Gedigte

Bladsye:
Premium+ Lid Premium+ Lid
Deel hierdie werkstuk met jou Facebook vriende

Dis in jou teenwoordigheid, my lief
waar ek stil my vrede kan vind
toegedraai in koesterwaarde van brokaat en lint;

dis in die blik van jou sagte kyk
waar die verstaan van jou sieleglans
my geborge toevou en verskans;

dis in die streling van jou sagpraat-woorde
wat my met soetheid van heuning bedrup
waar my liefde telkens, in verlange vas kan strik;

dis in jou hande se vuurgloed-streel
oor deining en kontoere se skugter-drang
waar ons saamsmelt in eenheidsgesang;

dis in jou luister en aanvaar
waar ek my onsekerheid se donker en blind
sonder skroom deur opregtheid die lig kan laat vind;

dis in ons saamwees, oor baie jare heen
waar genadespore diepgetrap lê
ek geseënd voel om jóú aan my sy te hê.

©Driekie Grobler



Spaar Geld op Versekering

Lucky Lottos

Kommentaar

liefde
. . . jou woorde so mooi soos die liefde self.
4 jaar 9 maande 4 weke 1 dag 12 ure oud


Liefde
Baie mooi gedoen . . .
4 jaar 9 maande 4 weke 1 dag 17 ure oud


liefde
pragtige ode aan opregte liefde Driekie
4 jaar 9 maande 4 weke 1 dag 18 ure oud


Liefde
WELGEDAAN, Driekie. Vir my beslis jou beste gedig. Ek beaam Rudi se kommentaar :-)
4 jaar 9 maande 4 weke 1 dag 23 ure oud


in jou
Diep uit die hart geskryf, ek ditto die Wow!
4 jaar 10 maande 6 ure oud


gevestigde liefde
Baie dankie vir jou pragtige bydrae tot die Liefdes projek
4 jaar 10 maande 7 ure oud


die weervoorspelling
vir die een kry jy n:
a)Wow.
b)DInk dis een van jou heel beste verse.

Strofe een begin sommer as die hoogtepunt.

Besonders gepen.

Net jou slotstrofe is bietjie te gewoon(veral met die hoogtepunt op hoogtepunt van die voorafgaande).

*************
4 jaar 10 maande 9 ure oud


Gevestigde Liefde
Uitstekend! Pragtige gedig vir 'n geliefde.
4 jaar 10 maande 10 ure oud



Nuutste werk ingestuur binne die afgelope 7 dae


    Geborg deur :

    Van ons ander lede

    Stromateia: 'n Lappieskombers van Gedigte

    deur Vesting

    Op aandrang is die gedigte van Vesting wat op Woes gepubliseer is, in boekvorm uitgegee (A5, slapband, 28 pp). Navrae: 072 4078561



    picture

    Kompetisies

    Kyk watse opwindende kompetisies tans beskikbaar is

    picture

    Nuusbriewe

    Registreer nou om nuusbriewe van Woes te ontvang

    picture

    Winkel

    Woes skrywers wat self publiseer se boeke is in die winkel beskikbaar