Titel: Lupus

LUPUS
Lupus die Latyns vir Wolf,
Het ons getref soos ‘n reuse golf
Magteloos staan ons en kyk
Hoe Martin se nierfunksie wyk.

So taai soos die taaiste leer,
Klou ek aan my geloof, om U te eer.
Net U O God ken my seer,
Dialise masjiene wil ek en Martin nie meer.

Die tyd toe ons kon lag,
Het ons U skeppingswerk
Met al sy prag,
Soos ‘n trein verpas.

Ons het geglo o Heer
Net U kan die niere omkeer.
Vir ‘n wonderwerk het ons gebid.
U stilswye het my laat stik.

Op U my God het ek vertrou
My nier sal die oorplanting verbrou.
Met masjiene wat nog voort sing,
Het U wel genesing gebring!

U woord het U gestand gehou
Dag na dag word ons omvou,
En in die holte van U hand gehou,
Sodat almal u Almag kan aanskou.