Luister na My stem,
het jy My nie herken?

Ek roep, in die oggend vroeg,
nog voor jy dink om die land te ploeg,

Ek roep jou in die middae,
Ek wil hê, jy moet om hulp vra,

Ek roep jou, saans laat,
hoekom wil jy nie met my praat?

Ken jy nie My stem?
Wil jy My nie meer ken?

Ek is jou Skepper, jou Pa,
Ek's die een, wie jou elke dag dra,

Weet jy nie, Ek's lief vir jou?
Ek stuur My Gees, om jou te omvou,

Ek, het jou by jou naam geroep,
roep my aan, en Ek sal jou voed.