Velerlei paaie na verskeie bestemmings bereis.....
my voorkoms, die van veteraan, daarvan, die konkrete bewys!
Op roetes deur my meester bepaal....
ek, dienswillige marionet, passiewe deelnemer,
maar tog uiteindelik almal gehaal!

Dog, interafhanklik was ons voortgedryf,
sy fisiologie, my meganika, gesinkroniseer:
ook brandstoftoevoer met vonk, korrek gereguleer......
my werkkrag en stamina, sy bedrewenheid en bestuursvernuf, saam befaam!!
Span gevorm deur vreemdsoortige simbiotiese bestaan!
Moordende opdraendes uitgebeur, ekstaties ons hoogtes bereik, afdraandes se laagtepunte saam betreur...
tot eindelik my meester se vuur geblus,
vir erfgenaam spel ek geringe finansiele plus!!
Hier staan ek nou, die uitspraak nog ongefel ,
en afgewag, half gerestoureer, nog soms betrag,
sou daar vir my 'n genadeplek in die veteraan - motorhemel wees, of sal ek uiteindelik deur korrosie verteer,
tot metaalskroot gereduseer,
die ewige verwerpings-hel vrees?