Gedigte

Premium+ Lid Premium+ Lid
Deel hierdie werkstuk met jou Facebook vriende

Die eerste keer het ek maar skrams gehoor
van jou. Uit druppels van jou siel se pen.
Toe’t warrelwinde, draaiend links, dan regs,
my wese deurmekaar kom vleg…

(Ek was natuurlik oudwees-kind
en het in spasies nog gedink:
wat blink is swaarlik
nog die goud
wat skitter in sy ysig koud…)

Maar tog het ek jou woorde mooi gevind
en die speling met verwoording
het ’n spel geword waarin ek
hulp’loos vasgeketting is
van toe tot nou.

Tóg maar moes ek, buite-om gehoor,
eers sién wie jý, my Drome is
en toe begin die dink:
Ís jy of is jy nie? Is èk of is ék nie?
’n Gekke deurmekaar in my
wat met my twyfel saam bly stry

want ek dag ek’s vry verklaar
van hierdie denke (Vrug van jou!)
maar toe begin my hartsverlang :
In die nagte word ek bang
dat iemand dalk mag sien, mag wéét
ou woorde bou tot nuwe siele-leed!

(Tóg: Bó my bang en deurmekaar
het ek in vreug’ gevind: Ek is verlief…)

Toe stort die vrae somer-reën!
Ek krimp ineen…. Só diep alleen
in wonder of dié hartseer diep verlange is
of dalk net smadelik’ verdriet…

Deur donkernagte van verdrink
in dink en peins en nogmaals dink
het ek geweet: Eks nié verlief,
of selfs geheg aan jou
(want dít sal immers
nimmer-nooit kan hou!):
Ek ís verlief-geheg aan jou -verlang verby-
want ek léwe uit… ek’s liéf vir jou!



Spaar Geld op Versekering

Lucky Lottos

Kommentaar

Pragtig!
Die slotstrofe is natuurlik my gunsteling!!! :-)
8 jaar 5 maande 4 weke 21 ure oud


Liefde se onbegrip
Sjoe, Koekekranka...dat die liefde mens soms so deurmekaar het, droom-verwonder, diep-peinsend, verlief-geheg, verlang-verby, lewe jy, uiteindelik, met die sekerheid dat dit net liefde is!
Jy het dit uitmuntend beskryf!
8 jaar 5 maande 4 weke 1 dag 2 ure oud


rex
Liefde ...
Ai, dis pragtig gedoen!
8 jaar 5 maande 4 weke 1 dag 6 ure oud



Nuutste werk ingestuur binne die afgelope 7 dae


Geborg deur :

Van ons ander lede

Destined to Love

deur Rachelle du Bois

As she sat down on her suitcase, despair almost overwhelmed her. The events of the past week should have prepared her for something like this – this old house with this overgrown garden in this godforsaken little town in the eastern Free State of South Africa, which was left to her by a grandmother she had not known existed. But as she steadily began uncovering the secrets of her granny’s and her mother’s past, she found her destiny here, irrevocably linked to her smouldering neighbour, Julian du Toit. He'd made a promise to her grandmother that he fully intended to keep.



picture

Kompetisies

Kyk watse opwindende kompetisies tans beskikbaar is

picture

Nuusbriewe

Registreer nou om nuusbriewe van Woes te ontvang

picture

Winkel

Woes skrywers wat self publiseer se boeke is in die winkel beskikbaar