Titel: Liefdeslewe

Ragfyn spore van verlore gisters
grimeer onskulds skildery
'n glimlag wat wêrelde versit
wat van vergete drome getuig

Oë gevul met 'n leeftyds verwyt
'n melkweg se skoonheid
wat sprankel en giggel
wanneer mens hul met vreugde verlig

'n Hart so onbaatsugtig
wat gee sonder einde
eindelose liefdes horison
wat my siel nader wink

'n skugter onskuld mens
wat slegs bemin wil word
reeds wêreld belowe
maar deur ontnugtering gegesel

So vanwaar my liefde
'n geloofs oortuiging
deur Sy wysheid bestuur
'n genade gawe geskenk

Elke oomblik saam
'n harts triomf
elke sekonde
'n ewigheid van siele voeding

In jou arms kan ek sterf
en in jou siel n ewigheid vertoef
in jou hart wil ek borrel en bruis
sonder jou wil en nooit verhuis