Titel: Lekhart

Geluidlose woorde spoel
oor versande lippe
en kolk in verbleikte oogpoele -
wolkloos in hierdie koue hoogsomer.
Trae deinings waai oor die heuwels
van 'n tam bors
terwyl die kuiltjie elke versnellende slag afklop.
Hoe sal iemand dan weet?
Net 'n bemoeisieke stetoskoop
kan die dowwe gesuis
deur die septum kan afluister.
Hoe kan die ontoeganklike gat toe kom
as die chirurg toegewy is aan 'n ander hart?