Titel: kyk,Hy kom op die wolke !

..en elke oog sal Hom sien....
die oproep hou my op my tone en
ek wil so graag reg wees as Hy kom
jarelank al ken en sing ek die liedjie
van verlange,'n hoop,nee wete, dis waar.
as Hy weer kom,as Hy weer kom,kom haal
Hy sy kinders,ek gaan saam met Hom
na Sy hemelshuis.ek verlang nie na
goue strate of perelpoorte nie
net Sy nabyheid,die Een van wie ek
al so lank leer,liefhet en na wie
ek luister as Sy stem in 'n lewe
soos myne fluister, wat nie volmaak is nie
maar gewas in die bloed van die Lam.
Here,kom tog gou!Maranatha !