Titel: Lekkergoedland

Ek bou vir julle ‘n lekkergoedland
om heeldag in te speel.
Vrolike giggles en taai seuntjie vinngers,
mag Mamma maar in julle pret kom deel?

Malvalekker springkasteel
Wit en pienk en sponserig
Staan op gras van peppermint
Die spookasem wolke lyk donserig
‘n sandput van gemmerkoekie krummels
Die klippe van tamaletjie
Liquorice paaie kronkel op teen die rand
Stokkielekker blomme in rye geplant
Riviere vloei vol sjokelade
Roomyshoringkies so groot soos bome
Die reen is die lekkerste lemonade
Bruinsuiker stene om huisies van te bou
Damme wat borrel vol louwarm fudge
Beddens van sponskoek met versiersuiker bersies

Net een vereiste om hier te kan speel,
tandeborsel elke dag,
anders word jul tande geel,
Ek is jul Mamma, wat het julle verwag?

(Vir mamma se pragtige Pikkewouters)