Gedigte

Premium+ Lid Premium+ Lid
Deel hierdie werkstuk met jou Facebook vriende

In die krake van
die ou huis sit die tyd
se antwoorde in verweerde
stene ontbloot van brokkel-pleister
wat ingee onder die kreune
en die aanslag van die eeue se marteling.

In een van die skeure in die
hoek is waar ek die antwoord
op al my vrae soek wat ek uitknars
teen die geskifde plafon van waar
ons eens liefde geken het.

Maar jou spore is ook deur
die tyd verweer en daar is
geen deur meer om my eggo-roep
na jou te keer en dit binneshuis te hou.

Die enigste salf vir my hart rou
in die ewige geskuur van die sand
wat elke skreef binnedring om my
na die hede se pyn terug te bring.



© Christo du Plessis 2010



Spaar Geld op Versekering

Lucky Lottos

Kommentaar

Krake
Hengggg Zym, dis so soo soooo goed!!!
5 jaar 3 maande 1 week 3 dae 20 ure oud


Krake
Pragtig gepen. Dit maak 'n mens bewoë om te dink aan die al die ou bouvalle met hulle eie unieke stories wat so ongesiens verdwyn.
5 jaar 3 maande 1 week 5 dae 18 ure oud


Krake
Shoe Christo, dit is ń pragtige en tog so sad gedig.

Baie goed gepen.
5 jaar 3 maande 2 weke 1 uur oud


krake
Darem so lekker om soms die mooiste uit jou skatkais uit te tower
5 jaar 3 maande 2 weke 7 ure oud


Krake sonder antwoorde
Baie dankie vir jou pragtige bydrae tot die BOUVAL EN WRAK projek.
5 jaar 3 maande 2 weke 21 ure oud


"na die hede se pyn terug te bring" Ai jy speel darem met 'n mens se hart in woorde. Pragtig!
10 jaar 3 maande 2 dae 22 ure oud


'In die krake van
die ou huis sit die tyd
se antwoorde in verweerde
stene ontbloot van brokkel-pleister
wat ingee onder die kreune'

As verval en ontnugtering mooi kan wees, lyk dit so.

Sjoe Zym, jy maak my skoon jaloers met
hierdie vers. Wow!
10 jaar 4 maande 3 dae 7 ure oud


Impakvol...
Zymrly, jy het die diep emosies absoluut meesterlik vasgepen! Hou baie hiervan...
10 jaar 4 maande 1 week 3 dae 2 ure oud


---
Maar jou spore is ook deur
die tyd verweer
--- Somehow laat hierdie woorde my dink aan "if I could save time in a bottle" ...


**Absolutely Magnificent** geskryf Zymrly!
10 jaar 4 maande 1 week 3 dae 13 ure oud


Ek is emosioneel en broos vandag (bleddie pms) en hierdie vers dra nie by om my toestand te verbeter nie...tog is dit seer waar en ongelooflik goed aangebied ! 'n Veer vir jou meester!

am
10 jaar 4 maande 1 week 3 dae 14 ure oud


Lieflike gedig. Hoe die lewe dan kan wees. Hartseer en alleen
10 jaar 4 maande 1 week 3 dae 14 ure oud



Nuutste werk ingestuur binne die afgelope 7 dae


Geborg deur :

Van ons ander lede

Plek van die Flaminke

deur Rachelle du Bois

Delia Kriel is mede-eienaar van die vakansieoord Zeesig. Haar eerste ontmoeting met Alex Vorster, haar sexy nuwe buurman, laat haar hare rys. Hy jaag haar kat die skrik op die lyf en hy jaag haar die harnas in. Kortom, hy pla haar, vreeslik, aanhoudend. Hy het haar rustige bestaan hier op Zeesig kom versteur en sy is vies, baie vies. Alex se broer, Xander, is die diep een, die stil musikant wat sy hart op Delia se vriendin, Madeleen, verloor het. Hy is koppig en hy weet wat hy wil hê, maar sy is versigtig vir die liefde, want net 'n donkie sal twee keer oor dieselfde klip struikel. En sy is nie 'n donkie nie. Hy is egter die ideale model vir haar beeldhouwerk en haar kunsuitstalling lê voor . . .



picture

Kompetisies

Kyk watse opwindende kompetisies tans beskikbaar is

picture

Nuusbriewe

Registreer nou om nuusbriewe van Woes te ontvang

picture

Winkel

Woes skrywers wat self publiseer se boeke is in die winkel beskikbaar