Gedigte

Premium+ Lid Premium+ Lid
Deel hierdie werkstuk met jou Facebook vriende



Asgrou hang my peplos-kleed
tot waar die soom my loop knoop,
om te stol voor jou en jou woorde
wat bloukweek bed in die loopvlak
van my digtersiel.

Wil ek kniel en bieg dat ek my vloere klei
met basaltsteen,
my waasglas vul met kerslelies wanneer ek
my polse balsem met strofes en verse
wat stroomop stu in jou bloed,

dat ek menigmaal dors en honger
na meer as wat ek moet.

Vannag vang ek die fonkel in jou oog
en laat toe dat jou passie
my brok vir brok breek,
dat jy vir weke maande en jare
steeds my krummelspoor kan eien
op die mosbegroeide paadjies wat
kronkel deur jou woud.

Ek herdenk jou geboorte,
skenk aan jou die waterkom sekel van
die maan
staan stil
voor jou teenswoordige gees.

Dankie vir jou
wat menigmaal deur woorde
my in die halfwegstop van niemandsland
in die windstil laagte van jou palms hou.



© 2010 Almarie Truter



Spaar Geld op Versekering

Lucky Lottos

Kommentaar

minute voor middernag
Jislaaik ! Doe voort !
9 jaar 3 maande 2 weke 6 dae 1 uur oud


'n lieflike titel ... 'n lieflike vers ... 'n lieflike slot ... SKITTEREND geskryf ammiemoon!
9 jaar 3 maande 2 weke 6 dae 11 ure oud


'n Uitstekende gedig - wat ek van begin tot einde en terug oor en oor gelees het. Die deel waar ek keer op keer gaan stilstaan:

"Vannag vang ek die fonkel in jou oog
en laat toe dat jou passie
my brok vir brok breek,
dat jy vir weke maande en jare
steeds my krummelspoor kan eien
op die mosbegroeide paadjies wat
kronkel deur jou woud."
9 jaar 3 maande 2 weke 6 dae 15 ure oud


Minute
Weer `n briljante ene hierdie!! jy het dit of jy het dit nie en JY HET MEER TALENT as waarvan ek kan droom!!
9 jaar 3 maande 2 weke 6 dae 16 ure oud


Jou slot het my hart en my asem gedief !!Wow !
9 jaar 3 maande 2 weke 6 dae 16 ure oud


mooi ingeryg... weet nie of ek moet laat gaan en om net te wees.... maar leef moet ons leef....
9 jaar 3 maande 2 weke 6 dae 17 ure oud


Pragtig... al verstaan ek nie alles, streel die woorde.
9 jaar 3 maande 2 weke 6 dae 21 ure oud


pragtig.
9 jaar 3 maande 2 weke 6 dae 23 ure oud


Mooi Ammie!!
9 jaar 3 maande 3 weke 3 ure oud



Nuutste werk ingestuur binne die afgelope 7 dae


Geborg deur :

Van ons ander lede

Lelani

deur Rachelle du Bois

Lelani Botha bestuur die eksklusiewe boetiek op die dorp. Sy is beeldskoon, stylvol en kunstig. Maar sy dra swaar aan ‘n geheim waarvan niemand weet nie. Tot hul botanis buurman Leon Postma haar eendag betrap in ‘n situasie wat sy nie langer kan wegsteek nie. Hy weet nou baie meer as wat enige ander mens van haar weet en sy verkwalik hom daarvoor. Hy het geen reg om te weet nie. Sy is pragtig, vurig en wantrouig. En sy is in Leon Postma se lyf, in sy kop en sy bloed. Hy sal vir haar ʼn brug oor die water bou wat haar na hom toe sal bring. Of so hoop hy. Maar Lelani bied hewig weerstand teen haar groeiende aangetrokkenheid tot Leon. Sal sy toegee aan die man wat soos ʼn koors in haar binneste kom intrek het? Sal sy uiteindelik die brug na hom toe oorsteek?



picture

Kompetisies

Kyk watse opwindende kompetisies tans beskikbaar is

picture

Nuusbriewe

Registreer nou om nuusbriewe van Woes te ontvang

picture

Winkel

Woes skrywers wat self publiseer se boeke is in die winkel beskikbaar