Gedigte

Premium+ Lid Premium+ Lid
Deel hierdie werkstuk met jou Facebook vriende

Langs ou Gatiep op die donkiekar sit Meraai.
Sy is baie vies oor die stof teen haar lyf vaswaai.
Sy trek haar kopdoek reg en gluur Gatiep onderlangs aan.
“Ek sê djy, wane gat djy stop? Ek’s gedaan!”

Gatiep ruk soos hy skrik.
“Hemil Meraai,
ik seg da lat ik sal stop by die wegdraai na Lambertsbaai.
Sit nou ma stil,
want ou Koos raak bang elkerste keer as djy so gil!”

Saam beweeg hulle deur Doringbaai
en Koos, die donkie, word gestop by die wegdraai
na Lambertsbaai.

“Klim djy nou ma eerste af Meraai, voor die kar omkeer.
Da gat sit djy doer onne ‘n bos lat ek net gou vi ou Koos verlos.”

Meraai se oë spoeg vuur,
Gatiep maak haar moer nou lekker suur.
“Dink djy maskien ik’s dik lat ik die kar sil omkeer?
Hierdie blêrrie wa is lankal an’t verweer,
en as hy da uit mekaar moet val,
issit oorlat djy te sleg is om ‘n hammer op te tel!”

Gatiep maak geduld bymekaar en praat sag met Meraai:
“Ga sit doer onner doerie bos,
die koelte mag djou dalk van djou beneuktgeit verlos!”

Hardkoppig het Meraai in die skadu van die soutbos gaan skuil.
Sy was moeg en haar lyf so seer dat sy wou huil.

Toe kom Gatiep voor haar staan,
in sy oë kon sy sien hy’s ook gedaan.
“So kô alles ok tot ‘n ent.”
kom Gatiep se woorde deur die sweet.
Meraai kom met moeite orent.
“Waava prat djy Gatiep?” wil sy weet.

Meraai sien die geplooide hand wat aan haar skouer vat
en wegly na die harde grondpad
waar ou Koos lê.

Op sy rug, staan die sweet blink
en Meraai sien dood in sy oë wink.
Weer sien sy hoe geplooi is die hand
wat Gatiep na haar toe uithou.

“Kô Meraaitjie, vat my hand,
want dis nog vêr oor die warm sand.”

So, in die Suidooste wind se waai
stap twee ou mense op die spoorwegpad na Lambertsbaai.
Net voor ou Koos sy oë toemaak
sien hy iets wat sy donkiehart aanraak:
die rooi in die lug is nie van die skemer se gloei,
maar van ware liefde wat uit twee ou harte vloei.

En so in die wind se waai
blaas ‘n donkie sy asem uit
duskant Lambertsbaai.



Spaar Geld op Versekering

Lucky Lottos

Kommentaar

Goed gedoen.
Ek het die gedig geniet. Goed geskryf!
3 jaar 9 maande 4 weke 1 dag 10 ure oud


Dis mos nou wondermooi, Leha.
Jy het die atmosfeer baie goed gevang.
Ons praat van tipes, en ek was bang dat jy miskien gaan karikeer. Maar dis goed opgevang en vorentoe aangedryf, en daar staan toe twee mense wat leef.
Dankie.
GvT
3 jaar 10 maande 5 dae 3 ure oud


In die wind se waai
Baie dankie vir jou pragtige bydrae tot die AFSKEID projek.
3 jaar 10 maande 5 dae 5 ure oud


TK
In die wind se waai
Dis nou sowaar 'n pragstuk hierdie. Ek het werklik lekker gelees
3 jaar 10 maande 5 dae 8 ure oud



Nuutste werk ingestuur binne die afgelope 7 dae


Geborg deur :

Van ons ander lede

VuurWerke

deur die Posman

n versameling liefdes gedigte wat die stormagtige verhouding tussen man en vrou uit beeld, en ander gedigte.



picture

Kompetisies

Kyk watse opwindende kompetisies tans beskikbaar is

picture

Nuusbriewe

Registreer nou om nuusbriewe van Woes te ontvang

picture

Winkel

Woes skrywers wat self publiseer se boeke is in die winkel beskikbaar