die hande neem die vormlose klei en plaas dit grof op die gorrende skyf
daardie hande weet om die water uit die klei te dryf

terwyl die skyf met die klei so draai
vorm die bedrewe hande die klei met elke swaai

die vakman se hande ken so goed sy klei
daardie hande het dit self sag en vormbaar gebrei

sy hande werk sag en sekuur met die klei
die hande wil die regte vorm daaruit kry

die hande vorm nou 'n soepel kruik
ander hande moet dit nuttig kan gebruik

sy hande vorm en druk die kruik enig in sy soort
die kruik se eie karakter soos dit hoort

sien jy merke op die hande wat die klei so brei
daardie Hande met spykers deurboor vir jou en my!