Die reuk van roosmaryn,
die smaak van soet rooi wyn,
bekende reuke, ons was nog klein!

Familie byeenkomste, lekker saamesyn,
geen bitterheid, of suur asyn,
niemand het mekaar ge ondermyn!

Vrolike dae, van lekker sonskyn,
tussen my vingers, voel ek nog die klei.
Dankie Here, as kind was ek vry!

Ons ouers, het swaar gekry,
nooit het ons daaronder gely,
niks kon ons, as familie onder kry!

Sondae middae, met die perdekar gery,
soms groot suig lekkers, na ete gekry,
mekaar geterg, en ook skelm gevry!

ons as kinders, moes stil sit, in ‘n ry,
anders, het ons gou, pak slae gekry,
lekker dae, wat vir altyd, by my sal bly.