sy oudagshand rus bewerig oor sy olienhout kierrieknop
hy hou maar die ander van die out'huis so dop

gee hier en daar 'n handjie waar hy kan
hand van vriendskap om liefdesdraad te span

die dowwe eens grysblou helder oë
blik met silverhoof en postuur geboë

hy staar na sy ou hande verrimpel en bleek
blou are plek-plek nog kleur uitsteek

ai, kyk hoe lyk die ou twee hanne van my nou
as hul so pynlik en stadig hulle vat moet vou

die onthou bly nog staan
hierrie hanne, ja hierrie twee hanne het hul weg gebaan

as hul maar net kon weet
hoe't die twee hanne al geswoeg en gesweet

hierdie hanne kon vou in gebed, bakhand genade vang
na Hom opgehef in vreugde- en lofprysgesang

om hartseer-mens het dié twee hanne liefde gedruk
sonder om te dink aan eie geluk

...oor sy hand op die kierrieknop
sag vou 'n warm liefdeshand
"kom pa, vat my hand
ons gaan maar na jou kamer se kant"

dankie Heer vir anner hanne wat my ook kan dra;
in U hanne is ek veilig; wat meer kan ek vra...