Titel: Merkwaardig

tenger op jou rooi CBR, eensaam in jou swart kopdop
begelei jy jou geliefde op sy laaste aardse tog
statig, uitmergelend stadig, die reis deur warm strate
wyl jou gees rou

verby dié plek hou jy moedig vol,
ry jy vasberade veilig
wyl jou siel vlug

staan jy erewag, net ons drie
jaag jy saam die toer op
wyl jou oë water word

sing jy later hande na Bo
“Hoe groot is ons God”
skryf jy wys “leef sodat jy weet waarheen jy oppad is”
maan jy steeds dat hulle bikers moet verstaan
wyl jou hart flenters spat

Merkwaardig
Jonk
Vrou