Titel: laat-somer vers

subtiele winter-frekwensies
skarnier en skaaf
haar vervalle lyf.
in die groen van haar oë,
raam sy oulaas magriete
en bloureën en haar tenger
voete probeer desperaat die
somer-se-laaste stert vastrap...
"Bly nog net 'n week of wat?" -
smeek haar hande die
swaels wat in rustelose rye
oral sit.

Haar hart hang bewend
in haar binnekant
want sy weet
dis onvermydelik.

dis tyd...