ek wil jou gesig tussen die branders raam
om daarna te kyk as ek see toe gaan

ek wil die sagtheid in jou oë in watte-wolkies omvou
en dit veilig vir my oudag hou

ek wil die volmaan soos 'n speelbal vir jou gooi
sodat jy my saam na jou skatkamers kan nooi

ek wil jou lekker-lag tussen die kranse van my gedagtes laat weerklink
te luister na die eggo’s sodat ek heeldag lank aan jou kan dink

ek wil saam met jou lerieke sing op nuwe akkoorde
van jou fluisterende minne-woorde

ek wil in die dieptes van jou siel in duik en daar bly
want jy is soos elke asem teug vir my

ek wil een met jou wees
een in siel, een in gees!