Versekering

Lucky Lottos

Kommentaar

koors
Baie goeie gedig, het geniet dit te lees. "Die aarde het koors" as titel - baie skerp. Gaan lees gerus my gedig "Genadedruppels" wat in n mate by jou tema aansluit en laat my weet wat jy daarvan dink?
Groete
4 jaar 2 weke 2 dae 7 ure oud


Droogte
Die gedig vat baie mooi saam wat op almal se gedagtes is. Maar soos jy tereg se is dit net God wat die finale besluit kan neem. Baie treffende gedig.
4 jaar 3 weke 3 ure oud


Koors
Uitstekend! Pragtig! En ek hoor die reen het gekom.
4 jaar 3 weke 4 ure oud


Die aarde het koors


'n Aanprysenswaardige bydrae tot Projek Droogte!
4 jaar 3 weke 9 ure oud


koors
Droogte puik beskryf
4 jaar 3 weke 9 ure oud


aarde
Baie goeie gedig, Casper. "Droogte is die plaag wat geloof kom toets" - dis werklik 'n goeie observasie en uitstekend gestel :-)
4 jaar 3 weke 1 dag oud


Die aarde het koors
Inderdaad.
4 jaar 3 weke 1 dag oud


Die aarde het koors
Baie dankie vir jou pragtige bydrae tot die DROOGTE projek.
4 jaar 3 weke 1 dag 7 ure oud


Z
Jou slot rond hierdie gedig uitstekend af.
4 jaar 3 weke 1 dag 13 ure oud


droogte
casper met hierdie werk verdien jy tien goue sterre. ek glo dat God voor hierdie volk kom staan het en hierdie droogte is Sy manier om vir hierdie volk te sê: Bekeer julle en word weer n Godsvolk dan sal Ek die hemele open en reën gee
4 jaar 3 weke 1 dag 20 ure oud



Nuutste werk ingestuur binne die afgelope 7 dae


Geborg deur :

Van ons ander lede

KOPERMAAN tot SPIKKELPELIKAAN

deur Viooltjie

Hierdie bundel bevat 80 oorspronklike gedigte wat vir enige leser toeganklik sal wees. Dit is gedigte waarmee mense kan identifiseer. Dit sal jou nie onaangeraak laat nie. Natuur, omgewing en bloot net ménswees kom baie sterk hierin na vore.



picture

Kompetisies

Kyk watse opwindende kompetisies tans beskikbaar is

picture

Nuusbriewe

Registreer nou om nuusbriewe van Woes te ontvang

picture

Winkel

Woes skrywers wat self publiseer se boeke is in die winkel beskikbaar