Titel: Krulkopseun van Colesberg - opgedra aan Chester Meyer

Nederig gebore en getoë
het jy kleintyd jouself onderskei
jou knieë afhanklik voor Hom geboë
het Hy jou na jou skeppingsdoel gelei

Paulus het geplant, Apollos natgelei
maar God kry die eer vir die groei en seën
so is jy ook vir die lewe voorberei
aan jou afrigters soveel vreugde verleen

Van KOVSIES na Londen en Italië
het Hy sy genade nie vir jou verberg
Ons verwonder ons aan Sy Skepperweë
wyl jy guns verdien en roem verwerf.

In verwond’ring sit ons vasgenael en luister
na jou spel ... jou talent tot Sy eer gewy
Jy laat toe dat die Gees sag influister
wyl jy improviseer en begelei

Jou orrelspel verenig bruin en blank
bring die beste uit mense na vore
Ons hoop verseker ons wag nie te lank
om meer te hoor van jou sewe kore

Foto Galery